سوتتىڭ مالىمەتىنشە، 2023 جىلدىڭ قازان ايىندا، كۇدىكتى پ. ادامدار توبىنىڭ الدىن الا ءسوز بايلانىسۋىمەن تەلەگرام كانال ارقىلى 12،04 گرامم مولشەرىندە پسيحوتروپتىق زاتتاردى وتكىزۋ ماقساتىندا زاڭسىز يەمدەنگەن، كەيىننەن ءوزىنىڭ باسقارۋىنداعى اۆتوكولىكتە ساقتاعان، دەپ حابارلايدى aqshamnews.kz
پوليسيا قىزمەتكەرلەرىمەن كۇدىكتىنىڭ باسقارۋىنداعى اۆتوكولىكتى توقتاتىپ، ءتىنتۋ بارىسىندا اۆتوكولىكتەن 25 دانا پسيحوتروپتىق زاتتار انىقتالعان.
«القابيلەردىڭ قاتىسۋىمەن شىعارىلعان سوتتىڭ ۇكىمىنە سايكەس، پ-نىڭ ادامدار توبىنىڭ الدىن الا ءسوز بايلانىسۋىمەن اسا ءىرى مولشەردە پسيحوتروپتىق زاتتاردى وتكىزۋ ماقساتىندا زاڭسىز يەمدەنگەندىگى جانە ساقتاعانى دالەلدەندى. سوتتالۋشىنىڭ جاۋاپتىلىعى مەن جازاسىن اۋىرلاتاتىن ءمان-جاي انىقتالمادى. جەڭىلدەتەتىن ءمان-جاي رەتىندە ونىڭ جاسى (19 جاس) تانىلدى. سوتتالۋشىعا 10 جىلعا باس بوستاندىعىنان ايىرۋ جازاسى تاعايىندالدى»، - دەلىنگەن سوت حابارلاماسىندا.
ۇكىم زاڭدى كۇشىنە ەنگەن جوق.