الماتى قالاسىنىڭ اكىمى حالىقارالىق قارجى كورپوراسياسىنىڭ (حقك) وكىلدەرىمەن كەزدەستى. ءىس-شاراعا تاياۋ شىعىس، ورتالىق ازيا، تۇركيا، اۋعانستان جانە پاكىستان بويىنشا حالىقارالىق قارجى كورپوراسياسىنىڭ وڭىرلىك ۆيسە-پرەزيدەنتى حەلا شەيحروۋ، ورتالىق ازيا بويىنشا حالىقارالىق قارجى كورپوراسياسى وڭىرلىك وكىلدىگىنىڭ باسشىسى كاسساندرا كولبەرت، قازاقستانداعى حالىقارالىق قارجى كورپوراسياسى وڭىرلىك وكىلدىگىنىڭ باسشىسى ەكاتەرينا بەندجامين جانە باسقالار قاتىستى، دەپ حابارلايدى اlmaty-akshamy.kz.
حقك وكىلدەرىنىڭ ايتۋىنشا، الماتى ورتالىق ازياداعى وڭىرلىك ينۆەستيسيالىق حاب بولىپ تابىلادى. ۇيىم مەگاپوليستىڭ الەۋمەتتىك- ەكونوميكالىق دامۋىنا ىقپال ەتەدى، مۇنداعى باستى باعىتتار – قارجى سەكتورى، اگروبيزنەس، ينفراقۇرىلىم، كليماتتىق جانە ەكولوگيالىق ينۆەستيسيالار.
حكق تەحنيكالىق-ەكونوميكالىق ءىرى جوبالاردى ودان ءارى نەسيەلەۋ ءۇشىن (تەن) 500 مىڭ اقش دوللارىن ءبولۋدى ۇسىندى. گرانت اعىمداعى جىلدىڭ سوڭىنا دەيىن كەلىپ تۇسەدى. قالا اكىمى ەربولات دوسايەۆتىڭ ايتۋىنشا، الماتى دامىتۋ باعدارلاماسى اياسىندا قالانىڭ سۋ رەسۋرستارى مەن سۋ شارۋاشىلىقتارى نىساندارىن جۇيەلى باسقارۋدى ۇيىمداستىرۋ جونىندەگى الەۋەتتى جوبا قاراستىرىلعان.
كەزدەسۋ بارىسىندا ەربولات دوسايەۆ سونداي-اق جاسىل وبليگاسيالار مەن تۇراقتى دامۋ، ءىت-حاب پەن ۆەنچۋرلىك قورلاردى قۇرۋ بولىگىندە الماتى قالاسىنىڭ الەۋەتتى ينۆەستيسيالىق جوبالارىن قوسا قارجىلاندىرۋعا حقك قاتىسۋعا قىزىعۋشىلىق ءبىلدىردى. كەزدەسۋ قورىتىندىسى بويىنشا تاراپتار ءوزارا ءتيىمدى ارىپتەستىكتى نىعايتۋعا كەلىستى.
حقك-مەن بەلسەندى ەكىجاقتى ىنتىماقتاستىقتىڭ ارقاسىندا ءتۇرلى ينۆەستيسيالىق جوبالار، سونىڭ ىشىندە الماتى حالىقارالىق اۋەجايى، "باكاد" مەملەكەتتىك-جەكەمەنشىك جوباسى جانە ت.ب. دامىدى.
حقك-سى دۇنيەجۇزىلىك بانكتىڭ ەنشىلەس ۇيىمى، ەڭ ءىرى جاھاندىق دامۋ ينستيتۋتى، ونىڭ قۇرامىنا 185 قاتىسۋشى ەل كىرەدى. قازاقستان 1993 جىلعى 30 قىركۇيەكتە ۇيىمنىڭ تولىققاندى مۇشەسى بولدى.