الماتى قالاسىنىڭ اكىمدىگى جانە «بايتەرەك» ۇبح» اق ىنتىماقتاستىقتىڭ جاڭا كەزەڭىنە وتۋدە
الماتى قالاسىنىڭ اكىمى ەربولات دوسايەۆ «بايتەرەك» ۇبح» اق باسقارما ءتوراعاسى قانات شارلاپايەۆپەن مەگاپوليستىڭ ءارى قاراي دامۋىنىڭ پەرسپەكتيۆالارىن تالقىلاۋ بويىنشا كەزدەسۋ وتكىزدى. اڭگىمە بارىسىندا كاسىپكەرلەردى قارجىلىق قولداۋ، قالانىڭ تۇرعىن ءۇي قورىن جاڭارتۋ، ESG جوبالارىن ىسكە اسىرۋ جانە تاعى باسقا ماسەلەلەر بويىنشا ۇزاق مەرزىمدى ىنتىماقتاستىق تۋرالى ءسوز بولدى، دەپ حابارلايدى اlmaty-akshamy.kz.
قازىرگى ۋاقىتتا قالانىڭ ونەركاسىپ سالاسىن دامىتۋ ءۇشىن «ونەركاسىپتى دامىتۋ قورى» اق جەلىسى بويىنشا يندۋستريالدى ايماقتاعى شاعىن وندىرىستىك پاركتەردى قارجىلاندىرۋ ماسەلەسى پىسىقتالۋدا. جوبا اياسىندا بيزنەس باعاسى كەمىندە 80 ملن تەڭگە تۇراتىن جابدىقتى جىلدىق 3% مولشەرلەمە بويىنشا 3 جىلدان 20 جىلعا دەيىنگى مەرزىمگە ليزينگكە ساتىپ الا الادى. باعدارلامادان كۇتىلەتىن تيىمدىلىك – ىسكەرلىك بەلسەندىلىكتى ارتتىرۋ جانە جاڭا جۇمىس ورىندارىن قۇرۋ.
كاسىپكەرلەرگە قولجەتىمدى قارجىلاندىرۋدى ۇسىنۋ ءۇشىن «دامۋ» كدق» اق بىرلەسىپ «Almaty Business» وڭىرلىك باعدارلاماسىنا فاكتورينگتىك كەلىسىمدەر ارقىلى وزگەرىستەر ەنگىزۋ بارىسىندا اەا اۋماعىنداعى جوبالاردى قارجىلاندىرۋ مولشەرى 500 ملن تەڭگەگە دەيىن ارتادى، شاعىن جانە ورتا بيزنەس ءۇشىن سىياقىنىڭ جىلدىق مولشەرلەمەسى 6% بولادى.
ءونىمدى ەكسپورتقا شىعاراتىنداردى قولداۋ ماقساتىندا جوبالاردى جىلدىق 12%-عا دەيىنگى مولشەرلەمە بويىنشا اينالىم قاراجاتتارىن تولىقتىرۋ ءۇشىن «قازاقستاننىڭ دامۋ بانكى» اق جەلىسى بويىنشا ەكسپورت الدى قارجىلاندىرۋ جوسپارلانۋدا، بۇل وتاندىق تاۋار وندىرۋشىلەردى حالىقارالىق نارىقتا قولداۋدى قامتاماسىز ەتەدى.
تاراپتار ماشينا جاساۋ سالاسىن دامىتۋ پەرسپەكتيۆالارىن تالقىلادى. اتاپ ايتقاندا، "Hyundai Trans Kazakhstan" بازاسىندا اۆتوكومپونەنتتەر زاۋىتىن سالۋ جونىندەگى جوبانى "قدب"اق-نىڭ قارجىلىق قولداۋى تالقىلانۋدا. جوبا ءوندىرىستى وقشاۋلاۋ دەڭگەيىن 8% - عا ارتتىرۋعا جانە الماتى قالاسىنىڭ ەكسپورتتىق الەۋەتىن ۇلعايتۋعا مۇمكىندىك بەرەدى.
كەزدەسۋ بارىسىندا «بايتەرەك» حولدينگىنىڭ ەنشىلەس كومپانيالارىنىڭ الماتى قالاسىنىڭ 2021-2025 جىلدارعا ارنالعان تۇرعىن ءۇي قورىن رەنوۆاسيالاۋ باعدارلاماسىنا قاتىسۋى بويىنشا ءبىرقاتار ماسەلەلەر قارالدى.
«ءبىز «بايتەرەك» حولدينگىمەن شوب قولداۋ بويىنشا ەنەرگەتيكا، كولىك، وڭدەۋ ونەركاسىبى، تۇرعىن ءۇي باعدارلامالارى ماسەلەلەرىنە قاتىستى ءىرى ينفراقۇرىلىمدىق جوبالاردى ىسكە اسىرۋدا دا ءوزارا ءىس-قيمىل جاساۋعا مۇددەلىمىز. ءبىز ESG – جوبالارىن ىسكە اسىرۋ ءۇشىن جاسىل وبليگاسيالار شىعارۋعا، اۆتوبۋس پاركىن ەكولوگيالىق قوعامدىق كولىكپەن جاڭارتۋعا جانە ت.ب. دايىنبىز»، – دەپ اتاپ ءوتتى ەربولات دوسايەۆ.
كەزدەسۋ قورىتىندىسى بويىنشا وسى جىلدىڭ مامىر ايىنىڭ سوڭىنا دەيىن تاراپتار ورىنداۋ مەرزىمى 2025 جىلعا دەيىن ارنالعان الماتى اكىمدىگى مەن «بايتەرەك» حولدينگى اراسىندا بىرلەسكەن جول كارتاسىنا قول قويۋعا كەلىستى.