الماتىداعى «Pioneer» تاۋ شاڭعى كۋرورتىنىڭ ماڭىندا قار كوشكىنى ءجۇردى.
الەۋمەتتىك جەلىدە قار كوشكىنىنىڭ ۆيدەوسى پايدا بولدى.
«بۋكرەيەۆ شىڭىنان قار كوشكىنى ءجۇردى. ادامدار ءولۋى مۇمكىن»، - دەلىنگەن جازبادا.
توتەنشە جاعدايلار مينيسترلىگىنىڭ مالىمەتىنشە، 22 ناۋرىز كۇنى تاڭەرتەڭ جىلىمىقتىڭ اسەرىنەن، سونداي-اق جاۋىن شاشىنعا بايلانىستى قوتىربۇلاق وزەنىنىڭ باسسەينىندە قار كوشكىنى ەرىپ، قار ماسساسى «Pioneer» تاۋ شاڭعىسى كۋرورتىنىڭ قۇرىلىسىنا دەيىن جەتتى. تاۋلى كەشەن جۇمىس ىستەمەگەن، ابىروي بولعاندا زارداپ شەككەن ادامدار جوق.
«ساراپشىلار تۇسكەن قار ماسساسىنىڭ كولەمىن اۋا رايى ءقاۋىپسىز بولعاندا ولشەيدى جانە ەسەپتەيدى. ايتا كەتۋ كەرەك، بۇعان دەيىن 20 ناۋرىزدا «قازسەلدەنقورعاۋ» مم قالالىق فيليالى Pioneer كۋرورتى اكىمشىلىگىنە كوشكىن ءقاۋپى جانە قاجەتتى شارالار قابىلداۋ تۋرالى ۇسىنىس بەرگەن بولاتىن. جوعارىدا اتالعان مامانداردىڭ ۇسىنىسى بويىنشا ادامداردىڭ جۇرۋىنە شەكتەۋ ورناتىلعان»، - دەلىنگەن حابارلامادا.