ونەر ادامدارى تەاتردىڭ شەكتەۋ شارالارىنا قارسى
الماتى قالاسى مەملەكەتتىك قۋىرشاق تەاترىنىڭ اكتەرلەرى كوروناۆيرۋسقا قارسى ۆاكسينا الىپ، جۇمىستى ەكى فورماتتا جالعاستىرۋدا، دەپ حابارلايدى Almaty-akshamy.kz.
تەاتردىڭ كوركەمدىك جەتەكشىسى، قويۋشى رەجيسسەرى ءارى اكتەرى ۆاكسينا تۋرالى ايتىپ بەردى.
الماتى قالاسىنىڭ مەملەكەتتىك قۋىرشاق تەاترىنىڭ نەگىزى 1935 جىلى قۇرىلدى. ەلىمىزدەگى ەڭ كونە تەاترلاردىڭ ءبىرى. قازاقستاننىڭ باسقا قالالارىندا قۋىرشاق تەاترلارى كەيىنىرەك 80ء-شى جىلدارى قۇرىلدى. 85 جىلدىق تاريحى بار قۋىرشاق تەاتردىڭ جۇزدەگەن پەسالارى بار.
اپتا سايىن جاس كورەرمەندەر ارتىستەردىڭ ادال ەڭبەگىنىڭ ارقاسىندا حالىق ەرتەگىلەرىمەن تانىستى. 2020 جىلعى ىندەتكە بايلانىستى بارلىق جۇمىس ونلاين فورماتقا اۋىستى.
بۇل تۋرالى قۋىرشاق تەاترىنىڭ كوركەمدىك جەتەكشىسى اقجارقىن سارسەنبەك ءورازالى مالىمدەدى.
«تەاترلاردىڭ جابىلاتىنى تۋرالى ەستىگەننەن كەيىن ءبىز جۇمىستى قايتا فورماتتاپ، سپەكتاكلدەردى تىكەلەي ەفير مەن جازبالار ارقىلى كورسەتە باستادىق. "الماتى" تەلەارناسىنىڭ قولداۋىنىڭ ارقاسىندا وننان استام سپەكتاكل ءتۇسىرىلدى. تەاتر ديرەكتورى تالعات ەسەنالييەۆتىڭ باسشىلىعىمەن جاڭا ونلاين-فورماتتى مەڭگەردىك. تۇسىرىلگەن جازبالاردىڭ ارقاسىندا سپەكتاكلدەردىڭ بەينەمۇراعاتى پايدا بولدى»، – دەدى اقجارقىن سارسەنبەك ءورازالى.
ونەر ادامدارى تەاتردىڭ شەكتەۋ شارالارىنا قارسى. ويتكەنى كورەرمەندەر شىعارماشىلىق پروسەستى كورۋى كەرەك. ونىڭ ۇستىنە، قۋىرشاق تەاترىنىڭ رەپەرتۋارىندا ءاربىر جاس الماتىلىق كورۋى ءتيىس 30-دان استام سپەكتاكل بار.
ىندەت كەزىندە اكتەرلەر جاڭا فورماتتا 15 باعدارلاما جاساپ، ەرتەگى مەن قۋىرشاقتاردىڭ قالاي جاسالاتىنىن تىكەلەي ەفيردە ايتتى. قازىرگى ۋاقىتتا تەاتر ترۋپپاسىنىڭ ءبىر بولىگى دەمالىستا، اكتەرلەردىڭ جارتىسى جۇمىس ىستەيدى. بۇل رەتتە تەاتر ۇجىمى كورەرمەندەردىڭ جينالۋىن، جاندى ەموسيالار مەن قولداۋلاردىڭ بولعانىن قالايدى.
«مەن ۆاكسيناعا سانالى تۇردە كەلدىم. نۇر-سۇلتان قالاسىندا تۇراتىن ۇلىمنىڭ قوڭىراۋىنان كەيىن بىردەن ەكپە الدىم. ول دوسىنىڭ اكەسى كوروناۆيرۋس ينفەكسياسىنان قايتىس بولعانىن ايتتى. مەن بالالارىم مەن نەمەرەلەرىمنىڭ الاڭداعانىن قالامايمىن. سول ءۇشىن 7ء-شى ەمحاناعا تىركەلىپ، 4 شىلدەدە ۆاكسينانىڭ ءبىرىنشى كومپونەنتىن الدىم. 21 كۇننەن كەيىن ەكىنشى ۆاكسينانى الامىن. جاناما اسەرلەر بولعان جوق، تەك ينەكسيا ورنى ءسال اۋىردى»، – دەدى الماتى قالاسى قۋىرشاق تەاترىنىڭ كوركەمدىك جەتەكشىسى.
