19 قاڭتار كۇنى ساعات 16.15-تەن باستاپ الماتى قالاسىندا قار جاۋا باستادى.
20 قاڭتار ساعات 07.00-دەگى جاعداي بويىنشا، تاۋلى اۋدانداردا 20 سم-گە دەيىن، قالادا 6-8 سم قار جاۋدى، دەپ حابارلايدى Almaty-akshamy.kz
كوكتايعاق قۇبىلىستارىنىڭ الدىن الۋ ماقساتىندا قار جاۋا سالىسىمەن، جولدارعا كوكتايعاققا قارسى ماتەريالدار سەبىلەدى. 2077 توننا پايدالانىلدى.
تاۋلى جانە تاۋ بوكتەرىندەگى جەرلەردە قار كۇرەۋ جۇرگىزىلەدى. تروتۋارلاردى، جاياۋ جۇرگىنشىلەر ايماقتارىن، قوعامدىق كولىك ايالدامالارىن، كوپشىلىك پايدالاناتىن ورىنداردى تازالاۋ بويىنشا جۇمىستار ۇيىمداستىرىلدى.
تۇنگى ۋاقىتتا 208 قۇمشاشقىش جانە 338 جول جۇمىسشىسى شىعىپ، بارلىعى 535 بىرلىكتى قۇرادى. تاڭەرتەڭ 562 ارنايى تەحنيكا بىرلىگى، 160 قۇمشاشقىش جانە 1493 جول جۇمىسشىسى جۇمىلدىرىلدى.
اۋدان اكىمدىكتەرى مەن قالا اكىمدىگىندە قار تازالاۋ جۇمىستارىنىڭ ءوندىرىسىن باقىلاۋ بويىنشا تاۋلىك بويى كەزەكشىلىك ۇيىمداستىرىلدى.
"قازگيدرومەتتىڭ" بولجامى بويىنشا ارالاس جاۋىن-شاشىن تۇسكە تامان اياقتالادى دەپ كۇتىلۋدە. اۋا بۇگىن 20 قاڭتار كۇندىز +1، +3.