تەمىر داۋىرىنە ارنالعان كورمە
بيىل اسەم شاھاردىڭ بەتكەۇستار الماتى تاريحى مۋزەيىنە 20 جىل تولدى. مەرەيتويعا وراي مۇراجايدا قالانىڭ ءبىزدىڭ زامانىمىزعا دەيىن ەرتە عاسىرلاردا قولدانىلعان قۇندى جادىگەرلەرى كورسەتىلدى، دەپ حابارلايدى Almaty-akshamy.kz Almaty.tv-گە سىلتەمە جاساپ.
ايتا كەتەيىك، ورتا عاسىرلاردا الماتى ۇلى جىبەك جولى بويىنداعى باي دامىعان وركەنيەتتى قالا بولدى. كورمەدە ونىڭ دالەلى بولاتىن كۇمىس ديرحەمدەر قويىلدى. ونى ارحەولوگتار قالاداعى شەكاراشىلار اكادەمياسى ورنالاسقان كونە قالاشىقتان تاپقان. وعان قوسا، شارادا الماتى مۋزەيى قورىنداعى 3 مىڭ جىل بۇرىن تابىلعان ارتەفاكتىلەر ۇسىنىلدى. كەلەم دەۋشىلەر ءۇشىن كورمە 12 قىركۇيەككە دەيىن جالعاسادى.
«مۋزەيدە قويىلعان جادىگەرلەر نەگىزىنەن العاندا قولا داۋىرىنەن ەرتە تەمىر داۋىرىنەن سماق-سكيف، اسىرەسە، ۇيسىندەردىڭ ماتەريالدارى كەرەمەت. ۇيسىندەردىڭ ۇلكەن قازاڭدارى. مۋزەي عالىمدارىنىڭ تاڭداپ وتە ءبىر عىلىمي، ەستەتيكالىق تالعاممەن قويىلعان دۇنيەلەر. مۇنى قالا جۇرتشىلىعى، قوناقتارى كورەدى»، – دەدى ارحەولوگ، ابدەش تولەۋبايەۆ.