الماتى اۆتومەحانيكا كوللەدجى «كولىككە تەحنيكالىق قىزمەت كورسەتۋ، جوندەۋ مەن پايدالانۋ» باعىتى بويىنشا ماماندار دايارلاۋدا جەتەكشى ورىندى يەلەنىپ وتىر.
بۇل قازاقستاندا جۇمىسقا ورنالاسۋ مۇمكىندىگى جوعارى، ەڭ سۇرانىسقا يە باعىتتىڭ ءبىرى. ءبىلىم باسقارماسى مەن وڭىرلىك كوممۋنيكاسيالار قىزمەتى ۇيىمداستىرعان باسپا ءسوز تۋرىندا جۋرناليستەرگە وسى كوللەدجدە مامانداردى قالاي دايارلاپ جاتقانىن كورسەتتى، - دەپ حابارلايدى Aqshamnews.kz.
كوللەدج تۇلەكتەرى ەلىمىزدىڭ جەتەكشى كومپانيالارىندا — ءىرى اۆتوسەرۆيستەر مەن كولىك كاسىپورىندارىندا ءساتتى جۇمىس ىستەي باستادى. ولاردىڭ كوپشىلىگى اۆتوكولىككە قاتىستى ءىس-شارالار مەن كورمەلەرگە قاتىسىپ، بىلىكتى مەحانيكتەر، اۆتوەلەكتريكتەر، اۆتوجوندەۋ شەبەرى رەتىندە تانىلىپ ءجۇر. كەيبىرى ءوزىنىڭ جەكە سەرۆيس ستانسياسىن اشىپ، تابىستى قىزمەت ىستەپ، ەلىمىزدىڭ اۆتوكولىك سالاسىنىڭ دامۋىنا ۇلەس قوسىپ جاتىر.
«الماتى اۆتومەحانيكا كوللەدجىمەن ءبىز 20 جىلدان بەرى تىعىز جۇمىس ىستەپ كەلە جاتىرمىز. ستۋدەنتتەر وتە جاقسى. ءبىرىنشى كۋرس ستۋدەنتتەرىنىڭ وزىندە-اق جاقسى الەۋەت بار. بىزدە تاجىريبەدەن ءوتىپ، كوللەدجدى بىتىرگەننەن كەيىن جۇمىسقا قالعان جاستار بار. ءقازىر بىزدە وسىنداي بەس مامان جۇمىس ىستەپ ءجۇر، جانە ولار ءوزىن جاقسى جاعىنان كورسەتە ءبىلدى»، – دەيدى «سۆس-ترانس» ج ش س سەرۆيس ورتالىعىنىڭ ديرەكتورى تايىر نۇرلانوۆ.
كوللەدجدە مودۋلدىك-قۇزىرەتتىلىككە نەگىزدەلگەن زاماندىق وقىتۋ ءادىسى ەنگىزىلە بستادى. ستۋدەنتتەر تەرەڭ تەوريالىق بىلىممەن قاتار، وندىرىستىك وقۋ شەبەرحانالارىندا جانە الەۋمەتتىك سەرىكتەستەرمەن بىرگە پراكتيكادان ءوتىپ، تاجىريبە جينايدى. ولار وقۋ بارىسىندا-اق قۇندى تاجىريبە جيناقتاپ، ەڭبەك نارىعىندا باسەكەگە قابىلەتتى ماماندارعا اينالىپ جاتىر.
«مەن بۇل كومپانيادا ءبىر جىلدان بەرى گەومەتريست بولىپ ىستەيمىن. ەكى جىل وسى كاسىپورىندا كاسىبي تاجىريبەدەن ءوتتىم، وعان كوللەدج سەبەپ بولدى. العاشىندا جاي اۆتومەحانيك بولىپ ىستەپ، كەيىن مەنى گەومەتريست قىلدى. كوللەدجىمە ريزامىن، جۇمىسىم وزىمە ۇنايدى» ، – دەيدى نايل بابايەۆ.
