قالا قۇرىلىسىن باقىلاۋ باسقارماسىنىڭ مالىمەتىنشە، دۇكەن عيماراتى شۇعىلا شاعىن اۋدانى، ءجۇنىسوۆ كوشەسى، 47 ءۇي مەكەنجايىندا زاڭسىز تۇرعىزىلعان، دەپ حابارلايدى almaty-akshamy.kz
مەنشىك يەسى رۇقسات قۇجاتتارى جوق تۇرعىن ءۇيدى پايدالانۋعا جانە قىزمەت كورسەتۋگە ارنالعان ۋچاسكەدە ءوز بەتىنشە زاڭسىز قۇرىلىس جۇمىستارىن جۇرگىزگەن.
باسقارما مەنشىك يەسىنە قاتىستى جوسپاردان تىس تەكسەرۋ ناتيجەسىندە ق ر اقبتك-نىڭ 316-بابى 1 ب.، 321- بابى بويىنشا اكىمشىلىك شارالار قابىلدادى جانە انىقتالعان بۇزۋشىلىقتاردى جويۋ تۋرالى نۇسقاما بەردى.
مەنشىك يەسى ۇيعارىم تالاپتارىنىڭ ورىندالۋى تۋرالى اقپاراتتى ءتيىستى ۋاقىتتا باسقارماعا ۇسىنباعان، ناتيجەسىندە 15.09.2022 جىلى ناۋرىزباي اۋداندىق سوتىنا زاڭسىز نىساندى بۇزۋ تۋرالى تالاپ ارىز بەرىلگەن.
07.12.2022 جىلى الماتى قالاسى ناۋرىزباي اۋداندىق سوتىنىڭ شەشىمىمەن تالاپ ارىز تولىق كولەمدە قاناعاتتاندىرىلدى.
سوت شەشىمىن ورىنداۋ ءۇشىن مەنشىك يەسى نىساندى بولشەكتەۋ ارقىلى بۇزاتىن بولادى.