ءماسليحاتتار - جەرگىلىكتى وكىلدى بيلىك ورگاندارى رەتىندە مەملەكەت پەن قوعام كوممۋنيكاسيالارىنىڭ جاڭا قۇرىلىمىنىڭ ماڭىزدى ەلەمەنتى.
الماتى وڭىرلىك كوممۋنيكاسيالار قىزمەتىنىڭ الاڭىندا الماتى قالاسى قوعامدىق كەڭەسىنىڭ ءتوراعاسى، الماتى قالاسى ءماسليحاتىنىڭ دەپۋتاتى، ەكونوميكا، قارجى، اكتيۆتەر، مەملەكەتتىك باسقارۋ مەن قوعامدىق قاۋىپسىزدىكتى دامىتۋ جونىندەگى تۇراقتى كوميسسيانىڭ مۇشەسى التىناي كوبەيەۆا جانە ونىڭ ارىپتەسى، الماتى قالاسى ءماسليحاتىنىڭ دەپۋتاتى، دەنساۋلىق ساقتاۋ، ءبىلىم بەرۋ جانە جۇمىسپەن قامتۋ جونىندەگى تۇراقتى كوميسسيانىڭ مۇشەسى تولەۋعالي تايتولەيەۆتىڭ قاتىسۋىمەن بريفينگ ءوتتى، دەپ حابارلايدى Almaty-akshamy.kz.
«مەملەكەت باسشىسى جولداۋدا قازاقستاننىڭ جەرگىلىكتى ءوزىن-وزى باسقارۋ جۇيەسىنە بىرتىندەپ كوشۋى تۋرالى مالىمدەدى. ءماسليحاتتار دا وسى جۇيەنىڭ نەگىزگى بۋىنى بولادى. مەملەكەت باسشىسىنىڭ پىكىرىنشە، تۇرعىندار بۇرىننان ءوز قالالارى، اۋداندارى، اۋىلدارى ءۇشىن جاۋاپكەرشىلىك الۋى كەرەك. ادامعا سەنىم ءبىلدىرىپ، قولىنا بيلىك بەرۋدەن قورىقپاۋ قاجەت»، - دەپ باستادى ا. كوبەيەۆا.
دەپۋتات كوبەيەۆا الماتى قوعامدىق كەڭەسىنىڭ بەكىتىلگەن جاڭا قۇرامى تۋرالى دا ايتتى، ونىڭ نەگىزى ۇەۇ مەن ب ا ق وكىلدەرىنەن تۇرادى. ونىڭ ايتۋىنشا، وندا ءبىلىم بەرۋ سالاسى وكىلدەرىنىڭ ۇلەسى ارتتى، سونداي-اق قۇرىلىمعا كوپ بالالى انالار كىردى.
«مامىر ايىندا قوعامدىق كەڭەستىڭ ءۇشىنشى قۇرامى قۇرىلدى. وعان 39 ادام كىردى. ەگەر پايىزدىق اراقاتىناستا ۇەۇ مەن ب ا ق ۇلەسى 51%-دى قۇراسا، مەملەكەتتىك ورگاندار ءۇش ادامدى قۇرايدى – بۇل 7%. بۇگىندە قوعامدىق باقىلاۋدىڭ ءتورت نىسانى بەكىتىلگەن. بۇل - قوعامدىق مونيتورينگ، قوعامدىق تىڭداۋلار، نورماتيۆتىك-قۇقىقتىق قۇجاتتاردى ساراپتاۋ جانە مەملەكەتتىك ورگانداردىڭ ەسەپتەرىن تىڭداۋ»، - دەدى ا. كوبەيەۆا.
ءقازىردىڭ وزىندە قوعامدىق كەڭەستىڭ، ءتورالقانىڭ، كوميسسيالاردىڭ 14 وتىرىسى وتكىزىلىپ، وندا 62 ماسەلە قارالدى. نورماتيۆتىك-قۇقىقتىق قۇجاتتار بويىنشا 17 قوعامدىق مونيتورينگ جانە 10 ساراپتاما جۇرگىزىلدى. كەڭەسكە الماتى قالاسىنىڭ تۇرعىندارىنان 120-دان استام ءوتىنىش كەلىپ ءتۇستى.
