الماتى قالاسى ناۋرىزباي اۋدانىنىڭ اكىمى سانجار توعاي وڭىرلىك كوممۋنيكاسيالار قىزمەتىنىڭ بريفينگىندە ايماقتىڭ ينفراقۇرىلىمدىق دامۋى تۋرالى ايتىپ، جولداردى جوندەۋگە، جارىقتاندىرۋعا جانە اباتتاندىرۋعا قاتىستى سۇراقتارعا جاۋاپ بەردى.
اۋدان اكىمىنىڭ ايتۋىنشا، اباي داڭعىلىنا (147 ۋچاسكە: 6 ۋچاسكە جۇمىستا) ۇڭگىلەۋ، الاتاۋ كوشەسىن رايىمبەك داڭعىلىنا دەيىن ۇزارتۋ، قونايەۆ كوشەسىن كەڭەيتۋ جۇمىستارى جالعاسۋدا.
اباي داڭعىلىن ءاشىموۆ كوشەسىنەن قالا شەكاراسىنا دەيىن ۇڭگىلەۋ ءۇشىن مەملەكەتتىك مۇقتاجى بار 227 جەر ۋچاسكەسى قايتارىلادى. ءقازىردىڭ وزىندە ونىڭ 146-سى ساتىپ الىندى.
«قازىرگى كەزدە مەردىگەر الاتاۋ كوشەسىن سابدەنوۆ كوشەسىنەن رايىمبەك داڭعىلىنا دەيىن تەسۋ جۇمىستارىن جۇرگىزۋدە. بۇل جولدىڭ قۇرىلىسى اياقتالعاننان كەيىن، ونىڭ ىشىندە سابدەنوۆ كوشەسىندە كولىك جۇكتەمەسى تومەندەيدى دەپ كۇتىلۋدە. جولدى اعىمداعى جىلدىڭ قىركۇيەك ايىندا پايدالانۋعا بەرۋ جوسپارلانۋدا»، - دەدى س.توعاي.
سونىمەن قاتار، اعىمداعى جىلى ۇزىندىعى 11 270 شارشى مەتر بولاتىن 126 كوشەگە اعىمداعى جوندەۋ جۇرگىزىلدى. سونىمەن قاتار، 35 كوشەدە، سونىڭ ىشىندە تاستىبۇلاق شاعىن اۋدانىندا جولداردى ورتاشا جوندەۋ جۇمىستارى جۇرگىزىلۋدە. كۇردەلى جوندەۋدەن كەيىن قاراعايلى شاعىن اۋدانىنداعى تاجييەۆ كوشەسىنىڭ بويىندا كوپىر پايدالانۋعا بەرىلدى.
«بيىل ۇزىندىعى 12 كم بولاتىن 16 كوشەگە جاياۋ جۇرگىنشىلەر جولى سالىناتىن بولادى. «بيۋدجەتكە قاتىسۋ» جوباسى بويىنشا 5 كوشەگە سۋارمالى ارىقتاردى سالۋ بويىنشا جۇمىستار اياقتالادى. ءبىز الماتى قالاسىنىڭ جاسىل ەكونوميكا باسقارماسىنا ناۋرىزباي اۋدانىنىڭ 34 كوشەسىندە سۋارمالى ارىق جەلىسىن سالۋ تۋرالى ءوتىنىش جىبەردىك»، - دەدى ناۋرىزباي اۋدانىنىڭ اكىمى.
ەسكە سالساق، الماتى قالاسىنىڭ اكىمى باقىتجان ساعىنتايەۆتىڭ تاپرسىماسى بويىنشا اۋداننىڭ 312 كوشەسى تولىق جارىقتاندىرىلدى. سونىمەن قاتار، «بيۋدجەتكە قاتىسۋ» جوباسى بويىنشا بيىل تاعى 6 باۋ-باقشا كوشەلەرى جارىقتاندىرىلدى.