- «الماتى مەملەكەتتىك پوليتەحنيكالىق كوللەدجى» مكقك ديرەكتورى، لاۋازىمدىق اقىسى شتات كەستەسىنە سايكەس. زاڭدى مەكەنجايى: تاستاق-1 ى/ا، 1ۆ. تەل.: 393-41-91، 393-39-52.
- «الماتى قۇرىلىس-تەحنيكالىق كوللەدجى» مكقك ديرەكتورى، لاۋازىمدىق اقىسى شتات كەستەسىنە سايكەس. زاڭدى مەكەنجايى: ساين كوشەسى، 32. تەل.: 268-00-08.
- «الماتى ءسان جانە ديزاين كوللەدجى» مكقك ديرەكتورى، لاۋازىمدىق اقىسى شتات كەستەسىنە سايكەس. زاڭدى مەكەنجايى: رايىمبەك داڭعىلى، 174. تەل.: 233-43-25.
كانديداتقا قويىلاتىن بىلىكتىلىك تالاپتارى: ءتيىستى بەيىن بويىنشا جوعارى (جوعارى وقۋ ورنىنان كەيىنگى) پەداگوگيكالىق ءبىلىم نەمەسە وزگە دە كاسىپتىك ءبىلىم نەمەسە پەداگوگيكالىق قايتا دايارلاۋدى راستايتىن قۇجات؛ ءبىلىم بەرۋ سالاسىنداعى پەداگوگيكالىق جۇمىس ءوتىلى سوڭعى بەس جىلدان كەم ەمەس، ونىڭ ىشىندە تەحنيكالىق جانە كاسىپتىك، ورتا بىلىمنەن كەيىنگى ءبىلىم بەرۋ ۇيىمى باسشىسىنىڭ ورىنباسارى لاۋازىمىنداعى جۇمىس ءوتىلى ءبىر جىلدان كەم ەمەس نەمەسە ءتيىستى بەيىن بويىنشا؛ پەداگوگتىڭ ءبىرىنشى نەمەسە جوعارى بىلىكتىلىك ساناتىنىڭ، پەداگوگ-ساراپشىنىڭ نەمەسە پەداگوگ-زەرتتەۋشىنىڭ نەمەسە پەداگوگ-شەبەردىڭ بىلىكتىلىك ساناتىنىڭ بولۋى (مەملەكەتتىك قىزمەتشىلەردى، پەداگوگيكالىق ءوتىلى كەمىندە بەس جىل جوعارى وقۋ ورىندارى وقىتۋشىلارىنىڭ قىزمەتكەرلەرىن، ادىستەمەلىك كابينەتتەر (ورتالىقتار) ادىسكەرلەرىن، بىلىكتىلىكتى ارتتىرۋ جۇيەسىن، وندىرىستەن وتكەن تۇلعالاردى قوسپاعاندا).
لاۋازىمدىق مىندەتتەرى: قازاقستان رەسپۋبليكاسىنىڭ زاڭناماسىنا جانە ءبىلىم بەرۋ ۇيىمىنىڭ جارعىسىنا سايكەس وقۋ-ادىستەمەلىك، عىلىمي-ادىستەمەلىك، اكىمشىلىك-شارۋاشىلىق جانە قارجى-ەكونوميكالىق قىزمەتىنە باسشىلىق جاسايدى.
وقۋ جۇمىس جوسپارلارى مەن باعدارلامالارىن، وقۋ پروسەسىنىڭ كەستەسىن، ىشكى ءتارتىپ ەرەجەسىن بەكىتەدى.
ءبىلىم بەرۋ ۇيىمىنىڭ باسقارۋ قۇرىلىمىن، شتاتتىق كەستەسىن، قىزمەتكەرلەرىنىڭ لاۋازىمدىق نۇسقاۋلىقتارىن بەكىتەدى.
ءبىلىم الۋشىلاردىڭ كونتينگەنتىن قالىپتاستىرادى، ولاردىڭ الەۋمەتتىك قورعالۋىن قامتاماسىز ەتەدى.
تەحنيكالىق جانە كاسىپتىك ءبىلىم بەرۋ ۇيىمدارىندا قوعامدىق تاماقتاندىرۋ، مەديسينالىق قىزمەت كورسەتۋ ۇيىمدارىنىڭ جۇمىس ىستەۋ جانە ولاردىڭ جۇمىسىنا باقىلاۋدى ۇيىمداستىرۋ ءۇشىن قاجەتتى جاعدايلارمەن قامتاماسىز ەتەدى.
