الماتى قالاسىنىڭ اكىمدىگى مەن «QazaqGaz» ۇك» اق گاز جانە گاز موتورلى وتىن سالاسىنداعى ىنتىماقتاستىق تۋرالى ءوزارا مەموراندۋم جاسادى، دەپ حابارلايدى اlmaty-akshamy.kz.
قازاقستان رەسپۋبليكاسى ۇكىمەتىنىڭ 2018 جىلعى 29 قاراشاداعى № 797 قاۋلىسىن ورىنداۋ اياسىندا اتالعان قۇجاتقا قالا باسشىسى ەربولات دوسايەۆ پەن «QazaqGaz» ۇك» اق باسقارما ءتوراعاسى سانجار جاركەشوۆ قول قويدى.
كەلىسىم ۇلتتىق كومپانيانىڭ 2023 جىلعى ەكىنشى توقساندا ءۇش اۆتوموبيلدىك گاز تولتىرۋ كومپرەسسورلىق ستانسياسىن (اگتكس) سالۋدى جانە سىعىمدالعان تابيعي گازدى (ستگ) ۇزدىكسىز جەتكىزۋدى قامتاماسىز ەتۋدى قاراستىرعان. الماتى اكىمدىگى ءوز تاراپىنان گازبەن جۇرەتىن اۆتوبۋستار سانىن 880-دەن 1200 بىرلىككە دەيىن ارتتىرۋدى جانە اگتكس قۇرىلىسى اياقتالعاننان كەيىن اۆتوبۋستاردى گازعا اۋىستىرۋ بويىنشا جۇمىستى جالعاستىرۋدى جوسپارلاۋدا.
تابيعي گازدى موتور وتىنى رەتىندە پايدالانۋدى كەڭەيتۋ اتموسفەراعا شىعاتىن زالالدى زاتتاردى ازايتۋعا جانە قالاداعى ەكولوگيالىق جاعدايدى جاقسارتۋعا مۇمكىندىك بەرەدى. سىعىمدالعان تابيعي گازدىڭ (ستگ) ارتىقشىلىعى ونىڭ ەكولوگيالىق تازالىعىندا ءارى باعاسىنىڭ قولجەتىمدىلىگىندە – ستگ ديزەل وتىنىنا قاراعاندا ەكى ەسە ارزان.
كەزدەسۋ بارىسىندا قالاداعى اۋا ساپاسىن جاقسارتۋ ماقساتىندا تاراپتار ەنەرگەتيكالىق كەشەن مەن گازبەن جابدىقتاۋدى دامىتۋ بويىنشا كەلىسىمگە قول جەتكىزدى.