بۇل تۋرالى اقپارات الەۋمەتتىك جەلىدە تاراعان.
وسىعان بايلانىستى «قازاقستان تەمىر جولى» ۇك» اق باسپا ءسوز قىزمەتى مالىمەت بەردى، دەپ حابارلايدى Almaty-akshamy.kz
قتج باسپا ءسوز قىزمەتىنىڭ مالىمەتىنشە، 6 قازان كۇنى ساعات 07:50-دە الماتى-1 – الماتى-2 تەمىرجول ارالىعىندا تەمىرجولعا جاقىن ورنالاسقان نىسانداردى جارىقپەن قامتاماسىز ەتۋگە ارنالعان ەلەكتر سىمدارىنا اعاش بۇتاعى قۇلاعان.
«الماتى ەلەكترمەن جابدىقتاۋ ديستانسياسىنىڭ قىزمەتكەرلەرى وقيعا ورنىن جەدەل تۇردە توكتان اجىراتىپ، سىمداردان اعاش بۇتاعىن الىپ تاستادى. كەيىن ەلەكتر ەنەرگياسى قايتا بەرىلدى. اتالعان ماسەلەگە بايلانىستى پويىزداردىڭ كەشىگۋى جانە ەشقانداي زارداپتار بولعان جوق»، - دەپ جاۋاپ بەردى قتج باسپا ءسوز قىزمەتىندە.