الماتى سەيسمولوگى جىل سوڭىنا دەيىن قاتتى جەر سىلكىنىستەرى بولمايتىنىن ايتتى

قالا اۋماعىندا قاتتى جەر سىلكىنىستەرى كۇتىلمەيدى. 

ق ر توتەنشە جاعدايلار جونىندەگى مينيسترلىكتىڭ سەيسمولوگيا ينستيتۋتىنىڭ ديرەكتورى داۋلەت سارسەنبايەۆ وڭىرلىك كوممۋنيكاسيالار قىزمەتىنىڭ بريفينگىنە قاتىستى، دەپ حابارلايدى Almaty-akshamy.kz. 

 «ءبىزدىڭ ينستيتۋتتىڭ بازاسىندا تۇراقتى بولجام جاسايتىن كوميسسيا بار. ونىڭ قورىتىندىسى بويىنشا، وسى جىلدىڭ سوڭىنا دەيىن الماتى قالاسىنىڭ اۋماعىندا قاتتى جانە ءزىلزالالى جەر سىلكىنىستەرى كۇتىلمەيدى»، - دەيدى وكق سپيكەرى. 

سونىمەن قاتار، ول الماتى تۇرعىندارىن جالپىقالالىق جوسپارلى سەيسميكالىق وقۋ-جاتتىعۋ كەزىندە ۇرەيگە بويى الدىرماۋعا، الەۋمەتتىك جەلىلەردەگى ارانداتۋشىلىق سوزدەرگە ەرمەۋگە شاقىرادى. جالپىقالالىق سەيسميكالىق وقۋ-جاتتىعۋ جىل سايىن حالىقتى جەر سىلىكىنىسى كەزىندە قالاي ارەكەت ەتۋگە دايىن بولۋ كەرەكتىگىنە دايىنداۋ ماقساتىندا وتكىزىلەدى. 

جۋرناليستەردىڭ سۇراقتارىنا جاۋاپ بەرگەن داۋلەت سارسەنبايەۆ الداعى بولجامدى تۇردە جەر سىلكىنىسىنىڭ ناقتى كۇنىن الەمنىڭ ەشبىر جەرىندە انىقتاي المايتىندارىن ايتتى. دەگەنمەن، بۇل ماسەلەمەن الماتىلىق عالىمدار اينالىسۋدا. ولار كۇن سايىن سەيسمولوگيالىق ستانسيالاردان مالىمەتتەر جيناپ، بولجامدى انىقتاۋ ءۇشىن 200-دەن استام پارامەتردى وڭدەيدى. 

 «0،7 ىقتيمالدىلىق بويىنشا، ءبىزدىڭ ساراپشىلار بىزدە كۇشتى جويقىن جەر سىلكىنىسى بولمايدى دەپ سەنىمدى تۇردە مالىمدەيدى. الماتى قالاسى تۇرعىندارىن ەسكەرتۋ جانە الدىن الا حابارلاۋ اياسىندا اكىمدىكتىڭ، توتەنشە جاعدايلار دەپارتامەنتىنىڭ جانە ءبىزدىڭ سەيسمولوگيا ينستيتۋتىنىڭ قولداۋىمەن كۇشتى جەر سىلكىنىسىن ەرتە حابارلاۋ جۇيەسىن ەنگىزۋ جۇمىستارى جۇرگىزىلۋدە. مەملەكەت باسشىسى اتاپ وتكەندەي، 2025 جىلعا دەيىن  ەرتە حابارلاۋ جۇيەسىمەن جانە "دارمەن" ءموبيلدى قوسىمشاسىمەن بىرىكتىرە وتىرىپ، 28 ەرتە حابارلاۋ جۇيەسىنىڭ ستانسياسىن ورناتۋ جوسپارلانۋدا»، - دەدى داۋلەت سارسەنبايەۆ.