تەرگەۋ كەزىندە 9 ميلليون تەڭگە جانە ءتۇرلى بانكتىڭ جەتى تولەم كارتاسى، ۇيالى تەلەفوندار، فلەشكالار مەن SIM-كارتالار تاركىلەندى.
ۇستالعان الاياقتار حالىقتى 50 ميلليون تەڭگەگە الداپ كەتكەن، دەپ حابارلايدى Almaty-akshamy.kz
بانكتىڭ قاۋىپسىزدىك قىزمەتى اتىنان حالىقتى الداعان تاعى ءبىر الاياقتار توبى قۇرىقتالدى.
تەمىرتاۋدىڭ ستاروگورودسكايا پوليسيا بولىمىنە 38 جاستاعى قالا تۇرعىنى ارىزدانعان. وعان بەلگىسىز بىرەۋلەر بانكتىڭ اتىنان ەكى اپتا بويى حابارلاسىپ، ەسەپشوتتاعى اقشانى الاياقتاردان ساقتاۋ قاجەتتىگىن ايتقان. جابىرلەنۋشى ءموبيلدى بانكينگ ارقىلى بەلگىسىز شوتقا 11 ميلليون تەڭگە اقشاسىن ءوزى جىبەرگەن.
الاياقتار الماتى قالاسىندا ۇستالدى. ولار قاراعاندى قالاسىنىڭ تۇرعىندارى بولىپ شىقتى. بىرەۋى - 31 جاستا، ال ەكىنشىسى – 27-دە.
«جەدەل ىزدەستىرۋ ءىس-شارالارى كەزىندە بىرنەشە بانكتىڭ تولەم كارتاسى تاركىلەندى. سونداي-اق كۇدىكتىلەردىڭ تۇرعىلىقتى جەرى بويىنشا تەرگەۋ امالدارى جۇرگىزىلىپ، بىرنەشە تولەم كارتاسى تابىلدى»، - دەيدى پوليسەيلەر.
بۇعان دەيىن قاراعاندى وبلىسى پوليسيا دەپارتامەنتىنىڭ كيبەرقىلمىسقا قارسى كۇرەس باسقارماسىنىڭ قىزمەتكەرلەرى بانكتىڭ كۇزەت قىزمەتىمەن بىرلەسىپ، جابىرلەنۋشىگە كرەديت رەتىندە بەرگەن اقشاسىن ۇرلاماق بولعان ءبىر توپ الاياقتى ۇستاعان بولاتىن. تەرگەۋ كەزىندە 9 ميلليون تەڭگە جانە ءتۇرلى بانكتىڭ جەتى تولەم كارتاسى، ۇيالى تەلەفوندار، فلەشكالار مەن SIM-كارتالار تاركىلەندى. جالپى، ۇستالعان الاياقتار حالىقتى 50 ميلليون تەڭگەگە الداپ كەتكەن.
قازىرگى كەزدە بارلىعى قىلمىستىق كودەكستىڭ 190-بابىنىڭ 3-بولىگى (الاياقتىق) بويىنشا جاۋاپقا تارتىلىپ وتىر. سوتقا دەيىنگى تەرگەۋ شارالارى باستالدى. كۇدىكتىلەردىڭ وسىعان ۇقساس باسقا دا فاكتىلەرگە قاتىسى بار-جوعى تەكسەرىلىپ جاتىر. جالعان بانك قىزمەتكەرلەرى جەتى جىلعا دەيىن باس بوستاندىعىنان ايىرىلۋى مۇمكىن. مۇلكى دە تاركىلەنەدى.