قالانىڭ 7 نەگىزگى بازارىندا الەۋمەتتىك دۇكەندەر جۇمىس ىستەيدى.
ءامات باعاسىن تۇراقتاندىرۋ بويىنشا جۇمىس ەرەكشە باقىلاۋدا، دەپ حابارلايدى Almaty-akshamy.kz
«اينالىم» قارىزدارى اياسىندا «ماگنۋم» جانە «تويمارت» ساۋدا جەلىلەرىنە، «الساد» جۇمىرتقا ءوندىرۋ زاۋىتىنا، «اسىل ەت» سيىر ەتىن وندىرۋشىلەرگە جەڭىلدىكتى قارىزدار بەرىلدى، ولاردىڭ سورەلەرىندە ءامات-تىڭ 19 اتاۋىنا 36،5 مىڭ توننا كولەمىندە باعا بەلگىلەۋ جۇرگىزىلەدى. قازىرگى ۋاقىتتا «تويمارت» ساۋدا جەلىسىمەن قارىز شارتىن ۇزارتۋ پىسىقتالۋدا.
بۇدان بولەك، ماۋسىمارالىق كەزەڭدە باعانى تۇراقتاندىرۋ ءۇشىن 2021 جىلعى قىركۇيەكتەن 2022 جىلعى ساۋىرگە دەيىن فورۆاردتىق ساتىپ الۋ شەڭبەرىندە «ماگنۋم» ساۋدا جەلىسىندە 22 مىڭ توننا كوكونىس ساتۋ جۇرگىزىلۋدە. «تويمارت» جەلىسىندە اعىمداعى جىلدىڭ 30 ساۋىرىنە دەيىن 380 توننا كارتوپ، سونداي-اق 300 توننا پياز بەلگىلەنگەن باعامەن ساتىلادى.
قالانىڭ 7 نەگىزگى بازارىندا («كوك بازار»، «جاڭا اقبۇلاق» كوتەرمە ساۋدا كەشەنى، «سارى-ارقا»، «تاستاق»، «تاۋسامالى»، «الماتى-1»، «تۇركسىب» جارمەڭكەسى) الەۋمەتتىك دۇكەندەر جۇمىس ىستەيدى، وندا ءامات-تىڭ 10 اتاۋى (كارتوپ، ءسابىز، پياز جانە قىرىققابات، قانت، قاراقۇمىق جارماسى، كۇنباعىس مايى، كۇرىش، ءمۇيىز، ۇن) تومەندەتىلگەن باعامەن ساتىلادى، بۇل ساتۋشىلار اراسىندا باسەكەلەستىك ورتا قالىپتاستىرادى.
كوكونىس الەۋمەتتىك دۇكەندەرىنىڭ ۇلگىسى بويىنشا 7 بازاردا («جۇلدىز»، «وربيتا»، «تاۋسامالى»، «ارىستان»، «تاستاق»، «بارىس-4»، «تۇركسىب جارمەڭكەسى») ەت دۇكەندەرى ىسكە قوسىلدى. بۇگىنگى تاڭدا حالىق تاراپىنان ەت ونىمدەرىنە سۇرانىستىڭ ارتۋى بايقالادى، سونىڭ ەسەبىنەن ەت دۇكەندەرىندە سيىر ەتىن ساتۋ كۇنىنە 1 توننادان 4 تونناعا دەيىن ءوستى.
قالانىڭ ساۋدا نۇكتەلەرىنە تومەن باعامەن سورەلەرگە تىكەلەي جەتكىزۋ ءۇشىن ءامات وندىرۋشىلەرىمەن 19 مەموراندۋم جاسالدى.
ءۇي جانىنداعى دۇكەندەر سورەلەرىندە ءونىم تاپشىلىعىن بولدىرماۋ، سونداي-اق باعانى تەجەۋ ماقساتىندا باكالەيا ونىمدەرىن (كۇرىش، كۇنباعىس مايى، 1-سۇرىپتى ۇن، قاراقۇمىق جارماسى، قانت) وندىرۋشىلەردەن تىكەلەي تومەن باعامەن جەتكىزۋ ۇيىمداستىرىلعان.
اپتا سايىن الماتى قالاسىنىڭ 5 اۋدانىندا (المالى، مەدەۋ، بوستاندىق، الاتاۋ، اۋەزوۆ) دەمالىس كۇندەرى ازىق-تۇلىك جارمەڭكەلەرى وتكىزىلەدى. وعان الماتى وبلىسىنىڭ جاقىن اۋداندارىنىڭ اۋىل شارۋاشىلىق تاۋار وندىرۋشىلەرى، سونداي-اق الماتى قالاسىنىڭ ازىق-تۇلىك كاسىپورىندارى قاتىسادى.
«الماتى قالاسى بويىنشا باسەكەلەستىكتى قورعاۋ جانە دامىتۋ دەپارتامەنتىمەن» بىرلەسىپ ءامات-قا ساۋدا ۇستەمەسىنىڭ 15% ساقتالۋىن باقىلاۋ بويىنشا جۇمىس جولعا قويىلدى.
مەملەكەت باسشىسىنىڭ تاپسىرماسى بويىنشا الماتى وبلىسىنىڭ اكىمدىگىمەن بىرلەسىپ «التىن وردا» كوتەرمە ساۋدا بازارىندا ءتارتىپ ورناتۋ جۇمىستارى جۇرگىزىلۋدە. وسى نارىقتا ءبىرقاتار دەلدالدىق سحەمالاردى الىپ تاستاۋ ناتيجەسىندە كوكونىس، ەت ونىمدەرى مەن جەمىستەر باعاسىنىڭ تومەندەۋى كۇتىلۋدە.
«التىن وردا» كوتەرمە ساۋدا بازارىندا جۇرگىزىلىپ جاتقان جۇمىستارعا ۇقساس، الماتى قالاسى اكىمىنىڭ تاپسىرماسى بويىنشا ازىق-تۇلىك تاۋارلارىنىڭ باعا بەلگىلەۋ تىزبەگى بويىنشا دەلدالدىق سحەمالاردى تەكسەرۋ جونىندەگى وڭىرلىك كوميسسيا قۇرىلدى، ول باعانى نەگىزسىز كوتەرۋ فاكتىلەرى انىقتالعان جاعدايدا ءتيىستى شارالار قابىلداي وتىرىپ، ساۋدا وبەكتىلەرىندە باعا بەلگىلەۋگە تەكسەرۋ جۇرگىزەتىن بولادى.
ءامات باعاسىن تۇراقتاندىرۋ بويىنشا جۇمىس ەرەكشە باقىلاۋدا.