اقجارقىن سارسەنبەك ءورازالى الماتى تۇرعىندارىن الەۋمەتتى جەلىدە پايدا بولعان قاۋەسەتتەرگە سەنبەۋگە شاقىردى.
«رەسمي اقپاراتقا سەنۋ كەرەك. ۆاكسينا الماس بۇرىن، ول تۋرالى رەسمي اقپاراتتى وقىدىم. حالقىنىڭ بارلىعى ۆاكسينا العان يزرايلگە قاراڭىز، اقش-تا ۇجىمدىق يممۋنيتەت 70%-دى قۇرايدى. بىزگە وسى ەلدەردەن ۇلگى الۋ كەرەك»، – دەدى الماتى قۋىرشاق تەاترىنىڭ كوركەمدىك جەتەكشىسى.
ۆاكسينانى قۋىرشاق تەاترىنىڭ قويۋشى رەجيسسەرى قابدىل ەركەبۇلان قولدايدى. ۆاكسينانىڭ ءبىرىنشى كومپونەنتىن 19 ساۋىردە الدى. كەيىنىرەك ەكىنشى كومپونەنتتى الدى. رەجيسسەردىڭ ايتۋىنشا، ونلاين جۇمىس تەاتر ومىرىنە ءتان ەمەس. قابدىل ەركەبۇلاننىڭ ايتۋىنشا، تەاتر جۇمىس ىستەۋى كەرەك، اكتەرلەر جۇمىس فورماسىندا بولۋى كەرەك، كورەرمەندەر ونەردى ساعىنىپ ءجۇر. ءدال وسى سەبەپتەرگە بايلانىستى ۆاكسينا قاجەت.
«بىرىنشىدەن، اركىم ەكپەنى ءوز وتباسىنىڭ قاۋىپسىزدىگى، دەنساۋلىعى ءۇشىن الادى. ەكىنشىدەن، ءبىز، تەاتر قىزمەتكەرلەرى، كۇن سايىن بىر-بىرىمىزبەن بايلانىستا بولامىز ءارى ءبىر-بىرىمىز ءۇشىن ءقاۋىپسىز بولۋىمىز كەرەك. ۇشىنشىدەن، تەاترعا كورەرمەندەر كەلەدى، ولاردىڭ كوپشىلىگى بالالار. مەنىڭ ويىمشا، ءبىز ءوز كورەرمەندەرىمىزدى قورعاۋىمىز كەرەك. گوگول كوشەسىندەگى 1ء-شى ەمحانادا ەكپە الدىم، سەبەبى بۇل جۇمىس ورنىما جاقىن بولدى»، – دەدى قابدىل ەركەبۇلان.
تەاترعا اكتەرلەر وزدەرى شاقىرعان ەكپە توبى باردى، سودان كەيىن باسقا قىزمەتكەرلەر دە ۆاكسينا الدى.
ۆاكسينانى تەاتر ءارتىسى رۋسلان ءابۋ 5 ساۋىردە الدى. اكتەر ءوزىنىڭ جۇمىسىنا عاشىق ەكەنىن ايتتى. ول تەاتر الەمىنىڭ قالىپتى جاعدايعا ورالۋىن، كورەرمەندەردىڭ قويىلىمعا الاڭسىز كەلگەنىن قالايدى.
«بۇگىندە ۆاكسيناعا كۇمانداناتىندار كوپ، ءبىراق بۇل - ءوزىڭىزدى جانە اينالاڭىزداعىلاردى قورعاۋدىڭ جالعىز ءتاسىلى. ءبىزدىڭ تەاتردا اكتەرلەردىڭ 90% ەكپە الدى. بۇل تاڭداۋدا ءبىز ءبىر-بىرىمىزدى قولدادىق. ءبىز اۋرۋدىڭ تاسىمالداۋشىسى بولعىمىز كەلمەيدى»، – دەيدى رۋسلان ءابۋ.
ۇزاق مەرزىمدى شەكتەۋ شارالارىنان كەيىن تەاتر قىزمەتكەرلەرىنىڭ باستى قورقىنىشى - قويىلىمداردىڭ بولماۋى. ءبىراق ترۋپپانىڭ كوپتەگەن جوسپارلارى بار، ال ۆاكسينا بۇل اۋرۋعا قارسى تۇرادى. اكتەرلەر قالا تۇرعىندارى ءوز دەنساۋلىعى ءۇشىن ۆاكسينا الادى دەپ سەنەدى.
ەسكە سالساق، الماتىدا مەديسينالىق ۇيىمداردا، مەكتەپتەردە، مادەنيەت، سپورت نىساندارىندا، بازار مەن قالانىڭ سوسو-دا 211 ۆاكسينا پۋنكتى جۇمىس ىستەيدى. 300-دەن استام ەكپە بريگاداسى قىزمەت اتقارادى.