بەتپەردە رەجيمىن بۇزعان ازاماتتار 87،510 تەڭگە كولەمىندە ايىپپۇل تولەيدى.
2021 جىلى 24 شىلدەدە الماتى قالالىق اكىمدىگى، پوليسيا دەپارتامەنتى جانە قالالىق اۆتوپارك وكىلدەرىنىڭ قوعامدىق كولىكتەردەگى كارانتيندىك شارالاردىڭ ساقتالۋى تۋرالى بىرلەسكەن جينالىسى ءوتتى، دەپ حابارلايدى Almaty-akshamy.kz.
ىشكى ىستەر مينيسترلىگىنىڭ رەسمي مالىمەتى بويىنشا، قوعامدىق كولىكتەردە بەتپەردە رەجيمىن ساقتاۋ بويىنشا مونيتورينگتىك توپتار جۇرگىزگەن تەكسەرۋلەردىڭ ناتيجەلەرى جاريالانىپ، تالقىلاندى.
جينالىس قورىتىندىسى بويىنشا اۆتوبۋس پاركتەرىنىڭ باسشىلارىنا جولاۋشىلاردى تاسىمالداۋ كەزىندە COVID-19 كوروناۆيرۋستىق ينفەكسياسىنىڭ تارالۋىنىڭ الدىن الۋ شارالارىن كۇشەيتۋ تاپسىرىلدى.
بۇگىندە كوروناۆيرۋستىق ينفەكسيانى جۇقتىرۋدىڭ نەگىزگى ورىندارى بازارلار، قوعامدىق كولىكتەر، مەيرامحانالار، كافەلەر، ساياباقتار، ساۋدا ورتالىقتارى جانە ازاماتتاردىڭ كوپ جينالاتىن ورىندارى بولىپ تابىلادى.قازىرگى ۋاقىتتا قوعامدىق كولىك جۇرگىزۋشىلەرى تاراپىنان جولاۋشىلاردىڭ شەكتەۋ شارالارىن ساقتاۋىن باقىلاۋ جەتكىلىكسىز.
رەسپۋبليكادا كوروناۆيرۋستىق ينفەكسيا بويىنشا ەپيدەميولوگيالىق جاعدايدىڭ ناشارلاۋىن، تۇرعىندار اراسىندا اۋرۋشاڭدىقتىڭ، ونىڭ ىشىندە مەكتەپ جاسىنداعى بالالار اۋرۋشاڭدىعىن ەسكەرە وتىرىپ، قاتاڭ شارالاردى ەنگىزۋ قاجەت:
– قوعامدىق كولىكتەردە جانە مەتروپوليتەندە اۆتوبۋس جۇرگىزۋشىلەرى ءتۇسىرۋ جانە وتىرعىزۋ كەزىندە جولاۋشىلارعا شەكتەۋ شارالارىن ساقتاۋ تۋرالى ەسكەرتۋ، الەۋمەتتىك اراقاشىقتىق پەن بەتپەردە رەجيمىنىڭ ساقتالۋىن باقىلاۋدى كۇشەيتۋ؛
– اۆتوپارك باسشىلارى اۆتوبۋستار مەن تروللەيبۋستاردىڭ كۇندەلىكتى سانيتارلىق تازالىعىن باقىلاۋى قاجەت؛
– ينفەكسيا ءقاۋپىن بارىنشا ازايتۋ ءۇشىن پەرسونالدىڭ دا، جولاۋشىلاردىڭ دا بەتپەردە رەجيمىن ساقتاۋىنا باقىلاۋشىلار ەنگىزۋ تۋرالى ماسەلەنى قاراستىرۋ كەرەك؛
– كارانتيندىك شارالاردى بۇزۋشىلار انىقتالعان جاعدايدا، ادامداردى اكىمشىلىك جاۋاپكەرشىلىككە تارتۋ ءۇشىن 102 نومىرىنە قوڭىراۋ شالۋ كەرەك.
بەتپەردە رەجيمىن بۇزعانى ءۇشىن ق ر اقبك-نىڭ 425-بابى بويىنشا 30 اەك (87،510 تەڭگە) مولشەرىندە ايىپپۇل قاراستىرىلعانىن ەسكەرۋ قاجەت.