الماتى قالاسىنا لوكداۋن ەنگىزىلمەيدى

قالا كوروناۆيرۋسقا تويتارىس بەرۋگە تولىعىمەن دايىن. 

23 شىلدەدە «الماتى قالاسىنداعى سانيتارلىق-ەپيدەميولوگيالىق جاعداي جانە كۆي تارالۋىن تەجەۋ جونىندەگى جاڭا شەكتەۋ شارالارى» تاقىرىبىندا وتكەن ونلاين باسپاسوز-كونفەرەنسياسى بارسىندا قالانىڭ باس سانيتارلىق دارىگەرى جانداربەك بەكشين قالاعا شەكتەۋلەر ەنگىزىلمەيتىنىن ايتتى، دەپ حابارلايدى Almaty-akshamy.kz. 

الماتىداعى ەپيدەمولوگيالىق جاعداي كۇردەلەنە تۇسكەنىنە قاراماستان، قالاعا قاتاڭ شەكتەۋلەر ەنگىزىلمەيدى. ونىڭ سەبەبىن باس سانيتارلىق دارىگەر جانداربەك بەكشين مەديسينا سالاسىنىڭ كوروناۆيرۋس ىندەتىنە قارسى تۇرۋعا دايىندىعىمەن ءتۇسىندىردى. 

«بىلتىر ءبىزدىڭ دەنساۋلىق ساقتاۋ ينفراسترۋكتۋراسىنىڭ قۋاتتىلىعى تومەن بولعان. سول سەبەپتەن اۋرۋحانالارداعى توسەك-ورىنداردىڭ سانى دا از بولعان. ماسەلەن، وتكەن جىلى توسەك-ورىن ەكى مىڭنان اسپاعان بولسا، بيىل جەتى مىڭنان اسىپ وتىر. سەبەبى بيىل ءبىز دايىندىق جاساپ، توسەك-ورىنداردى كوبەيتتىك، ونىڭ سانى بۇگىنگى تاڭدا 7011-گە وسكەن، دارى-دارمەك ماسەلەسىن شەشتىك، جەكە قورعانىس قۇرالدارىمەن قامتاماسىز ەتۋ ماسەلەسى شەشىلدى. جەدەل مەديسينا كورسەتۋ  قىزمەتىنىڭ دە جۇمىس وزگەردى، دارىگەرلەردىڭ سانى كوبەيدى»،  – دەپ ءتۇسىندىردى جانداربەك بەكشين.

ەستەرىڭىزگە سالا كەتسەك، الماتىداعى ەپيداحۋالعا بايلانىستى قالانىن باس سانيتارلىق دارىگەرى ارناى قاۋلىعا قول قويعان بولاتىن. بۇل قاۋلى بوىنشا، Ashyq جوباسىنا قاتىسۋشى الەۋمەتتىك-ەكونوميكالىق نىساندار سانى ارتتىرۋعى قاجەت، ءبىراق جاپپاي شەكتەۋلەر بولمايدى.

تىكەلەي ەفيردى مىنا جەردەن كورۋگە بولادى.