ينۆەستيسيالار الەۋمەتتىك سالاعا، ونىڭ ىشىندە، دەنساۋلىق ساقتاۋدى، ءبىلىم بەرۋدى جانە جاپپاي سپورتتى دامىتۋعا بەلسەندى تۇردە تارتىلۋدا
الماتى قالاسىنىڭ نەگىزگى كاپيتالىنا ۇستىمىزدەگى جىلدىڭ قاڭتار-اقپان ايلارىندا 135،6 ملرد. تەڭگە ينۆەستيسيا تارتىلدى. ونىڭ ىشىندە 117،5 ملرد. تەڭگە - ىشكى، 18،1 ملرد. تەڭگە - سىرتقى ينۆەستيسيالار. بۇل تۋرالى الماتى قالاسىنىڭ كاسىپكەرلىك جانە ينۆەستيسيالار باسقارماسىنان ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ينۆەستيسيالار ءۇش كوزدەن: ينۆەستورلاردىڭ جەكە قاراجاتتارىنان – 95،6 ملرد. تەڭگە (70،5%)، قارىز قاراجاتتارىنان – 22،8 ملرد. تەڭگە (16،8%)، مەملەكەتتىك بيۋدجەتتەن – 17،1 ملن. تەڭگە (12،7%) تارتىلدى.
ينۆەستيسيانىڭ ايتارلىقتاي كولەمى جىلجىمايتىن مۇلىككە – 73،3 ملرد. تەڭگە (ۇلەسى – 59،8%)، كوتەرمە جانە بولشەك ساۋداعا – 11،2 ملرد. تەڭگە (ۇلەسى – 8،1%)، ونەركاسىپكە – 12،8 ملرد. تەڭگە (ۇلەسى – 8،9%) تارتىلدى.
قازىرگى ۋاقىتتا، ينۆەستيسيالار الەۋمەتتىك سالاعا، ونىڭ ىشىندە، دەنساۋلىق ساقتاۋدى، ءبىلىم بەرۋدى جانە جاپپاي سپورتتى دامىتۋعا بەلسەندى تۇردە تارتىلۋدا. اتاپ ايتقاندا، «بيزنەستىڭ جول كارتاسى-2025» مەملەكەتتىك باعدارلاماسى بويىنشا مەدەۋ اۋدانىنداعى جەكە مەديسينالىق ورتالىعى قۇرىلىسىنىڭ پايىزدىق مولشەرلەمەسىن سۋبسيديالاۋ قولداۋ تاپتى. جوباعا 3 ملرد. تەڭگەدەن استام ينۆەستيسيا سالىندى، ەمحانانىڭ اشىلۋى 2022 جىلعى ساۋىرگە جوسپارلانىپ وتىر.