قازاقستاندىقتار 25 قازاندا ۇلتتىق مەرەكە – رەسپۋبليكا كۇنىن اتاپ وتەدى.
وڭىرلىك كوممۋنيكاسيالار قىزمەتىنىڭ الاڭىندا رەسپۋبليكا كۇنىن مەرەكەلەۋدىڭ ماڭىزدىلىعىنا، حالىقتار مادەنيەتىن، ولاردىڭ تىلدەرىن دامىتۋعا جانە ۇلتتىق بىرەگەيلىكتى نىعايتۋعا ارنالعان بريفينگ ءوتتى، دەپ حابارلايدى Almaty-akshamy.kz
ەستەرىڭىزگە سالا كەتەيىك، 1990 جىلعى 25 قازاندا قازكسر جوعارعى كەڭەسىنىڭ XII شاقىرىلىمىنىڭ قاۋلىسىمەن قابىلدانعان مەملەكەتتىك ەگەمەندىك تۋرالى دەكلاراسيا قازاقستاننىڭ تاۋەلسىز مەملەكەت رەتىندەگى ساياسي-قۇقىقتىق نەگىزدەرىن بەكىتتى.
ءبىزدىڭ پرەزيدەنت قاسىم-جومارت توقايەۆ ەلىمىزگە رەسپۋبليكا كۇنىنىڭ رۋحى مەن ءمانىن بارىنشا كورسەتەتىن جالپىۇلتتىق باستامالار قاجەت ەكەنىن اتاپ ءوتتى.
الماتى قالاسى قحا ورىنباسارى، الماتىداعى «قازاقستاندىق ورىس مادەني ورتالىعى» قوعامدىق بىرلەستىگىنىڭ ءتوراعاسى ۆسيەۆولود لۋكاشيەۆ جۋرناليستەر الدىندا سويلەگەن سوزىندە الماتىلىقتار مەن ەل تۇرعىندارىن كەلە جاتقان مەرەكەمەن قۇتتىقتادى.
«بۇل سەزىنۋ، شەشىم قابىلداۋ مەرەكەسى جانە جاسامپازدىق مەرەكەسى. رەسپۋبليكا كۇنى دەگەندە ماعان وسىنداي وي ورالادى. بۇل ءبىز تاۋەلسىزدىك دەكلاراسياسىنا سۇيەنە وتىرىپ، جاڭا ەل قۇرۋدى باستاعان كەزىمىز»، - دەپ اتاپ ءوتتى ول.
ايتا كەتەيىك، ۆسيەۆولود اناتوليەۆيچ رەسپۋبليكا كۇنى ەلدەگى جالعىز ۇلتتىق مەرەكە ەكەنىن جانە ونىڭ ماڭىزى وتە جوعارى ەكەنىن اتاپ ءوتتى. بۇل كۇن ءبىزدىڭ مەملەكەت رەتىندە قالىپتاستاقىنىمىزدى بىلدىرەدى. سپيكەر رەسپۋبليكا كۇنى – بۇل ءبىزدىڭ بولاشاعىمىزدى جاساۋ ەكەنىن دە ايتتى.
رەسپۋبليكا كۇنىنە وراي ەتنومادەني بىرلەستىكتەردىڭ وكىلدەرى ءبىرقاتار ءىس-شارالاردى جوسپارلاعانىن ايتا كەتەيىك. كەيبىرەۋلەر ارداگەرلەردى قۇتتىقتاسا، باسقالارى جاستارعا نازار اۋدارادى، ءىرى، كورنەكتى ءىس-شارالار وتكىزىلەدى. «قحا ستراتەگياسىن ىسكە اسىرۋداعى ەتنومادەني بىرلەستىكتەردىڭ ءرولى» اتتى ۇلكەن دوڭگەلەك ۇستەل ءوتتى، شاعىن فۋتبولدان تۋرنير، ارميان قاۋىمداستىعىندا كونسەرت وتكىزىلدى، ءىس-شارانى انالار كەڭەسى وتكىزدى. 23 قازان كۇنى ساعات 14.00-دە قازاق ۇلتتىق فيلارمونياسىندا ءىس-شارا وتەدى.
قازاقستان ۇيعىر جاستارى وداعىنىڭ ءتوراعاسى رۋستام قايرىيەۆ بريفينگكە سپيكەر رەتىندە قاتىستى، 25 قازان داتاسى ەگەمەندىك جولىنداعى العاشقى ۇلكەن قادام ەكەنىن اتاپ ءوتتى. بۇل مەرەكە كەڭىنەن ناسيحاتتالۋى كەرەك.
«مەن كوپتەگەن جاستار ۇيىمدارىنىڭ ءتۇرلى كرەاتيۆتى، زاماناۋي ءىس-شارالاردى ويلاپ تاۋىپ، رەسپۋبليكا كۇنىن مەرەكەلەۋگە قوسىلعانىنا وتە قۋانىشتىمىن. بۇگىندە جاستار ەل تاريحىنا، ونىڭ العاشقى قادامدارىنا قىزىعۋشىلىق تانىتا باستادى»، - دەدى رۋستام قايرىيەۆ.
جاستاردىڭ قوسقان ۇلەسى تۋرالى ايتا كەلە، رۋستام جاقىندا الماتى وبلىسىندا Zhastar Generation – 2023 رەسپۋبليكالىق سلەتى وتكەنىن، وعان ەلىمىزدىڭ 12 وڭىرىنەن ەتنومادەني بىرلەستىكتەردىڭ وكىلدەرى قاتىسقانىن ايتتى. ءىس-شارا رەسپۋبليكا كۇنىن مەرەكەلەۋگە ورايلاستىرىلعان. سلەتتىڭ اشىلۋىندا ق ر تۋى كوتەرىلىپ، ءانۇران ورىندالدى.
«ءىس-شارادا رەسپۋبليكانىڭ قالىپتاسۋى كەزەڭ-كەزەڭىمەن باستالعان ماسەلەلەر تالقىلاندى، كوپتەگەن ينتەراكتيۆتى الاڭدار بولدى، ولاردىڭ كەيبىرەۋلەرى مەملەكەتتىك رامىزدەرگە ارنالدى. بۇدان باسقا، 25 قازاندا الماتى كوشەلەرىندە ينتەراكتيۆتى ويىندار جوسپارلانعان. رەسپۋبليكا كۇنىنە بايلانىستى دۇرىس جاۋاپ بەرگەندەر ءۇشىن قازاقستان سيمۆوليكاسى بار سىيلىقتار بەرىلەتىن بولادى»، - دەپ تولىقتىردى رۋستام قايرىيەۆ.
بۇل ءىس-شارالاردىڭ بارلىعى مەملەكەتتىك ءتىلدى ناسيحاتتاۋعا باعىتتالۋى وتە ماڭىزدى.