الماتى اكىمدىگىندە مۇلىك يەلەرى بىرلەستىگىنە ءوتۋ بارىسى تۋرالى ايتىلدى

2022 جىلدىڭ 1 شىلدەسىنەن باستاپ پيك ءوز جۇمىسىن توقتاتادى.

كوپ پاتەرلى ۇيلەردىڭ تۇرعىندارى مۇلىك يەلەرىنىڭ بىرلەستىگىنە ( ميب) نەمەسە جاي سەرىكتەستىكتەرگە (جس) كوشۋلەرى ءتيىس.

ءميب-نىڭ جس-دەن ايىرماشىلىعى:

ميب - بۇل كوممەرسيالىق ەمەس ۇيىم  (كەۇ) بولىپ تابىلاتىن زاڭدى تۇلعا جانە وعان سالىق سالۋ كەۇ-دا قولدانىلاتىن نورمالارعا سايكەس جۇزەگە اسىرىلادى. ميب-تەر ادىلەت مينيسترلىگىندە تىركەلۋى جانە وراردىڭ ءوز جارعىسى بولۋى  ءتيىس.

جاي سەرىكتەستىك - بۇل پاتەرلەر مەن تۇرعىن ەمەس ءۇي-جايلاردىڭ بارلىق مەنشىك يەلەرىنىڭ زاڭدى تۇلعا قۇرماي، تىكەلەي بىرلەسىپ  باسقارۋى. تىركەۋ جانە جارعى تالاپ ەتىلمەيدى.

بۇگىندە  الماتىدا 4 294 كوپ پاتەرلى تۇرعىن ءۇيدى (كپتۇ) قامتي وتىرىپ، باسقارۋدىڭ 3 983 جاڭا نىسانى تىركەلگەن، ونىڭ ىشىندە 857 ميب جانە 3 126 جس، بۇل ناتيجەسىندە باسقارۋدىڭ جاڭا نىساندارىنا كوشۋگە جاتاتىن كپتۇ جالپى سانىنىڭ 60،2%-ىن قۇرايدى.

تۇرعىن ءۇي ساياساتى باسقارماسى قالالىق جول كارتاسىن، تۇرعىندار اراسىندا جينالىستار وتكىزۋ كەستەسىن بەكىتتى. تكش رەفورماسى باستالعاننان بەرى ەپيدەميولوگيالىق جاعدايدى ەسكەرە وتىرىپ، شامامەن 3 500 كپتۇ قامتۋمەن 1 300 جينالىس وتكىزىلدى. سونداي-اق، ZOOM ارقىلى تۇرعىندارمەن 200-گە جۋىق ونلاين-كەزدەسۋ ۇيىمداستىرىلدى.

قازىرگى ۋاقىتتا تكش رەفورماسىن ىسكە اسىرۋدا كەيبىر پروبلەمالىق ماسەلەلەر بار:

• پيك-تىڭ ءۇيدى ميب-كە، كپتۇ-گە قۇجاتتار مەن اقشا قاراجاتىن بەرۋدەن باس تارتۋى. بۇل ماسەلەلەر كوپتەگەن جاعدايلاردا سوت شەشىمىمەن جۇزەگە اسىرىلادى، ويتكەنى باسقارۋ ورگاندارىنىڭ ءتوراعالارى قابىلداۋ-تاپسىرۋ اكتىسىنە ءوز ەركىمەن قول قويۋدان باس تارتادى.


• پاتەرلەردىڭ، تۇرعىن ەمەس ءۇي-جايلاردىڭ مەنشىك يەلەرى كوندومينيۋم قۇرامىنا ەنگىزىلمەگەن ءۇي جانىنداعى جانە اۋلا اۋماقتارىن تازارتۋدان باس تارتادى؛


• اقشا قاراجاتىنىڭ از تۇسۋىنە بايلانىستى ۇيلەردى كۇتىپ-ۇستاۋداعى قيىندىقتار.

بارلىق پروبلەمالىق ماسەلەلەر بويىنشا ق ر ييدم-گە حاتتار جولداندى. سونداي-اق، ق ر پارلامەنتى ءماجىلىسىنىڭ قاۋلىسى بويىنشا الماتى قالاسى تكش رەفورمالاۋ جونىندەگى جۇمىس توبىنىڭ قۇرامىنا ەنگىزىلدى.