كوللەدجدىڭ اۋىز تولتىرىپ ايتارلىقتاي جەتىستىگىنىڭ ءبىرى – ستۋدەنتتەردىڭ WorldSkills قوزعالىسىنا قاتىسۋى. بۇل ولاردىڭ بىلىكتىلىگىن كورسەتىپ، دايارلىق ساپاسىن دالەلدەۋگە مۇمكىندىك. وڭىرلىك چەمپيوناتتاردا كوللەدج ستۋدەنتتەرى «كۋزوۆتى جوندەۋ» مەن «اۆتوكولىكتى تەحنيكالىق قىزمەت كورسەتۋ جانە جوندەۋ» قۇزىرەتتىلىگى بويىنشا جۇلدەلى ورىندارعا يە بولىپ ءجۇر.
كوللەدج مەملەكەتتىك قولداۋمەن دە قامتاماسىز ەتىلگەن: تەگىن تاماقتانۋ، ستيپەنديا جانە تاجىريبەدەن ءوتۋ كەپىلدىگى بار. مۇنىڭ ءبارى ستۋدەنتتەرگە وقۋعا تولىقتاي كوڭىل ءبولىپ، ءوز الەۋەتىن اشۋعا جاعداي جاسايدى. 2025 جىلدىڭ قازان ايىندا كوللەدجدە «اۆتوكولىك قۇرالدارىن تەحنيكالىق قىزمەت كورسەتۋ، جوندەۋ جانە پايدالانۋ» ماماندىعى بويىنشا قۇزىرەتتەر ورتالىعىنىڭ سالتاناتتى اشىلۋى وتەدى. بۇل ورتالىق الماتى قالاسى اكىمدىگى مەن ءبىلىم باسقارماسىنىڭ تەحنيكالىق جانە كاسىپتىك ءبىلىم بەرۋ جۇيەسىن جاڭعىرتۋ اياسىنداعى قولداۋىنىڭ ارقاسىندا قۇرىلىپ وتىر.
قۇزىرەتتەر ورتالىعى اۆتوسەرۆيس سالاسىندا جوعارى بىلىكتى ماماندار دايارلاۋعا ارنالعان ۇلگىلى الاڭعا اينالىپ، سالا تالابىنا، سونداي-اق WorldSkills حالىقارالىق ستاندارتتارىنا ساي كەلەتىن زاماندىق ءبىلىم بەرۋ باعدارلامالارىن جۇزەگە اسىرۋعا مۇمكىندىك بەرەدى. كوللەدجدىڭ وقۋ-وندىرىستىك شەبەرحانالارىندا جەتەكشى كومپانيالاردىڭ يننوۆاسيالىق جابدىقتارى مەن كاسىبي قۇرال-جابدىقتارى ورناتىلعان، بۇل ستۋدەنتتەردى وقىتۋعا عانا ەمەس، جۇمىس ىستەپ جۇرگەندەردىڭ بىلىكتىلىگىن ارتتىرۋعا دا مۇمكىندىك بەرەدى.
ورتالىقتىڭ نەگىزگى باعىتتارىنا اۆتوكولىككە كۇتىم جاساۋ مەن دەتەيلينگ، سىرلاۋ جانە كۋزوۆتىق جۇمىستار، دياگنوستيكا مەن تەحنيكالىق قىزمەت كورسەتۋ، اۆتوجوندەۋدەگى سيفرلىق تەحنولوگيالاردى ەنگىزۋ جاتادى.
كوللەدج وقىتۋشىلارى ەستونيا، لاتۆيا، فينليانديا، وڭتۇستىك كورەيا مەن قىتايدا تاعىلىمدامادان ءوتتى. بۇل ءبىلىم مەن تاجىريبە وقۋ بارىسىنا الەمدىك وزىق تاجىريبەلەردى ەنگىزۋگە مۇمكىندىك بەرىپ، مامانداردى دايارلاۋ ساپاسىن ارتتىرادى.
قۇزىرەتتەر ورتالىعىنىڭ قۇرىلۋى الماتىلىق اۆتومەحانيكالىق كوللەدجدىڭ قازاقستانداعى اۆتوكولىك سالاسىنا ارنالعان بىلىكتى كادرلاردى دايارلايتىن جەتەكشى وقۋ ورنى رەتىندەگى پوزيسياسىن ودان ءارى نىعايتادى.