قۇتقارۋشىلار قالا تۇرعىندارى مەن قوناقتارىنان تاۋعا ساياحاتتاۋدى كەيىنگە شەگەرە تۇرۋدى سۇرايدى.
كۇننىڭ كۇرت جىلىنۋىنا بايلانىستى الماتى تاۋلارىندا قار كوشكىنى ءقاۋپى ساقتالادى، دەپ حابارلايدى Almaty-akshamy.kz قالالىق توتەنشە جاعدايلار دەپارتامەنتىنە سىلتەمە جاساپ.
«ۇلكەن جانە كىشى الماتى وزەندەرىنىڭ باسسەيندەرىندە جاۋىن-شاشىننىڭ كۇتىلۋىنە جانە قار جامىلعىسىنىڭ تۇراقسىز جاعدايىنا بايلانىستى 14-18 ءساۋىر ارالىعىندا قار كوشكىنى ءقاۋپى ساقتالادى»، – دەپ حابارلادى قالالىق توتەنشە جاعدايلار دەپارتامەنتى.
قۇتقارۋشىلار قالا تۇرعىندارى مەن قوناقتارىنان تاۋعا ساياحاتتاۋدى كەيىنگە شەگەرە تۇرۋدى سۇرايدى. ەسكە سالايىق، كەشە 13 ءساۋىر كۇنى «مولودەجنىي» شىڭىندا كوشكىن ءجۇرىپ، ەكى ادام قار استىندا قالدى. كەيىن قۇتقارۋشىلار قاردىڭ استىندا قالعان ادامداردىڭ بىرەۋىن امان-ەسەن شىعارىپ الدى. سول كۇنى كەشكە قاراي، قار استىنان ەكىنشى ءتۋريستىڭ دەنەسى تابىلدى.
الماتى قالالىق توتەنشە جاعدايلار دەپارتامەنتىنىڭ مالىمەتىنشە، قار كوشكىنىنىڭ استىندا قالعان ەكى ادام - فرانسيا ەلىنىڭ ازاماتتارى. بەلگىلى بولعانداي، 6 ادام تاۋعا شىعىپ سىرعاناعان. بۇل كوشكىننىڭ شىعۋىنا سەبەپ بولدى. ونىڭ بەسەۋى فرانسيا ازاماتى بولسا، بىرەۋى - قازاقستاندىق. تورتەۋى امان. قاردىڭ استىندا قالعانداردىڭ بىرەۋى زارداپ شەكتى، ەكىنشىسى وكىنىشكە وراي قازا تاپتى.