ساناق اياقتالعاننان كەيىن وسى اپتادا ينسترۋكتور-باقىلاۋشىلار ينتەرۆيۋەرلەرمەن بىرلەسە وتىرىپ، ءاربىر ەسەپتىك ايماقتاعى تۇرعىن ۇيلەردىڭ 10 پايىزىن قامتيتىن رەسپوندەنتتەرگە ساۋالناما جۇرگىزەدى دەپ حابارلايدى almaty-akshamy.kz
بۇل كەزەڭ 8 قاراشاعا دەيىن جالعاسادى جانە 2021 جىلعى حالىق ساناعى كەزىندە حالىقتى تىركەۋدىڭ تولىقتىعىن جانە دەرەكتەر ساپاسىنىڭ دۇرىستىعىن تەكسەرۋ ماقساتىندا جۇزەگە اسىرىلادى. بۇل شارا سونىمەن قاتار سۇحباتشىلاردىڭ ءاربىر تۇرعىن ۇيگە بارعانىن جانە ساۋالنامانىڭ بارلىق تۇرعىندار ءۇشىن تولتىرىلعانىنا دالەل بەرەدى.
ناۋرىزباي اۋدانىنداعى باقىلاۋ ساپارى كەزىندە «شۇعىلا» شاعىناۋدانىنىڭ جەكە سەكتورىندا ينسترۋكتور-باقىلاۋشىلار 10 ادامنان تۇراتىن كوپبالالى وتباسىن تىركەدى. وتباسىنىڭ ەڭ ۇلكەنى 103 جاستاعى اپا جانە ونىڭ 81 جاستاعى ۇلى بولدى. اۋداننىڭ ەڭ ۇلكەن تۇرعىنى 1918 جىلى دۇنيەگە كەلگەن. سۇحباتشىلار بۇكىل وتباسىن ساناقتان وتكىزىپ، ءبىزدىڭ قۇرمەتتى رەسپوندەنتتەرگە ۇزاق جانە باقىتتى ءومىر تىلەدى.
www.sanaq.gov.kz ساناق سايتى ارقىلى ساناقتان وتۋگە نەمەسە قالانىڭ 1446 نومىرىنە، ۇيالى تەلەفونىڭىزدان 88000800878 نومىرىنە تەگىن قوڭىراۋ شالىپ، ساناقتان وتپەگەنىڭىزدى حابارلاۋعا بولاتىنىن ەستەرىڭىزگە سالامىز.
قانداي دا ءبىر سەبەپتەرمەن ساناقتان وتپەي قالعان تۇرعىندار بولسا، حابارلاسىڭىز، ءبىز ءسىزدى وتكىزەمىز. الماتى قالاسى بويىنشا ساناق ءبولىمىنىڭ تەلەفونى 8 (727) 330-89-16.
قازاقستاندا اركىم ماڭىزدى!