جۋرناليستەردىڭ سۇراقتارىنا جاۋاپ بەرە وتىرىپ، تولەۋعالي تايتولەيەۆ پرەزيدەنت مەملەكەت پەن جەرگىلىكتى ءوزىن-وزى باسقارۋ ينستيتۋتتارى فۋنكسيالارىنىڭ ءتيىمدى اراجىگىن اجىراتۋ قاجەتتىگىن اتاپ ءوتتى. ول وسىعان بايلانىستى الماتى ءماسليحاتىنىڭ جۇمىسىندا قانداي وزگەرىستەر كۇتىلىپ وتىرعانىن ايتتى.
«قازىرگى ۋاقىتتا زاڭناماعا مەملەكەت باسشىسى بالامالى نەگىزدە ۇسىنعان ءماسليحات دەپۋتاتتارىنىڭ قالا اكىمى لاۋازىمىنا كەمىندە ەكى كانديداتقا داۋىس بەرۋ قۇقىعىن رەتتەيتىن وزگەرىستەر ەنگىزىلدى. ەندى پرەزيدەنت ءماسليحاتتاعى پىكىرلەردى ەسكەرە وتىرىپ، وبلىستار مەن رەسپۋبليكالىق ماڭىزى بار قالالاردىڭ اكىمدەرىن تاعايىندايدى»، - دەدى ت. تايتۋلەيەۆ.
اتقارۋشى بيلىك تارماعىن اۋىستىرۋ جونىندەگى وسى جاڭاشىلدىقتاردىڭ بارلىعى جوعارى ساياسي مادەنيەتى بار جاڭا قازاقستاندى قۇرۋعا باعىتتالعان.
سونداي-اق، تولەۋعالي تايتولەيەۆ جەرگىلىكتى وكىلدى ورگانداردىڭ جۇمىسى بۇكىلحالىقتىق رەفەرەندۋم ناتيجەلەرى بويىنشا قابىلدانعان كونستيتۋسيالىق رەفورمالار شەڭبەرىندە ءبىرقاتار باعىتتار بويىنشا جاقسارتىلاتىنىن حابارلادى. اتاپ ايتقاندا، ءماسليحاتتاردىڭ دەربەستىگىن جانە ولاردىڭ جۇمىسىنىڭ تيىمدىلىگىن ارتتىرۋ ماقساتىندا حالىق مۇددەسى ءۇشىن ءماسليحات ءتوراعاسى لاۋازىمى ەنگىزىلەتىن بولادى.
«ءبىرقاتار وزگەرىستەردە ءماسليحات دەپۋتاتتارىنىڭ 50%-ى ازاماتتاردىڭ تىكەلەي داۋىس بەرۋىمەن سايلاناتىن بولادى. بۇل دەپۋتاتتاردىڭ جاۋاپكەرشىلىگىن ايتارلىقتاي ارتتىراتىنىنا كۇمان جوق. بۇل وزگەرىستەر كونستيتۋسيالىق رەفورمالار شەڭبەرىندە ىسكە اسىرىلاتىن بولادى. وسىلايشا ساياسي پارتيالار اراسىندا باسەكەلەستىك كۇشەيەدى دەپ ويلايمىن»، - دەدى ت. تايتۋلەيەۆ.
دەپۋتات «الماتىنىڭ ەرەكشە مارتەبەسى تۋرالى» زاڭعا وزگەرىستەر ەنگىزۋ اياسىندا ءماسليحاتتارعا قانداي وكىلەتتىكتەر بەرىلگەنىن ايتىپ بەردى. مىسالى، بۇدان بىلاي ءماسليحاتقا بۇرىن-سوڭدى بولماعان وكىلەتتىك بەرىلگەن. بۇل - الماتى قالاسىنىڭ قالا قۇرىلىسى كودەكسىن بەكىتۋ، جىلجىمايتىن مۇلىكتى تىركەۋ ماسەلەلەرىن قاراۋ ءۇشىن كوميسسيا قۇرۋ، ونىڭ قۇرامى مەن ەرەجەسىن بەكىتۋ، الماتى قالاسىندا سىرتقى جارىقتاندىرۋ جۇيەلەرىن پايدالانۋ قاعيداتتارىن بەكىتۋ جانە باسقالار.