جۇمىس بەرۋشىلەرمەن جانە الەۋمەتتىك ارىپتەستەرمەن جۇرگىزىلەتىن جۇمىستى ۇيلەستىرەدى.
قولدا بار مۇلىكتەر مەن قۇرالدارعا بيلىك جۇرگىزەدى، وقۋ-ماتەريالدىق بازانى تولتىرۋدى جانە ونىڭ ەسەبى مەن ساقتالۋىن، سانيتارلىق-گيگيەنالىق ەرەجەلەر ءتارتىبىنىڭ ساقتالۋىن قامتاماسىز ەتەدى.
ماتەريالدىق-تەحنيكالىق بازانى قايتا جاراقتاۋدى جانە قايتا قۇرۋدى ۇيىمداستىرادى.
پەداگوگيكالىق كەڭەستىڭ جۇمىسىن باسقارادى.
ءبىلىم بەرۋ ۇيىمىنىڭ وقىتۋ قىزمەتىنىڭ سالاسىن دۇرىس ۇستاۋ جانە كەڭەيتۋ ماقساتىندا يننوۆاسيالىق ءبىلىم تەحنولوگيالارىن ەنگىزۋدى جانە تارتۋدى قامتاماسىز ەتەدى.
كادرلاردى ىرىكتەۋ مەن ورنالاستىرۋدى جۇزەگە اسىرادى، پەداگوگيكالىق جانە تاربيە پروسەسىنىڭ قاجەتتى دەڭگەيىن قامتاماسىز ەتەدى، ولاردىڭ بىلىكتىلىگى مەن كاسىبي شەبەرلىگىن ارتتىرۋ ءۇشىن جاعداي جاسايدى.
ۇزدىكسىز كاسىپتىك وقىتۋ جونىندە ءبىلىم بەرۋ ۇيىمدارىمەن بىرلەسكەن جۇمىس بويىنشا جالپى باسشىلىقتى جۇزەگە اسىرادى.
جۇرتشىلىقپەن بايلانىستى قامتاماسىز ەتەدى، اتا-انالارمەن (ولاردىڭ ورنىن باسۋشى ادامدارمەن) جۇرگىزىلەتىن جۇمىستى ۇيلەستىرەدى.
جوعارى تۇرعان، قوعامدىق جانە وزگە دە ۇيىمداردا ءبىلىم بەرۋ ۇيىمىنىڭ مۇددەسىن بىلدىرەدى.
الەۋمەتتىك سەرىكتەستىك جانە حالىقارالىق ىنتىماقتاستىقتى كەڭەيتۋ جونىندەگى شارالاردى جۇزەگە اسىرادى.
ۋاكىلەتتى ورگانعا (قۇرىلتايشىعا) وقۋ، عىلىمي جانە قارجىلىق قىزمەت ناتيجەلەرى تۋرالى جىل سايىنعى ەسەپتى ۇسىنادى.
ەڭبەكتى قورعاۋ، تەحنيكالىق قاۋىپسىزدىك جونىندەگى زاڭنامالىق جانە وزگە دە نورماتيۆتىك قۇقىقتىق اكتىلەر تالاپتارىن ورىنداۋدى قامتاماسىز ەتەدى جانە ءقاۋىپسىز ەڭبەك ەتۋگە جاعداي جاسايدى.
بىلىكتىلىك ساناتتارىن بەرۋ (راستاۋ) كەزىندە قويىلاتىن تەحنيكالىق جانە كاسىپتىك، ورتا بىلىمنەن كەيىنگى ءبىلىم بەرۋ ۇيىمدارىنىڭ باسشىلارى مەن باسشىلارى ورىنباسارلارىنىڭ تيىمدىلىك كورسەتكىشتەرىنە سايكەس كەلەدى.
لاۋازىمدىق جالاقى مولشەرى جۇمىس وتىلىنە بايلانىستى 101.404 تەڭگەدەن 122.994 تەڭگەگە دەيىن.
كونكۋرس قازاقستان رەسپۋبليكاسى ءبىلىم جانە عىلىم ءمينيسترىنىڭ 2012 جىلعى 21 اقپانداعى №57 «مەملەكەتتىك ورتا، تەحنيكالىق جانە كاسىپتىك، ورتا بىلىمنەن كەيىنگى ءبىلىم بەرۋ ۇيىمدارىنىڭ باسشىلارىن كونكۋرستىق ورنالاستىرۋ جانە مەملەكەتتىك مەكتەپكە دەيىنگى، ورتا، تەحنيكالىق جانە كاسىپتىك، ورتا بىلىمنەن كەيىنگى جانە قوسىمشا ءبىلىم بەرۋ ۇيىمىنىڭ باسشىسى لاۋازىمىنا كونكۋرستىق تاعايىنداۋ قاعيدالارىن بەكىتۋ تۋرالى» بۇيرىعى نەگىزىندە وتكىزىلەدى (ءارى قاراي – قاعيدا) (قاعيدا جاڭا رەداكسيادا – ق ر ءبىلىم جانە عىلىم ءمينيسترىنىڭ 21.05.2020 ج №213).
