الماتى قالاسىنداعى وتىنىشتەر بويىنشا ءجيى قويىلاتىن سۇراقتار

1. سۇراق: «ينۆاتاكسي» قىزمەتىن الۋعا كىم قۇقىلى؟

«ينۆاتاكسي» الەۋمەتتىك قىزمەتى ءجۇرىپ-تۇرۋىندا قيىندىقتارى بار (ونىڭ ىشىندە كرەسلو-اربانى پايدالانۋ) مۇگەدەكتىگى بار ادامدار مەن مۇگەدەكتىگى بار بالالاردى كورۋ قابىلەتى بۇزىلعان، سونداي-اق اۋتيزم سپەكترى بۇزىلعان  (اسب) ادامداردى كولىكپەن تاسىمالداۋعا ارنالعان.

كەلەسى مەكەمەلەردى قوسا العاندا، الەۋمەتتىك ماڭىزى بار وبەكتىلەرگە بارۋ ءۇشىن ۇسىنىلادى:

·       دەنساۋلىق ساقتاۋ؛

·       ءبىلىم بەرۋ؛

·       الەۋمەتتىك قورعاۋ؛

·       جەرگىلىكتى ءوزىنء-وزى باسقارۋ ورگاندارى؛

·       قۇقىق قورعاۋ قۇرىلىمدارى.

مۇگەدەك ادامداردى اۆتوموبيل كولىگىمەن تاسىمالداۋ بويىنشا قىزمەتتەر كورسەتۋ قاعيدالارىنا سايكەس (ق ر كولىك جانە كوممۋنيكاسيا ءمينيسترىنىڭ م.ا. 2013 جىلعى 1 قاراشاداعى №859 بۇيرىعى) قىزمەتكە كەلەسى  ساناتتاعىلاردىڭ قۇقىعى بار:

·       كرەسلو-اربامەن قوزعالاتىن مۇگەدەكتىگى بار ادامدار؛

·       تىرەك-قيمىل اپپاراتى بۇزىلعان مۇگەدەك بالالار؛

·       كورۋ قابىلەتى بۇزىلعان مۇگەدەكتەر؛

·       كورۋ قابىلەتى بۇزىلعان مۇگەدەك بالالار؛

·       اسب (اۋتيزم) دياگنوزى بار مۇگەدەك بالالار.

قىزمەت بءىرىنشى كەزەكتە:

·    جۇمىس نەمەسە وقۋ كەستەسىنە سايكەس مۇگەدەكتىگى بار جۇمىس ىستەيتىن جانە ءبىلىم الاتىن ادامدارعا كورسەتىلەدى.

قالعان بارلىق باسقا ساناتتارعا - وتىنىمدەردىڭ تۇسۋىنە قاراي قىزمەت كورسەتىلەدى.

قىزمەتتى رەسىمدەۋ ءۇشىن:

1. تىركەلگەن جەرى بويىنشا اكىمدىكتىڭ جۇمىسپەن قامتۋ جانە الەۋمەتتىك باعدارلامالار بولىمىنە حابارلاسۋ كەرەك؛

2. كەلەسى قۇجاتتاردى ۇسىنۋ قاجەت:

·       ءوتىنىش (ەركىن نىساندا)؛

·       جەكە كۋالىكتىڭ كوشىرمەسى؛

·       دكك قورىتىندىسى (026/ۋ نىسانى)؛

·       مۇگەدەكتىك تۋرالى انىقتامانىڭ كوشىرمەسى (مەديسينالىق-الەۋمەتتىك ساراپتاما قاعيدالارىنا 13-قوسىمشا بويىنشا نىسان).

قوسىمشا جوعارىدا كورسەتىلگەن قۇجاتتاردىڭ كوشىرمەلەرى قىزمەتتى پايدالانۋ ءۇشىن قاجەتتى «وڭاي» كارتاسىن رەسىمدەۋ ءۇشىن اكىمدىكتەر جانىندا جۇمىس ىستەيتىن كولىك حولدينگىنىڭ بولىمشەسىنە بەرىلەدى.

ساپارعا ءوتىنىم بەرۋ ءتارتىبى:

·       «ينۆاتاكسيگە» ءوتىنىم تەلەفون ارقىلى بولجامدى ساپارعا ءبىر تاۋلىك قالعاندا بەرىلەدى؛

·       شىعۋ مەن كەلۋدىڭ ناقتى ۋاقىتى مەن مەكەنجايىن كورسەتۋ قاجەت.

