الماتىلىقتار ساياباقتار مەن اللەيالاردا قۋراپ، سارعايىپ كەتكەن اعاشتاردىڭ سۋرەتتەرى مەن ۆيدەوسىن الەۋمەتتىك جەلىدە جاريالاپ جاتىر، دەپ حابارلايدى Almaty-akshamy.kz قازاقپارات-قا سىلتەمە جاساپ.
اكىمدىكتىڭ باسپا ءسوز قىزمەتى ءمالىم ەتكەندەي، قالانىڭ جاسىل قورىن ساقتاۋ جانە اباتتاندىرۋ ماقساتىندا 8 اۋدان اۋماعىندا مامانداندىرىلعان ۇيىمدار جاسىل جەلەكتى زيانكەستەردەن قورعاۋ ءۇشىن مەحانيكالاندىرىلعان جانە قولمەن بيولوگيالىق تازارتۋ جۇمىستارىن جۇرگىزىپ جاتىر. وڭدەۋ ەلدى مەكەندەر اۋماعىندا قولدانۋعا رۇقسات ەتىلگەن بيولوگيالىق جانە كەيبىر جاعدايلاردا قاۋىپتىلىگى تومەن كلاستى (ر-4) حيميالىق پرەپارات قولدانىلادى.
«مىسالى، «بيتوكسيباسيللين»، «اكتاروفيت» ميكروبيولوگيالىق پرەپاراتى قولدانىلدى. بۇل پرەپاراتتىڭ ەرەكشەلىگى - ونىڭ قۇرامىندا توكسيندەر جوق. بۇل پرەپارات ادامدارعا، اراعا، جانۋارلارعا، قۇستار مەن بالىقتارعا ءقاۋىپسىز»، - دەپ حابارلادى اكىمدىك.
بۇعان دەيىن الماتى اكىمدىگى جازكەن جيەمبايەۆ اتىنداعى قازاق وسىمدىك قورعاۋ جانە كارانتين عىلىمي-زەرتتەۋ ينستيتۋتىنىڭ قىزمەتكەرلەرىمەن بىرلەسىپ، قالانىڭ جاسىل قورىنا مونيتورينگ جۇرگىزدى. ناتيجيەسىندە، ەمەن اعاشتارىنان ءدىڭ زيانكەستەرى انىقتالدى. قالادا 2019 جىلى ءينۆازيۆتى زيانكەس تۇرلەرى رەتىندە تىركەلگەن بۇل زيانكەستەر قىرعىزستان اۋماعىنان اكەلىنگەن.
«مامانداندىرىلعان ۇيىمدار جاسىل جەلەكتەرگە، جالپاق جاپىراقتى اعاشتار مەن ەمەندەرگە زيانكەستەردەن وڭدەۋ جۇمىستارىن جۇرگىزدى. جاۋىن-شاشىننىڭ كوپ بولۋى دەر كەزىندە وڭدەۋ جۇمىستارىن جۇرگىزۋگە كەدەرگى كەلتىرىپ جاتىر. دەسەك تە، بۇل باعىتتاعى جۇمىستار جالعاسۋدا، ينفەكسيا وشاعى انىقتالعان اۋماق جاسىل ەكونوميكا باسقارماسىنىڭ باقىلاۋىندا»، - دەپ اتاپ ءوتتى قالالىق اكىمدىك وكىلدەرى.