جول بويىندا كولىكتەر جاپپاي سوعىلىپ قالدى.
الماتى وبلىسىنىڭ پوليسەيلەرى جول اپاتى 26 اقپان كۇنى ساعات 11:00-دە الماتى-شەلەك-قورعاس تاسجولىنىڭ 42-شاقىرىمىندا بولعان، دەپ حابارلايدى Almaty-akshamy.kz. Egemen.kz-كە سىلتەمە جاساپ.
MAN جۇك كولىگى DAF اۆتوتاسىعىشىنا سوعىلعان. ول سوققى ينەرسياسىنان Mercedes-Benz اۆتوتاسىمالداۋشىسىمەن سوقتىعىسقان.
قوزعالىسىن جالعاستىرعان MAN جۇك كولىگى بۇيىرىنە اۋدارىلىپ قالدى. اپات سالدارىنان اۆتوكولىك تاسىمالداۋشىنىڭ تاسىمالدانعان جۇكتەرى (اۆتوموبيل تۇرىندەگى) زاقىمدانعان. قۇرباندار مەن زارداپ شەككەندەر جوق.
پوليسەيلەر جول-كولىك وقيعاسى بويىنشا ق ر اقبتك-نىڭ 610-بابىنىڭ 2-بولىگى «ادامداردىڭ دەنساۋلىعىنا، كولىك قۇرالدارىنىڭ نەمەسە وزگە دە مۇلىكتىڭ زاقىمدالۋىنا اكەپ سوققان جول قوزعالىسى ەرەجەلەرىن بۇزۋ» بويىنشا تەرگەۋ جۇرگىزىپ جاتىر.