قازاقستاننىڭ مەملەكەتتىك قۋىرشاق تەاترى 2024 جىلى وتتاۆاداعى حالىقارالىق قۋىرشاق فەستيۆالىندە بايقاۋدىڭ باستى ماراپاتى گران-پريدى جەڭىپ الىپ، الەمدىك ساحنادا سەرپىلىس جاسادى. سونىمەن قاتار، قازاقستاندىق تەاتر باتۋميدە قازىلار القاسى تاراپىنان «ۇزدىك رەجيسسەر» نوميناسياسىمەن ماراپاتتالىپ، بەلارۋسسيادا (گرودنو) ارنايى ديپلومدى يەلەندى. بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە تەاتر ديرەكتورى المات امانگەلدى مالىمدەدى، دەپ حابارلايدى aqshamnews.kz
2024 جىل مەملەكەتتىك قۋىرشاق تەاترى ءۇشىن تاريحي جىل بولدى. كانادادا گران-پري جەڭىپ العان تەاتر قازاقستاندىق قۋىرشاق ونەرىنىڭ الەمدىك مويىنداۋعا لايىق ەكەنىن دالەلدەدى.
«بۇل جەڭىس – تەاتر ۇجىمىنىڭ وراسان زور ەڭبەگىنىڭ ناتيجەسى. ءبىز ونەرىمىزدىڭ الەمدىك دەڭگەيگە كوتەرىلىپ، قازاقستاندىق كورەرمەندەردىڭ عانا ەمەس، شەتەل ازاماتتارىنىڭ دا تاڭدانىسىن تۋدىراتىنىنا قۋانىشتىمىز»، - دەپ اتاپ ءوتتى المات امانگەلدى.
تەاتر گرۋزيادا دا حالىقارالىق ساحنانى باعىندىرۋدى جالعاستىردى، باتۋميدەگى فەستيۆالدە تەاتر قويىلىمى «ۇزدىك رەجيسسەر» جۇلدەسىن الدى. سونداي-اق بەلارۋستە وتكەن «نەمان ۇستىندەگى قۋىرشاق» فەستيۆالىندە قازاقستاندىق قويىلىم ارنايى ديپلوممەن ماراپاتتالدى.
تەاتر سونىمەن قاتار گرۋزياداعى حالىقارالىق ساحنانى جاۋلاپ الۋدى جالعاستىردى باتۋمي، تەاتر قويىلىمى «ۇزدىك رەجيسسەر» سىيلىعىن جەڭىپ الدى. سونداي-اق، بەلارۋسسيادا وتكەن «ليالكي ناد نەمانوم» فەستيۆالىندە قازاقستاندىق قويىلىم ارنايى ديپلومعا يە بولدى.
مەملەكەتتىك قۋىرشاق تەاترى شەتەلگە بەلسەندى گاسترولدىك ساپارلارىمەن بارىپ قانا قويماي، الماتى قالاسىن حالىقارالىق ىنتىماقتاستىقتىڭ ورتالىعىنا اينالدىرۋدا.
2023 جىلى تەاتر العاش رەت سىنشىلاردىڭ جوعارى باعاسىنا يە بولعان «Almaty Puppet Festival» I حالىقارالىق قۋىرشاق تەاترلارىنىڭ فەستيۆالىن وتكىزدى. 2024 جىلى فەستيۆال ەكىنشى رەت پولشا، گرۋزيا، بولگاريا، چەحيا، تۇركيا، ءازىربايجان، وزبەكستان، رەسەي، باشقۇرتستان جانە قازاقستاننىڭ ۇجىمدارىن جينادى.
«ءبىزدىڭ فەستيۆال الەمدىك تەاتر ونەرى كارتاسىندا ماڭىزدى ورىندى يەلەنۋدە. ءبىز الماتىنىڭ الەمنىڭ تۇكپىر-تۇكپىرىنەن كەلەتىن ەڭ ۇزدىك قۋىرشاق تەاترلارى باس قوساتىن ورىنعا اينالعانىن قالايمىز»، - دەپ اتاپ ءوتتى المات امانگەلدى.
2024 جىلى تەاتر كورەرمەندەردىڭ سۇيىسپەنشىلىگىنە بولەنگەن بەس تانىمال پرەمەرانى ۇسىندى:
1) بەلگىلى بوكسشى، وليمپيادا چەمپيونى بەكزات ساتتارحانوۆتىڭ باتىل رۋحىن دارىپتەيتىن «چەمپيون» پاتريوتتىق قويىلىمى؛
2) الەمگە ايگىلى ەرتەگى جەلىسىمەن ساحنالانعان اقىل-پاراساتتىڭ كۇشى جانە دوستىق تۋرالى سىر شەرتەتىن «ەتىك كيگەن مىسىق» قويىلىمى؛
3) گۇرجىستاندىق رەجيسسەردىڭ جەتەكشىلىگىمەن قويىلعان، قوعامداعى سەنىمسىزدىك، بوزوكپەلىك، بۋللينگ تۋرالى «شەكپەن» قويىلىمى؛
4) ايگىلى ونەر جۇلدىزدارىنىڭ قۋىرشاق بەينەسىندەگى ەرەكشە قابىلەتتەرىن كورسەتەتىن «جۇلدىزدى قۋىرشاقتار» كونسەرتتىك قويىلىمى؛
5) بەلگىلى الەمدىك ەرتەگى جەلىسىمەن ساحنالانعان باۋىرمالدىق پەن مەيىرىمدىلىك تۋرالى سىر شەرتەتىن «قار حانشايىمى» قويىلىمى.
«ءبىز بالالار مەن جاسوسپىرىمدەرگە تەك كوتەرىڭكى كوڭىل-كۇي سىيلاپ قانا قويماي، سونداي-اق ماڭىزدى ومىرلىك قۇندىلىقتاردى ۇيرەتەتىن سپەكتاكلدەردى قويامىز»، - دەپ اتاپ ءوتتى تەاتر باسشىسى.
سونىمەن قاتار، ونەر ورداسى 2024 جىلى گۇرجىستان مەملەكەتىنىڭ باتۋمي، تبيليسي، كۋتايسي، بورجومي، احالسيحە قالالارىندا ۋيليام شەكسپيردىڭ ايگىلى پەساسى جەلىسىمەن ساحنالانعان «ماكبەت. يلليۋزيا» قويىلىمىن گاسترولدىك ءىس-ساپار بارىسىندا تەاتر سۇيەر قاۋىمعا ۇسىنىپ، 1000-نان استام گۇرجىستاندىق كورەرمەندەردى قامتىدى.