2. سۇراق: جۇمىسسىزدىق بويىنشا جاردەماقىنى قالاي الۋعا بولادى؟

قازاقستان رەسپۋبليكاسى الەۋمەتتىك كودەكسىنىڭ 113 بابى 1 تارماعىنا سايكەس جۇمىسىنان ايىرىلۋ جاعدايى بويىنشا الەۋمەتتىك تولەم الۋعا ءبىر مەزگىلدە مىناداي شارتتارعا سايكەس كەلەتىن ادامداردىڭ قۇقىعى بار:

1. مىندەتتى الەۋمەتتىك ساقتاندىرۋ جۇيەسىندە تىركەلگەن؛

2. ولار ءۇشىن بۇرىن الەۋمەتتىك اۋدارىمدار جاسالعان؛

3. رەسمي جۇمىسسىز مارتەبەسىنە يە (ق ر الەۋمەتتىك كودەكسىنىڭ                            114-بابىنىڭ 3 تارماعى).

الەۋمەتتىك تولەم مەملەكەتتىك الەۋمەتتىك ساقتاندىرۋ قورىنان (ءماسق) جۇزەگە اسىرىلادى جانە جوعالعان تابىستىڭ 45% قۇرايدى، ءبىراق زاڭدا بەلگىلەنگەن نورماتيۆتەردەن اسپايدى.

جۇمىسسىز مارتەبەسىن قالاي الۋعا بولادى:

جۇمىسسىز مارتەبەسى:

·       Enbek.kz جانە Egov.kz پورتالدارى؛

·       Egov Mobile ءموبيلدى قوسىمشاسى؛

·    ەڭبەك موبيلدىلىگى ورتالىقتارى (مىسالى، الماتى ق.: دوستىق داڭعىلى، 85، تەل. 8 (727) 310 47 82، سايت: http://ctm-almaty.kz) ارقىلى بەرىلەدى.

جاردەماقىعا قالاي ءوتىنىش بەرۋگە بولادى:

جاردەماقى الۋعا ءوتىنىش:

·       ەڭبەك موبيلدىلىگى ورتالىعى ارقىلى؛

·       حقكو-عا (جۇمىسسىز مارتەبەسى راستالعان جاعدايدا)؛

·       Enbek.kz ەلەكتروندىق ەڭبەك بيرجاسى ارقىلى؛

·       Egov.kz پورتالى ارقىلى؛

·       Egov mobile ءموبيلدى قوسىمشاسى ارقىلى بەرىلۋى مۇمكىن.

ءوتىنىش بەرۋ مەرزىمى - جۇمىسىنان ايىرىلعان ساتتەن باستاپ 12 ايدان كەشىكتىرىلمەي بەرىلەدى.

 تولەۋ مەرزىمدەرى ءالەۋمەتتىك اۋدارىمدار وتىلىنە بايلانىستى:

·       6 ايدان 12 ايعا دەيىن-تولەم 1 اي؛

·   12 ايدان 24 ايعا دەيىن - 2 اي؛

·   24 ايدان 36 ايعا دەيىن - 3 اي؛

·   36 ايدان 48 ايعا دەيىن - 4 اي؛

·   48 ايدان 60 ايعا دەيىن - 5 اي؛

·   60 ايدان استام - 6 اي.

تولەنەتىن سومادان بجزق-عا اۋدارىلاتىن 10% مولشەرىندە مىندەتتى زەينەتاقى جارنالارى ۇستالادى.

جاردەماقى تولەۋدى توقتاتۋ ءۇشىن نەگىزدەر:

1. الۋشىنىڭ قايتىس بولۋى (تولەم قايتىس بولعان ايدى قوسا العاندا جۇزەگە اسىرىلادى)؛

2. كۇماندى اقپارات ۇسىنۋ؛

3. الۋشى تاراپىنان تولەمدەردى توقتاتۋعا ءوتىنىش بەرۋ؛

4. جۇمىسسىز رەتىندە ەسەپتەن شىعارۋ؛

5. قازاقستان رەسپۋبليكاسىنىڭ ازاماتتىعىن توقتاتۋ.

وسىلايشا جاردەماقى الۋ ءۇشىن راستالعان ساقتاندىرۋ ءوتىلى بولۋى، جۇمىسسىز رەتىندە تىركەلۋى جانە قول جەتىمدى ارنالار ارقىلى ۋاقتىلى ءوتىنىش بەرۋى قاجەت.

