الماتى قالاسىنىڭ توتەنشە جاعدايلار دەپارتامەنتى اتا-انالارعا بالالاردىڭ قاۋىپسىزدىگىن قامتاماسىز ەتۋ جانە تەرەزەدەن قۇلاپ كەتۋ سياقتى جازاتايىم وقيعالاردىڭ الدىن الۋ تۋرالى وتىنىشپەن جۇگىنەدى، دەپ حابارلايدى aqshamnews.kz.
وڭىرلىك كوممۋنيكاسيالار قىزمەتىنىڭ الاڭىندا الماتى قالاسى توتەنشە جاعدايلار دەپارتامەنتى باستىعىنىڭ ورىنباسارى جانە ازاماتتىق قورعاۋ پولكوۆنيگى چايزادا باعدات اعىمداعى جىلدىڭ باسىنان باستاپ رەسپۋبليكا بويىنشا بالالاردىڭ تەرەزەدەن قۇلاپ كەتۋ وقيعالارىنىڭ 150 – دەن استامى تىركەلگەنىن، ونىڭ ىشىندە الماتىدا اعىمداعى جىلدىڭ 8 ايىندا-11 جاعداي بولعانىن حابارلادى.
تەك 2024 جىلدىڭ تامىز ايىندا 112 جەلىسى بويىنشا تەرەزەدەن قۇلاۋدىڭ 6 جاعدايى تىركەلدى. بالالار جاراقاتتارمەن، سونىڭ ىشىندە اۋىر جاراقاتتارمەن اۋرۋحاناعا جاتقىزىلدى. «ابىروي بولعاندا، بالالار جازىلىپ، ۇيلەرىنە جىبەرىلدى»، - دەپ اتاپ ءوتتى چ. باعدات.
سونداي-اق، سپيكەردىڭ مالىمەتىنشە، 5 وقيعا - اتا-انالار مەن قامقورشىلاردىڭ بالالاردى قاراۋسىز قالدىرۋىنان، بىرەۋى - اتا-انانىڭ قىراعىلىق تانىتپاۋى سەبەبىنەن تۋىندادى. سوڭعى جاعدايدا، بالانىڭ 38 جاستاعى اكەسى تاڭەرتەڭ، وقيعا ورىن العان كەزدە، باسقا بولمەدە ۇيىقتاپ جاتقانىن ايتتى.
بۇل ستاتيستيكالىق اقپاراتتار تەك 112 نومىرىنە كەلىپ تۇسكەن قوڭىراۋلار نەگىزىندە عانا جيناقتالعانىن اتاپ وتكەن ءجون.
«سوڭى قايعىلى اياقتالىپ جاتاتىن جازاتايىم وقيعالاردىڭ نەگىزگى سەبەبى - بالالاردى قاراۋسىز قالدىرۋ جانە كوپ قاباتتى تۇرعىن ۇيلەردىڭ تەرەزەلەرىندە قورعانىس قۇرالدارىنىڭ بولماۋى»، - دەدى ول.
مۇنداي جازاتايىم وقيعالاردىڭ الدىن الۋ ءۇشىن تجد حالىقتى ب ا ق ارقىلى اقپاراتتاندىرۋ، سونداي-اق جادىنامالار تاراتا وتىرىپ، كوپپاتەرلى تۇرعىن ۇيلەردىڭ پاتەرلەرىن ارالاۋ جولىمەن پروفيلاكتيكالىق ءىس-شارالار جۇرگىزۋدە. بالالار قاۋىپسىزدىگىنە باعىتتالعان ۇگىتتىك ءىس-شارالار بارىسىندا قىزمەتكەرلەر ءوز قۇزىرەتى شەگىندە زاڭنامالىق قۇقىقتىق اكتىلەردى تۇسىندىرە وتىرىپ، «بالالاردىڭ تەرەزەدەن قۇلاۋى» تاقىرىبىنا 20 مىڭ جادىناما تاراتتى.
