جاساندى كوشكىن كەزىندە كولەمى 44 مىڭ تەكشە مەتر قار ماسساسى تاۋ ەتەگىنە ءتۇستى.
الماتى قالالىق تجد باسپا ءسوز قىزمەتىنىڭ مالىمەتىنشە، 16 ناۋرىز الماتىداعى تاۋدا جاساندى قار كوشكىنى جۇرگىزىلدى، دەپ حابارلايدى Almaty-akshamy.kz
«شىمبۇلاق-تۇيىقسۋ» اۆتوجولى ۋچاسكەسىنىڭ، دەمالۋشىلار مەن تۋريستەردىڭ قاۋىپسىزدىگىن قامتاماسىز ەتۋ ماقساتىندا "قازگيدرومەت" رمك ۇسىنىمدارى نەگىزىندە 16 ناۋرىز كۇنى "قازسەلدەنقورعاۋ" ماماندارىمەن كىشى الماتى وزەنى باسسەينىنىڭ «ەدەلۆەيس» قار جيناعىش اۋماعىندا قار ءتۇسىرۋ جۇمىستارى جۇرگىزىلدى»،- دەپ حابارلادى الماتى قالالىق تجد باسپا ءسوز قىزمەتى.
قازىرگى تاڭدا ءجۇرىپ بارا جاتقان اۆتوكولىك پەن تاۋ تۋريستەرىنە ءقاۋىپ جوق. پروفيلاكتيكالىق جۇمىستاردىڭ جۇيەلى تۇردە جۇرگىزىلەتىنىن اتاپ ءوتۋ قاجەت. جىل باسىنان بەرى جالپى كولەمى 35 مىڭ تەكشە مەتر قامتىعان 7 پروفيلاكتيكالىق قار ءتۇسىرۋ جۇرگىزىلەدى.
ەستەرىڭىزگە سالا كەتەيىك، قالا اكىمدىگىنىڭ قولداۋىمەن الماتى قالاسى تج دەپارتامەنتى كىشى جانە ۇلكەن الماتى وزەندەرىنىڭ باسسەينىندە كوشكىن ءقاۋپى مونيتورينگىنىڭ اۆتوماتتاندىرىلعان جۇيەسىن ەنگىزۋ بويىنشا جۇمىس جۇرگىزۋدە. بۇل جۇيە ءاربىر كوشكىن ءقاۋپى بار ۋچاسكەلەرگە ناقتى ۋاقىت رەجيمىندە مونيتورينگ جۇرگىزۋگە جانە تاۋلاردا بارىنشا ءدال جانە ءتيىمدى قاۋىپسىزدىك شارالارىن قابىلداۋعا مۇمكىندىك بەرەدى. جاۋىن-شاشىن ، قار جامىلعىسىنىڭ تۇراقسىز جاعدايىنا بايلانىستى ۇلكەن جانە كىشى الماتى وزەندەرىنىڭ باسسەيندەرىندە 15-18 ناۋرىز ارالىعىندا قار كوشكىنى ءجۇرۋى مۇمكىن. الماتى قالاسىنىڭ تۇرعىندارى مەن قوناقتارىنا تىك قارلى بەتكەيلەرگە شىعۋدىڭ ءقاۋىپتى ەكەندىگى ەسكەرتىلدى.