3. سۇراق: بيزنەستى دامىتۋعا 5 ملن تەڭگەگە دەيىن گرانت الۋ ءۇشىن نە قاجەت؟

الماتى قالاسى كاسىپكەرلىك جانە ينۆەستيسيالار باسقارماسى مەملەكەتتىك قولداۋ شارالارىن ىسكە اسىرۋ شەڭبەرىندە الەۋمەتتىك كاسىپكەرلىك سۋبەكتىلەرىنە، سونداي – اق «بءىر اۋىل - ءبىر ءونىم» باعدارلاماسىنىڭ (بابءو) فيناليستەرى دەپ تانىلعان شاعىن جانە ورتا كاسىپكەرلىك سۋبەكتىلەرىنە 5 ملن تەڭگەگە دەيىنگى مولشەردە وتەۋسىز گرانتتار بەرۋگە كونكۋرس وتكىزەدى.

كونكۋرس بيۋدجەت قاراجاتى بولعان جاعدايدا جىلىنا كەمىندە ءبىر رەت وتكىزىلەدى. قارجىلاندىرۋ كونكۋرستىق نەگىزدە ۇسىنىلادى.

الۋشىلاردىڭ ساناتتارى:

1. الەۋمەتتىك كاسىپكەرلىك سۋبەكتىلەرى - ءالەۋمەتتىك كاسىپكەرلىك سۋبەكتىلەرىنىڭ تىزىلىمىنە ەنگىزىلگەن جەكە كاسىپكەرلەر جانە زاڭدى تۇلعالار (ءىرى كاسىپكەرلىك سۋبەكتىلەرىن قوسپاعاندا).

2. ءبابو باعدارلاماسىنىڭ فيناليستەرى – اۋىلدىق اۋماقتاردى دامىتۋعا باعدارلانعان جەرگىلىكتى شيكىزاتتان ءونىمدى ازىرلەۋگە، وندىرۋگە جانە ىلگەرىلەتۋگە باعىتتالعان «بءىر اۋىل - ءبىر ءونىم» جوباسىنىڭ قاتىسۋشىلارى.

گرانت الۋ ءتارتىبى:

1. الەۋمەتتىك كاسىپكەرلىك تىزىلىمىنە ەنگىزۋ الەۋمەتتىك كاسىپكەرلىك سۋبەكتىسى مارتەبەسىن الۋ ءۇشىن قازاقستان رەسپۋبليكاسى ۇلتتىق ەكونوميكا ءمينيسترىنىڭ م.ا. 2023 جىلعى 17 شىلدەدەگى №140 بۇيرىعىمەن بەكىتىلگەن الەۋمەتتىك كاسىپكەرلىك سۋبەكتىلەرىنىڭ ءتىزىلىمىن جۇرگىزۋ قاعيدالارىنا سايكەس قۇجاتتاردى ۇسىنۋ قاجەت. قۇجاتتاردى قابىلداۋ توقسان سايىن ايدىڭ 1-نەن 15-نە دەيىن جۇزەگە اسىرىلادى.

2. كونكۋرسقا قاتىسۋ

كونكۋرسقا قاتىسۋعا رۇقسات بەلگىلەنگەن ىرىكتەۋ راسىمىنەن وتكەننەن كەيىن جانە بيۋدجەتتەن قارجى بولىنگەن جاعدايدا عانا مۇمكىن بولادى.

 بايلانىس اقپاراتى:

·   مەكەنجايى: الماتى ق.، بايزاقوۆ ك-سى، 303، 302 كابينەت

·   تەلەفون: +7 (727) 390-20-69

قۇجاتتاردى تاپسىرۋعا جانە كونكۋرسقا قاتىسۋعا بايلانىستى ماسەلەلەر بويىنشا مۇددەلى تۇلعالارعا تىكەلەي الماتى قالاسى كاسىپكەرلىك جانە ينۆەستيسيالار باسقارماسىنا جۇگىنۋ ۇسىنىلادى.

4. سۇراق: تۇتىنۋشىلار ەسەپتەۋ اسپاپتارىن وزدەرى ورناتا الادى ما؟

قازاقستان رەسپۋبليكاسى ۇلتتىق ەكونوميكا ءمينيسترىنىڭ 2015 جىلعى               28 تامىزداعى №621 (قازاقستان رەسپۋبليكاسىنىڭ ادىلەت مينيسترلىگىندە   2015 جىل 25 قىركۇيەكتە №12111 بولىپ تىركەلءدى) بۇيرىعىمەن بەكىتىلگەن سۋمەن جابدىقتاۋ جانە سۋ بۇرۋ جۇيەلەرىندەگى سۋدى ەسەپكە الۋ اسپاپتارىن تاڭداۋ، مونتاجداۋ جانە پايدالانۋ قاعيدالارىنىڭ 4 تارماعىنا سايكەس ەسەپكە الۋ تورابىن مونتاجداۋ، جوبالاۋ،  قايتا مونتاجداۋدى (باستاپقى جانە كەيىنگى ورناتۋ) قوسقاندا، جابدىقتاۋ بويىنشا بارلىق جۇمىستاردى  2014 جىلعى                  16 مامىرداعى «رۇقساتتار جانە حابارلامالار تۋرالى» قازاقستان رەسپۋبليكاسىنىڭ زاڭىنا سايكەس رۇقساتى بار ۇيىمدار ورىندايدى.

