قازاقستاننىڭ بارلىق ءوڭىرى «جاسىل» ايماقتا، ەلدەگى ەپيداحۋال تۇراقتاندى.
Almaty-akshamy.kz COVID-19 تارالۋىنا جول بەرمەۋ جونىندەگى ۆاك-تىڭ تەلەگرام كانالى تاراتقان اقپاراتتار نەگىزىندە دۇنيە جۇزىندەگى كوۆيدتىك جاعدايعا شولۋ جاسايدى.
سوڭعى تاۋلىكتە فرانسيادا كوروناۆيرۋس ينفەكسياسىنىڭ 18 853 جاعدايى انىقتالدى، COVID-19 ۆيرۋسى سالدارىنان 162 ادام قايتىس بولدى. قازىرگى ۋاقىتتا فرانسيا اۋرۋحانالارىندا COVID-19 جۇقتىرعان 20 925 ناۋقاس بار. رەانيماسيادا 1826 ادام ەمدەلۋدە، ءبىر كۇن بۇرىن ولاردىڭ سانى 1855 بولدى. الايدا، ەلدىڭ دەنساۋلىق ساقتاۋ مينيسترلىگى كوروناۆيرۋستىق ىندەت كورسەتكىشتەرى تومەندەيدى دەپ سانايدى.
قىتايدا كوروناۆيرۋس شتامىنىڭ جاڭا ءورشۋى تۋرالى جاڭالىقتار بىرنەشە كۇن بويى الەمدى ءدۇر سىلكىندىردى. عالىمدار مەن دارىگەرلەر قىتايدا كوروناۆيرۋستىڭ جاڭا ءورشۋى «وميكرون» ۆا.2. شتامىمەن بايلانىستى دەپ مالىمدەيدى. الايدا، "روسپوترەبنادزور" باسشىسى اننا پوپوۆا COVID-19 ۆيرۋسىنىڭ بۇل شتامى رەسەيدە اقپان ايىنىڭ باسىندا انىقتالعاندىعىن مالىمدەدەگەن ەدى. ول ماسكەۋدە، باشكيريادا جانە ماري ەلدە كەڭ تارالعان.
رەسەيدىڭ دەنساۋلىق ساقتاۋ ءمينيسترى ميحايل مۋراشكو ەل تۇرعىندارىن كوكتەمنىڭ العاشقى ايلارىندا COVID-19 ۆيرۋسىنا قارسى قايتا ۆاكسينالاۋعا شاقىردى. «ناۋرىز بەن ءساۋىر ايلارىنىڭ ەپيدەميولوگيالىق جاعدايدى ودان ءارى دامىتۋداعى ماڭىزى ەرەكشە، سوندىقتان بۇل ۋاقىتتى ريەۆاكسيناسيا ءۇشىن قولدانعان دۇرىس»، - دەدى مۋراشكو. قازىرگى ۋاقىتتا كوروناۆيرۋسقا قارسى ۆاكسيناسيا جانە ريەۆاكسينالاۋ رەسەيدىڭ بارلىق ايماقتارىندا جۇرگىزىلۋدە. ەلدە «سپۋتنيك V» جانە «سپۋتنيك Light» پرەپاراتتارىنان باسقا، SARS-CoV-2 ۆيرۋسىنا قارسى «كوۆيۆاك»، «ەپيۆاككورونا-ن» پرەپاراتتارى دا قولدانىلادى. 24 قاراشادان باستاپ جاسوسپىرىمدەرگە ارنالعان العاشقى وتاندىق ۆاكسينا - «گام-كوۆيد-ۆاك م» ەكپەسى تىركەلدى.
يزرايلدە «وميكروننىڭ» موديفيكاسيالانعان گەنومدىق نۇسقاسى انىقتالدى. شەتەلدەن ورالعان ەكى جولاۋشىدا كوروناۆيرۋستىڭ شتامى تىركەلدى، دەپ حابارلايدى ەلدىڭ دەنساۋلىق ساقتاۋ مينيسترلىگى. «ەلگە كەلگەن كەزدە جولاۋشىلارعا جۇرگىزىلگەن پتر تەستىلەرى «وميكرون» نۇسقاسى مەن ونىڭ BA.2. قوسالقى ءتۇرىنىڭ ۇيلەسىمىن انىقتادى،» - دەلىنگەن رەسمي مالىمدەمەدە. جولاۋشىلاردا جەڭىل قىزبا جانە باس اۋرۋى بايقالعان، ولاردىڭ ەشقايسىسىنا ارنايى مەديسينالىق كومەك قاجەت بولمادى. الايدا، كوروناۆيرۋستىڭ جاڭا نۇسقاسىنىڭ ءورشۋى اياسىندا ۆيرۋسولوگتار ساقتىق شارالارىن السىرەتپەۋ كەرەك دەپ سانايدى.