الماتى قالاسىنىڭ توتەنشە جاعدايلار دەپارتامەنتى تاۋدا اباي بولۋعا شاقىردى

قۇتقارۋشىلار تاۋعا شىققاندا ەسكەرۋ قاجەت ەرەجەلەردى ايتتى 

الماتى قالاسىنىڭ توتەنشە جاعدايلار دەپارتامەنتى قالا تۇرعىندارىن تاۋدا اباي بولۋعا شاقىردى، دەپ حابارلايدى Almaty-akshamy.kz قازاقپاراتقا سىلتەمە جاساپ.

«قازگيدرومەتتىڭ 28 قاڭتارداعى №15 داۋىلدى ەسكەرتۋىنىڭ نەگىزىندە 29-30 قاڭتار (دەمالىس) كۇندەرى الماتىنىڭ تاۋلى ايماقتارىندا كەي جەرلەردە تۇمان، كوكتايعاق كۇتىلەدى. تاۋدا اباي بولىڭىزدار»، - دەلىنگەن حابارلامادا.

وسىعان بايلانىستى الماتى قالاسىنىڭ تجد الماتىلىقتارعا تومەندەگىدەي ەسكەرتۋ جاسادى:

- قاتتى جاۋىن-شاشىن ( قار، جاڭبىر) نەمەسە قاتتى جەل تۋرالى داۋىل تۋرالى ەسكەرتۋ جاريالانعان جاعدايدا، ءتىپتى تاۋلى ايماققا بارۋدى كەيىنگە قالدىرعان دۇرىس.

- ەگەر ءسىز تاۋدا بولساڭىز، مۇقيات بولىڭىز جانە اۋا رايىنىڭ وزگەرۋىن قاداعالاڭىز.

- ۇيگە قايتۋدى تاۋلىكتىڭ كەش ۋاقىتىنا قالدىرماڭىز، كەرى باعىتتى تابا الماۋىڭىز مۇمكىن.

- ريۋكزاكتاردا مىنا قاجەتتى زاتتار بولۋى ءتيىس: جىلى كيىمدەر، كۇتپەگەن جاعدايدا دارىگەرگە دەيىنگى كومەك كورسەتۋگە ارنالعان ءدارى قوبديشاسى، GPS ناۆيگاتورلارىنىڭ بولۋى ارتىق بولمايدى.

- ەشبىر جاعدايدا تاۋعا جالعىز بارماڭىز!

- تۋعان-تۋىستارىڭىز بەن جاقىندارىڭىزدى مارشرۋتىڭىزدىڭ باعىتى جانە ورنالاسقان جەرىڭىزدى بارىنشا تولىق حاباردار ەتۋ وتە ماڭىزدى.