الماتى قالاسىنىڭ ديپلوماتيالىق كورپۋسى ازاماتتىق قورعاۋ سالاسىندا شەبەرلىك سىنىبىنان ءوتتى

سەل تاسقىنى كەزىندەگى حالىقتىڭ ىس-ارەكەتى

2023 جىلعى 18 ساۋىردە بۇۇ عيماراتىنىڭ بازاسىندا الماتى قالاسى تجد قىزمەتكەرلەرى يران، ۆەنگريا، فرانسيا، ليتۆا، پولشا، قىرعىزستان، تاجىكستان، اقش، رەسەي، جۇڭگو، تۇركيا، گەرمانيا، تۇرىكمەنستان، ءۇندىستان، كورەيا، سونداي-اق بۇۇ كەڭەسشىلەرى مەن يۋنەسكو وكىلدەرى ءۇشىن ازاماتتىق قورعاۋ سالاسىندا وقۋ ساباعىن وتكىزدى، دەپ حابارلايدى Almaty-akshamy.kz.

ساباقتىڭ ماقساتى-الماتى قالاسىنىڭ تۇرعىندارى مەن قوناقتارىنىڭ كاسكادتى وقىتۋ ءادىسىن قولدانا وتىرىپ، توتەنشە جاعدايلارداعى ءجۇرىس-تۇرىس ەرەجەلەرى تۋرالى حاباردارلىعىن ارتتىرۋ. ءادىستىڭ ءمانى مىنادا: وقىتۋدان وتكەن باس كونسۋلدار ءوز ەلشىلىكتەرىندە نە ۇيرەنگەندەرىن ايتىپ بەرەدى، وسىلايشا اقپاراتتى تەحنيكالىق قىزمەتكەرلەرگە دەيىن جەتكىزەدى.

ساباق اياسىندا تجد قىزمەتكەرلەرى ديپلوماتيالىق كورپۋسقا «جەر سىلكىنىسىنە دەيىنگى، جەر سىلكىنىسى كەزىندە جانە ودان كەيىنگى حالىقتىڭ ىس-ارەكەتتەرى»، «تج جاعدايىنداعى دابىل چەمودانى ىشىندەگى زاتتار»، «قۇرىلىمدىق ەمەس سەيسميكالىق كۇشەيتۋ»، «تج كەزىندە زارداپ شەككەن حالىقتى قابىلداۋ پۋنكتتەرى»، «حالىقتىڭ ىس-ارەكەتتەرى دابىلى كەزىندە «بارلىعىنىڭ نازارىنا!»»، «دارمەن» ءموبيلدى قوسىمشاسىنىڭ جۇمىس ءپرينسيپى»، «سەل تاسقىنى كەزىندەگى حالىقتىڭ ىس-ارەكەتى» جانە «ءورت قاۋىپسىزدىگى» قاعيدالارىن جەتكىزدى.

باس كونسۋلدار تجد قىزمەتكەرلەرىنە بەلسەندى تۇردە سۇراقتار قويىپ، ولارعا تولىق جاۋاپتار الدى.

الماتى قالاسىنداعى ق ر ءسىم وكىلدىگى باسشىسىنىڭ ورىنباسارى يسلامبەك رايىموۆ ساباقتى وتكىزۋگە جانە باعدارلامانى دايىنداۋعا كومەكتەسكەنى ءۇشىن شىن جۇرەكتەن العىسىن ءبىلدىردى. ونىڭ پىكىرىنشە، بۇگىندە توتەنشە جاعدايلاردىڭ الدىن الۋ جانە ولاردى جويۋ سالاسىنداعى ىنتىماقتاستىق قاجەتتىلىگى بۇرىنعىدان دا كوپ، سونداي-اق مۇنداي كۋرستار ءدىني سەنىمگە، ساياسي، الەۋمەتتىك جانە مادەني بايلانىستارعا قاراماستان ازاماتتاردىڭ قاۋىپسىزدىك مادەنيەتىن ارتتىرۋعا كومەكتەسەدى.