دەرەكتەر نەگىزىندە اكىمشىلىك حاتتامالار تولتىرىلدى.
22 شىلدە كۇنى الماتىداعى بوستاندىق اۋدانى اكىمدىگى جانىنان قۇرىلعان كامەلەتكە تولماعانداردىڭ ىستەرى جانە ولاردىڭ قۇقىقتارىن قورعاۋ جونىندەگى كوميسسيا رەيد وتكىزدى، دەپ حابارلايدى Almaty-akshamy.kz.
كەزەكتى رەيد بارىسىندا بەيمەزگىل ۋاقىتتا، ياعني تۇنگى ساعات 23.00-دەن كەيىن ماقساتسىز كوشە كەزىپ جۇرگەن كامەلەتكە تولماعان بالالار دا بەلگىلى بولدى.
انىقتالعان دەرەكتەر نەگىزىندە اكىمشىلىك حاتتامالار تولتىرىلىپ، جاسوسپىرىمدەرمەن جانە ولاردىڭ زاڭدى وكىلدەرىمەن پروفيلاكتيكالىق اڭگىمەلەر جۇرگىزىلدى.
سونداي-اق، شاھاردا ۇندىلىك «دەلتا» شتامىنىڭ ورشۋىنە بايلانىستى كوميسسيا مۇشەلەرى رەيد بارىسىندا تۇرعىنداردى كوشەدە، ادام اياعى كوپ جۇرەتىن قوعامدىق ورىنداردا الەۋمەتتىك اراقاشىقتىقتى ساقتاپ، جابىق نىسانداردا بەتپەردە كيىپ جۇرۋگە شاقىرىپ، قولدى انتيسەپتيكپەن ءجيى ءسۇرتىپ ءجۇرۋ سەكىلدى ەرەجەلەردى ءتۇسىندىردى.
ماماندار وسىنداي قاراپايىم تالاپتاردىڭ ءوزى كوروناۆيرۋس ىندەتىنەن قورعايتىنىن ۇمىتپاۋعا شاقىردى.
