ەلەكترمەن جابدىقتاۋ
الماتى قالاسىنىڭ ەنەرگيا جۇيەسىنىڭ قازىرگى جاعدايى.
مەنشىكتى ستانسيالاردى ءوندىرۋ 2022 ج. - 708 مۆت، الماتى ەنەرگيا تورابىن تۇتىنۋ – 1754 مۆت، ونىڭ ىشىندە الماتى قالاسى – 982 مۆت. قۋات تاپشىلىعى-1040 مۆت.
تاپشىلىقتى جابۋ ەكىباستۇز ەنەرگيا تورابى ستانسيالارىنان 500 كۆ جەلىسى بويىنشا جۇزەگە اسىرىلادى.
نەگىزگى پروبلەما: ءوز گەنەراسياسىنىڭ بولماۋى، ناتيجەسىندە ەلەكتر جەلىسىنىڭ تۇراقسىز كۇيى. ەنەرگيا جۇيەسى تۇراقتى بولىپ سانالادى، مۇندا ءوز كوزدەرىن ءوندىرۋ كەمىندە 60% قۇرايدى.
كەرنەۋى 6-10 كۆ ەلەكتر جەلىلەرىنىڭ فيزيكالىق توزۋى (شامامەن 60%).
الماتى قالاسىنا قوسىلعان اۋماقتاردا ەلەكتر جەلىلەرىن قايتا قۇرۋ جانە سالۋ قاجەتتىلىگى.
شەشۋ جولدارى
اجەو-1، اجەو-2، اجەو-3 ستانسيالارىن قۋاتى ۇلعايعان گازعا اۋىستىرۋ – 572 مۆت. جەك (گيدروەلەكتروستانسيالار، جەل ەلەكتر ستانسيالارى، كۇن ەلەكتر ستانسيالارى) پايدالاناتىن الماتى وبلىسىنىڭ وڭتۇستىك-شىعىس بولىگىندەگى ستانسيالاردان شامامەن 300 مۆت جانە ودان استام كولەمدە ەلەكتر ەنەرگياسىن جەتكىزۋ كوزدەلىپ وتىر.
2030 جىلعا ارنالعان قالا بويىنشا جۇكتەمەنىڭ كۇتىلەتىن ءوسۋى – ەنەرگيا تورابى بويىنشا 2100 مۆت، ونىڭ ىشىندە قالا بويىنشا – 1260 مۆت، 2040 جىلعا قاراي – 2600 مۆت، ونىڭ ىشىندە قالا بويىنشا – 1560 مۆت.
قۋاتتى كوزدەردەن تۇتىنۋشىلارعا بەرۋ ءۇشىن قۇرىلىس كولەمىن ورىنداۋ قاجەت:
220 كۆ – اجەو-2 جانە اجەو-3-تە 220 كۆ كس سالۋ، احبك كس – 7ا قايتا جاڭارتۋ، 220 كۆ ەبج-نى كابەلدىك ورىنداۋعا كوشىرۋ - 33 كم.
110 كۆ – جاڭا كس سالۋ – 4 دانا، قولدانىستاعى كس 110 كۆ جانە ەبج 110 كۆ قايتا جاڭارتۋ.
قۇرىلىستىڭ بەلگىلەنگەن كولەمىن ورىنداۋ كەزىندە كوممۋنالدىق-تۇرمىستىق جانە قوعامدىق جۇكتەمەنىڭ بارلىق وبەكتىلەرىن 2040 جىلعا دەيىن قوسۋ قامتاماسىز ەتىلەدى.