وڭىرلىك كوممۋنيكاسيالار قىزمەتىندە وتكەن بريفينگتە «ازاماتتارعا ارنالعان ۇكىمەت» مەملەكەتتىك كورپوراسياسى» كە اق الماتى قالاسى بويىنشا فيليال ديرەكتورىنىڭ ورىنباسارى اسەم بولاتبەكوۆا مەگاپوليستەگى حالىققا قىزمەت كورسەتۋ ورتالىقتارىنىڭ ءبىرىنشى توقسانىندا اتقارعان جۇمىستارىنىڭ ناتيجەلەرى تۋرالى باياندادى، - دەپ حابارلايدى almaty-akshamy.kz
بايانداماشى اتاپ وتكەندەي، 2023 جىلدىڭ العاشقى ءۇش ايىندا حالىققا قىزمەت كورسەتۋ ورتالىقتارى 824 724 قىزمەت كورسەتىپ، وتكەن جىلدىڭ كەزەڭىمەن سالىستىرعاندا كورسەتىلگەن قىزمەتتەردىڭ سانى 10%-عا وسكەن.
سونداي-اق، ەسەپتى كەزەڭدە وزىنە-وزى قىزمەت كورسەتۋ سەكتورلارىندا ازاماتتار ءوز بەتىنشە 391 837 مەملەكەتتىك قىزمەت السا، 2022 جىلدىڭ سايكەس كەزەڭىندە – 319 725.
- وزبەتىنشە الىنعان مەملەكەتتىك قىزمەتتەردىڭ دە 18%-عا وسكەنى بايقالادى.
- ازاماتتار جۇگىنەتىن ەڭ تانىمال قىزمەت بولىپ تابىلاتىندار:
- كولىك قۇرالىن مەملەكەتتىك تىركەۋ/قايتا تىركەۋ – 247 367 قىزمەت كورسەتىلگەن.
- ق ر ۇكو تىركەۋ كۋالىكتەرىن بەرۋ جانە كەرى قايتارىپ الۋ – 157 269 قىزمەت.
- ازاماتتاردى قۇجاتتاندىرۋ – 128 196 قىزمەت.
- جۇرگىزۋشى كۋالىگىن بەرۋ – 79 601 باس تارتۋ، وسى كەزەڭدە 53 199 باس تارتىلعان.
- قازاقستان رەسپۋبليكاسىندا ۋاقىتشا بولاتىن جسن قالىپتاستىرۋ – 35 994 قىزمەت كورسەتكەن.
«فيليال بويىنشا 12 بولىمدە اقپاراتتىق قاۋىپسىزدىكتى جانە BI مودۋلىنە قوسىلۋدى ساقتاي وتىرىپ، Connection Point، ازاماتتارعا وزىنە-وزى قىزمەت كورسەتۋ سەكتورلارىندا 94 جۇمىس ورنى بار»، - دەپ ءبولىستى سپيكەر.
وزىنە-وزى قىزمەت كورسەتۋ سەكتورلارىندا وتىنىشتەردى قابىلداۋ ءۇشىن قوسىمشا 35 جۇمىس ورنى، جاريا ەتۋ قۇجاتتارىن قابىلداۋ وپەراسيالىق زالىندا قوسىمشا 39 جۇمىس ورنى ۇيىمداستىرىلعان.
جىل باسىنان بەرى ەرەكشە قاجەتتىلىكتى كەرەك ەتەتىن ادامدارعا ۇيىنە بارۋ ارقىلى 2785 مەملەكەتتىك قىزمەت كورسەتىلگەن.
23 قاڭتاردان باستاپ №1 فيليالىنىڭ 4 مامانداندىرىلعان باسقارماسى 2022 جىلدىڭ 1 قىركۇيەگىنە دەيىن شەتەلدەن اكەلىنگەن كولىك قۇرالدارىن زاڭداستىرۋعا قۇجاتتاردى قابىلداۋدى باستادى.
فيليال جەلىسىن دامىتۋعا كەلەتىن بولساق، باسقا رەسپۋبليكالاردان كەلەتىن شەتەل ازاماتتارىنا قىزمەت كورسەتۋ ءۇشىن Smart-point Almaty، جىبەك جولى كوشەسى، 135 مەكەنجايىندا ارنايى ءبىر جۇمىس ورنى ۇيىمداستىرىلعان. دوستىق داڭعىلى، 85 مەكەنجايى بويىنشا الەۋمەتتىك قىزمەت كورسەتۋ ۇيىندە ادىستەمەلىك جانە كونسۋلتاتيۆتىك كومەك كورسەتۋ جانە «BI Group» جشس-نە اۋدارۋ شارتتارىن تىركەۋ بويىنشا اقىلى قىزمەت كورسەتۋ ءۇشىن تيميريازيەۆ كوشەسى، 28 ا ورىن ۇيىمداستىرىلدى.
سونىمەن قاتار، اۆتوسالونداردا ارنايى حالىققا قىزمەت كورسەتۋ ورتالىقتارىنىڭ بەس سەكتورى اشىلدى:
AllurAuto Almaty، الماتى ق.، ءسۇيىنباي داڭعىلى، 159 ا مەكەنجايى بويىنشا.
«حيۋنداي پرەميۋم»، الماتى قالاسى، ءسۇيىنباي، 245 مەكەنجايى بويىنشا.
«Mycar Raiymbek» اۆتوسالونىنداعى سەكتور، الماتى ق.، رايىمبەك داڭعىلى، 115/23 جانە «مۋساr كۋلدجينكا»، كۋلدجينسكيي تراكت № 100/1 مەكەنجايى بويىنشا.
بايانداماشىنىڭ ايتۋىنشا، بيىلعى جىلى №2 مامانداندىرىلعان بولىمشەسىن «بيپەك اۆتو» ءجشس-نىڭ مايلين، 240ا كوشەسى مەكەنجايى بويىنشا ورنالاسقان عيماراتىنا كوشىرۋ جوسپارلانۋدا، جالعا بەرۋشىنىڭ ەسەبىنەن جوندەۋ جۇمىستارى قولعا الىنىپ، 2023 جىلدىڭ مامىر ايىنىڭ سوڭىنا دەيىن دەمەۋشىلەر ەسەبىنەن جۇرگىزىلۋدە. سونداي-اق «مەدەۋ» حقو-نى تۇرلەندىرۋ جانە «AFD Plaza» تۇرعىن ءۇي كەشەنىندە بيزنەس پەن سۋپەر حقو اشۋ جوسپارلانۋدا.