ەسەپكە الۋ اسپاپتارىن ورناتۋدى، اۋىستىرۋدى جانە تەكسەرۋدى قولدانىستاعى نورماتيۆتەر مەن زاڭناما تالاپتارىنا قاتاڭ سايكەس قاجەتتى رۇقسات قۇجاتتارى مەن سەرتيفيكاتتارى بار ليسەنزيالانعان كومپانيالار عانا ورىنداي الادى.

تۇتىنۋشىلاردىڭ ەسەپكە الۋ اسپاپتارىن ءوز بەتىنشە ورناتۋىنا جول بەرىلمەيدى. ۋاكىلەتتى ۇيىمدى تارتپاي ورناتىلعان اسپاپتاردى پايدالانۋ ەسەپكە الۋدى جارامسىز دەپ تانۋعا، سونداي-اق قۇقىقتىق جانە قارجىلىق سالداردىڭ تۋىنداۋىنا اكەپ سوعۋى مۇمكىن.
         سۋىق سۋدى ەسەپكە الۋ اسپاپتارىن ورناتۋدى، اۋىستىرۋدى جانە تەكسەرۋدى جۇزەگە اسىراتىن اككرەديتتەلگەن ۇيىمداردىڭ تىزبەسى «الماتى سۋ» مكك رەسمي سايتىندا «تۇتىنۋشىلار - بارلىعى ەسەپتەگىشتەر تۋرالى» بولىمىندە ورنالاستىرىلعان:(https://almatysu.kz/؟page_id=542&lang=ru).

5. سۇراق: تۋبەركۋلەز، ايتۆ-عا جانە ونكولوگيالىق اۋرۋلار بويىنشا تەگىن تەكسەرۋدەن قاي جەردە وتۋگە بولادى؟

قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2020 جىلعى 30 قازانداعى №ق ر دسم-174/2020 (2024 جىلعى              16 تامىزداعى №62 رەداكسيادا) «سكرينينگتىك زەرتتەۋلەرگە جاتاتىن ادامداردىڭ نىسانالى توپتارىن، سونداي-اق وسى قاراپ-تەكسەرۋلەردى وتكىزۋدىڭ قاعيدالارىن، كولەمى مەن كەزەڭدىلىگىن بەكىتۋ تۋرالى» بۇيرىعىنا سايكەس جوسپارلى سكرينينگتىك تەكسەرۋلەرگە جاتاتىن حالىقتىڭ جاس جانە الەۋمەتتىك توپتارى بەگىلەندى.

تۋبەركۋلەزگە، ايتۆ-عا جانە ونكولوگيالىق اۋرۋلارعا تەكسەرۋلەر تىركەلگەن جەرى بويىنشا مەملەكەتتىك ەمحانالاردا تەگىن مەديسينالىق كومەكتىڭ كەپىلدىك بەرىلگەن كولەمى (تمككك) شەڭبەرىندە تەگىن جۇرگىزىلەدى. تەكسەرۋدەن ءوتۋ ءۇشىن ازاماتقا:

·   تىركەلگەن جەرى بويىنشا ەمحاناعا حابارلاسۋ؛

·   سكرينينگتىك تەكسەرۋگە جولداما الۋ؛

·   ەمحانا جانىنان جۇمىس ىستەيتىن بەيىندى كابينەتتەردە دياگنوستيكادان ءوتۋ قاجەت.

سكرينينگتىك تەكسەرۋلەر كەلەسىنى قامتيدى:

·   فليۋوروگرافيا (تۋبەركۋلەزدى انىقتاۋ ءۇشىن)؛

·   ايتۆ-عا جەدەل تەستىلەۋ؛

·   ونكولوگيالىق اۋرۋلاردى ەرتە انىقتاۋعا باعىتتالعان زەرتتەۋلەر (ناۋقاستىڭ جاسىنا جانە جىنىسىنا بايلانىستى).

وسىلايشا نىسانالى توپتارعا كىرەتىن مەملەكەتتىك ەمحاناعا تىركەلگەن بارلىق ادامدار بەلگىلەنگەن نورماتيۆتەر بويىنشا تەگىن سكرينينگتەن وتۋگە قۇقىلى.