ميب جانە جس  قۇرۋ ءۇشىن قانداي قادامدار جاساۋ كەرەكتىگىن ەستەرىڭىزگە سالامىز:

1-قادام. پاتەرلەردىڭ، تۇرعىن ەمەس ءۇي-جايلاردىڭ بارلىق مەنشىك يەلەرى الداعى جينالىس تۋرالى (جينالىس وتكىزىلگەنگە دەيىن 10 كۇن بۇرىن) حاباردار بولۋى ءتيىس.

جينالىس   مەنشىك يەلەرىنىڭ كەمىندە 10%-ىنان تۇراتىن باستاماشىل توبى ارقىلى شاقىرىلادى.

2-قادام.  كۇن ءتارتىبى بەلگىلەنەدى:

 - باسقارۋ ءتۇرىن تاڭداۋ ( ميب، جس)؛

- ميب ءتوراعاسىن نەمەسە ءجس-تىڭ  سەنىمدى وكىلىن سايلاۋ (1 جىل مەرزىمگە)؛

ء-ۇي كەڭەسىنىڭ مۇشەلەرىن سايلاۋ (كەمىندە 3 مەنشىك يەسى، 3 جىل مەرزىمگە)؛

- تەكسەرۋشىنى نەمەسە تەكسەرۋ كوميسسياسىن سايلاۋ (كەمىندە 3 مەنشىك يەسى، 3 جىل مەرزىمگە)؛

- جارعىنى بەكىتۋ.

3-قادام. جينالىس وتكىزۋ.

مەنشىك يەلەرىنىڭ جارتىسىنان كوبى قاتىسقان كەزدە شەشىم قاتىسۋشىلاردىڭ كوپشىلىك داۋىسىمەن قابىلدانادى.

كۆورۋم بولماعان جاعدايدا جازباشا ساۋالناما جۇرگىزىلەدى.

4-قادام. جازباشا ساۋالناما.

پاتەر يەلەرىنىڭ، تۇرعىن ەمەس ءۇي-جايلاردىڭ جارتىسىنان استامىنىڭ قاتىسۋىمەن شەشىم قاتىسۋشىلاردىڭ كوپشىلىك داۋىسىمەن قابىلدانادى.

5-قادام.  داۋىس بەرۋدى قورىتىندىلاۋ.

تىركەۋ جانە داۋىس بەرۋ پاراقتارىن قوسىپ، حاتتامانى رەسىمدەۋ.

6-قادام. ءميب-ىن تىركەۋ.

"ازاماتتارعا ارنالعان ۇكىمەت" مەملەكەتتىك كورپوراسياسى" كەاق تىركەۋ ءۇشىن تالاپ ەتىلەتىن قۇجاتتار تىزبەسى:

- ءوتىنىش؛

- جينالىس حاتتاماسى؛

- جارعىنىڭ 2 داناسى؛

- مەملەكەتتىك باج سالىعىن تولەگەنى تۋرالى تۇبىرتەك.

تىركەۋ ناتيجەلەرى بويىنشا زاڭدى تۇلعانى مەملەكەتتىك تىركەۋ تۋرالى انىقتاما بەرىلەدى.

7-قادام. اعىمداعى جانە جيناق شوتىن اشۋ.

8-قادام. ميب ءتوراعاسى جۇمىس ىستەپ تۇرعان باسقارۋ ورگانىنا (پيك، پكسك، پك) جانە تۇرعىن ءۇي ينسپەكسياسىنا ءميب-تىڭ قۇرىلعانى تۋرالى حابارلاما جىبەرەدى.

9-قادام. قىزمەتتەردى جەتكىزۋشىلەرمەن جانە سەرۆيستىك قىزمەت سۋبەكتىلەرىمەن شارتتار جاساۋ. ميب ءتوراعاسىنا مەملەكەتتىك تىركەۋ تۋرالى كۋالىكتى جانە قابىلداۋ-تاپسىرۋ اكتىسىن ۇسىنادى

10-قادام. ءوز ۇيلەرىن قامقورلىقپەن جانە جاۋاپكەرشىلىكپەن باسقارۋ.