قازىرگى تاڭدا الماتى قالاسىندا تەمپەراتۋرالىق فوننىڭ جوعارىلاۋى بايقالۋدا، شومىلۋ ماۋسىمىنا از قالدى.
2022 جىلى جۇرگىزىلگەن پروفيلاكتيكالىق جۇمىستاردىڭ ناتيجەسىندە قالا سۋ ايدىندارىندا ادام ولىمىنە جول بەرىلمەدى، 17 ادام قۇتقارىلدى، ونىڭ ىشىندە 6 بالا («سايران» كولىندە).
سۋداعى جازاتايىم وقيعالاردىڭ الدىن الۋ ماقساتىندا دەپارتامەنت قىزمەتكەرلەرى پوليسيا قىزمەتكەرلەرى، ق ر ۇك اسكەري قىزمەتشىلەرى، قۇتقارۋ قىزمەتىنىڭ جانە رقجق قۇتقارۋشىلارى، سونداي-اق ەرىكتىلەرمەن بىرلەسىپ رەيدتىك ءىس-شارالار جۇرگىزەدى.
رەيدتەر بارىسىندا قوعامدىق ءتارتىپ پەن قاۋىپسىزدىك ەرەجەلەرىن بۇزۋشىلار جاۋاپكەرشىلىككە تارتىلادى، مىسالى، 2022 جىلى 63 ادام اكىمشىلىك جاۋاپكەرشىلىككە تارتىلىپ، جالپى سوماسى 790 مىڭ تەڭگەگە ايىپپۇل سالىندى (ق ر اقبتك – ءنىڭ 440 – بابى – 40 ادام، 364-بابى-16 ادام، 412-بابى-7 ادام).
قازىرگى ۋاقىتتا، دەپارتامەنت بۇقارالىق اقپارات قۇرالدارى ارقىلى كەڭ اۋقىمدى ۇگىت-ناسيحات جۇمىستارىن جۇرگىزۋدە، بارلىق ءبىلىم بەرۋ، دەنساۋلىق ساقتاۋ وبەكتىلەرىندە، ادامدار كوپ جينالاتىن ورىنداردا (سوو، ءسۇ، حقكو، ۆوكزالدار، مەتروپوليتەن، كينوتەاترلار)، سونداي-اق الماتى قالاسىنىڭ جولدارى بويىندا ورنالاسقان سمارتبوردتار مەن لەد ەكرانداردا بەينەروليكتەر كورسەتىلىمدەرى بەلسەندى جۇرگىزىلۋدە.
كۇندەلىكتى مەملەكەتتىك جانە ورىس تىلىندە الماتى تۆ تەلەكانالىندا «سۋداعى قاۋىپسىزدىك ەرەجەلەرى» تاقىرىبىندا بەينەروليكتەر كورسەتىلىپ جاتىر، جانە «رۋسسكوە راديو-ازيا»، «ەۆروپا پليۋس كازاحستان»، «نارودنوە راديو» راديوكانالدارىندا «سۋداعى قاۋىپسىزدىك ەرەجەلەرى» تاقىرىبىندا اۋديوتاسپا جۇرگىزىلىپ جاتىر.
قالادا 56 باسسەين بار، وندا بالالارعا ءجۇزۋ ساباقتارى جۇرگىزىلەدى (ءجۇزۋدى ۇيرەتۋ كەزەڭى 3 ايدى قۇرايدى). سونىمەن قاتار، قالانىڭ جالپى ءبىلىم بەرەتىن مەكتەپتەرىنىڭ 6 باسسەينىندە وقىتۋ جۇرگىزىلەدى. بۇگىنگى تاڭدا، 6000 بالا (5870 بالا) وقىتىلدى. ءجۇزۋدى ۇيرەتۋ بالالاردىڭ سۋداعى قاۋىپسىزدىك ەرەجەلەرىن ءبىلۋ دەڭگەيىن ارتتىرادى.
سونىمەن قاتار، قالادا دامۋ بالا باعدارلاماسى باستالدى، وندا 3500 جۋىق بالا ءجۇزۋدى تەگىن وقىتۋعا جازىلدى.
سونىمەن قاتار، ءبىلىم باسقارماسىمەن بىرلەسىپ مامىر ايىندا قالا مەكتەپتەرى اراسىندا «ءقاۋىپسىز سۋ» اكسياسى وتكىزىلدى، وندا وقۋشىلار اراسىندا ەسسە، سۋرەت، قابىرعا گازەتتەرى، تاقىرىپتىق جەلىلەر، سونداي-اق «ءقاۋىپسىز سۋ» تاقىرىبىندا سىنىپ ساعاتتارى كونكۋرستارى وتكىزىلەدى.
وسى مۇمكىندىكتى پايدالانا وتىرىپ، ءبىز اتا-انالارعا بالالارعا سۋدا ءقاۋىپسىز ءجۇرىس-تۇرىس ەرەجەلەرى تۋرالى جانە الداعى شومىلۋ ماۋسىمىندا ولارعا باقىلاۋدى كۇشەيتۋ تۋرالى ايتىپ بەرۋىن سۇرايمىز.
وسىنداي پروفيلاكتيكالىق جۇمىستىڭ ارقاسىندا بالالاردا سۋداعى مىنەز-قۇلىق مادەنيەتى قالىپتاسادى.
جالپى، دەپارتامەنت قالا تۇرعىندارى مەن قوناقتارىنا سۋ ايدىندارىندا قاۋىپسىزدىك ەرەجەلەرىن ساقتاۋدى، سونداي-اق تىيىم سالىنعان جەرلەردە شومىلماۋدى ەسكەرتەدى.