سونىمەن قاتار، تجد قىزمەتكەرلەرى «وزىڭنەن باستا» چەللەندجىن باستاپ، ءوز بالالارىنىڭ قاۋىپسىزدىگىن قامتاماسىز ەتۋ ءۇشىن پاتەرلەرىندەگى تەرەزەلەرگە قورعانىس جۇيەلەرىن قالاي ورناتاتىنىن كورسەتتى.
ايتا كەتۋ كەرەك، 2024 جىلدىڭ 29 ماۋسىمى مەن 19 شىلدەسى ارالىعىندا «ءقاۋىپسىز ءۇي» ايلىعى جاريالانعان بولاتىن. «جوبا اياسىندا تجد جانە ءورت ءسوندىرۋ قىزمەتىنىڭ قىزمەتكەرلەرى الماتى قالاسىنىڭ ۆولونتەرلىك ۇيىمدارىن تارتا وتىرىپ، كوپپاتەرلى ۇيلەردە ۇگىت-ناسيحات شارالارىن جۇرگىزدى»، - دەپ ءبولىستى پولكوۆنيك شايزادا.
ول مۇنداي ءىس-شارالاردى كوپپاتەرلى ۇيلەردىڭ پيك، ءميب-تىڭ قولداپ جاتقانىن ايتتى، ول ءۇشىن بالالارعا ارنالعان مۋلتفيلمدەردىڭ كەشكى كورسەتىلىمدەرى ۇيىمداستىرىلىپ، اتا-انالار مەن تۇرعىندارعا بالالارعا قىراعىلىق تانىتۋ كەرەكتىگىن ەسكە سالىپ، حاباردار ەتتى.
الماتى قالاسى تجد باستىعىنىڭ ورىنباسارى اتا-انالاردى بيىك ۇيلەردىڭ تەرەزەلەرىنەن بالالاردىڭ قۇلاۋىنىڭ قايعىلى جاعدايلارىن بولدىرماۋ ءۇشىن بارلىق مۇمكىن شارالاردى قابىلداۋعا شاقىردى. ول قاۋىپسىزدىك بويىنشا ۇسىنىستار مەن كەڭەستەردى ايتتى:
1. كىشكەنتاي بالالاردى جالعىز قالدىرماڭىز، ويتكەنى قۇلاۋ جاعدايلارىنىڭ كوپشىلىگى اتا-انالار بالالاردى قاراۋسىز قالدىرعان كەزدە بولادى.
2. بالانىڭ تەرەزەگە شىعۋنا جول بەرمەۋ ءۇشىن جيھازدىڭ بارلىق تۇرلەرىن تەرەزەلەردەن الىستاتىڭىز.
3. ەشقاشان موسكيت تورلارىنا سەنبەڭىز! ولار قۇلاۋدان قورعامايدى! كەرىسىنشە، موسكيت تورى قايعىلى جاعدايعا ىقپال ەتەدى، ويتكەنى بالا ءوزىن ءقاۋىپسىز سەزىنەدى جانە تەرەزەگە دە، وعان دا سۇيەنەدى. كوبىنەسە بالالار تورمەن بىرگە قۇلاپ كەتەدى.
4. بالاعا تەرەزەنى بىرنەشە سانتيمەتردەن ارتىق اشۋعا مۇمكىندىك بەرمەيتىن تەرەزەلەرگە ارنايى بەكىتكىشتەر ورناتىڭىز.
5. ەگەر ءسىز بالاڭىزعا تەرەزەدەن بىردەڭە كورسەتسەڭىز - ونى ءاردايىم مىقتاپ بەكىتىڭىز، بالانىڭ كەنەتتەن قوزعالۋىنا دايىن بولىڭىز، الاقانىڭىزدى قۇرعاق ۇستاڭىز، بالانى كيىمىنەن ۇستاماڭىز.
6. ەگەر سىزدە ءدال ءقازىر قۇلىپتاۋ نەمەسە ساقتاندىرۋ قۇرىلعىسىن ورناتۋ مۇمكىندىگى بولماسا، تەرەزە تۇتقاسىن وڭاي بۇراپ الىپ تاستاساڭىز بولادى، ول تۇتقانى قاجەتىنشە قولدانىپ، پايدالانعاننان كەيىن بىردەن الىپ تاستاڭىز.