كونكۋرسقا قاتىسۋعا وتىنىمدەردى بەرۋ بۇقارالىق اقپارات قۇرالدارىنىڭ رەسمي باسىلىمدارىندا («الماتى اقشامى»، «ۆەچەرنيي الماتى» گازەتىندە) جانە الماتى قالاسى ءبىلىم باسقارماسىنىڭ edualmaty.kz. سايتىندا كونكۋرس وتكىزۋ تۋرالى حابارلاندىرۋ جاريالانعان ساتتەن باستاپ 7 جۇمىس كۇنى ىشىندە جۇزەگە اسىرىلادى.
كونكۋرستى وتكىزۋ مەرزىمى جوعارىدا كورسەتىلگەن قاعيداعا سايكەس بەلگىلەنەدى.
كونكۋرس ونلاين رەجيمدە الماتى قالاسى، رەسپۋبليكا الاڭى، 4 مەكەنجايىندا وتكىزىلەدى.
كونكۋرسقا قاتىسۋ ءۇشىن قاجەتتى قۇجاتتاردى كەلەسى مەكەنجايعا تاپسىرۋ كەرەك: مەملەكەتتىك كورپوراسياعا (ازاماتتارعا ارنالعان ۇكىمەت) نە 050001، الماتى قالاسى، رەسپۋبليكا الاڭى، 4، الماتى قالاسى ءبىلىم باسقارماسى.
«الماتى قالاسى ءبىلىم باسقارماسى» كمم نە مەملەكەتتىك كورپوراسيا (ازاماتتارعا ارنالعان ۇكىمەت) لاۋازىمعا ورنالاستىرۋ ءۇشىن مىنانداي قۇجاتتاردى قابىلداۋدى جۇزەگە اسىرادى:
1) وسى قاعيدالارعا 3-قوسىمشاعا سايكەس نىسان بويىنشا ءوتىنىش؛
2) جەكە باسىن كۋالاندىراتىن قۇجات (سايكەستەندىرۋ ءۇشىن)؛
3) ءبىلىم تۋرالى مەملەكەتتىك ۇلگىدەگى قۇجاتتىڭ كوشىرمەسى؛
4) ەڭبەك قىزمەتىن راستايتىن قۇجاتتىڭ كوشىرمەسى؛
5) كادرلاردى ەسەپكە الۋ جەكە پاراعى جانە فوتو؛
6) الدىڭعى جۇمىس ورنىنان وندىرىستىك مىنەزدەمە؛
7) قولدانىستاعى بىلىكتىلىك ساناتى جانە عىلىمي دارەجەسى تۋرالى قۇجاتتىڭ كوشىرمەسى (بولعان جاعدايدا)؛
8) قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2010 جىلعى 23 قاراشاداعى №907 «دەنساۋلىق ساقتاۋ ۇيىمدارىنىڭ العاشقى مەديسينالىق قۇجاتتاما نىساندارىن بەكىتۋ تۋرالى» بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №6697 بولىپ تىركەلگەن) بەكىتىلگەن نىسان بويىنشا دەنساۋلىق جاعدايى تۋرالى انىقتاما؛
9) سوتتىلىعىنىڭ جوق ەكەندىگى تۋرالى انىقتاما؛
10) سىبايلاس جەمقورلىق سيپاتىندا قىلمىس جاساعانى تۋرالى مالىمەتتىڭ بولۋى نە بولماۋى تۋرالى انىقتاما؛
11) تەستىلەۋدەن وتكەنى تۋرالى قۇجات (بولعان جاعدايدا)؛
12) بىلىكتىلىكتى ارتتىرۋ، قايتا دايارلاۋ كۋرستارىنان وتكەنى تۋرالى قۇجات (بولعان جاعدايدا)؛
13) ءبىلىم بەرۋدەگى مەنەدجمەنت بويىنشا جەتپىس ەكى ساعاتتان كەم ەمەس بىلىكتىلىكتى ارتتىرۋ كۋرستارىنان وتكەنىن راستايتىن قۇجات؛
14) ءبىلىم بەرۋ ۇيىمىن دامىتۋدىڭ پەرسپەكتيۆالىق جوسپارى.
3)، 4)، 5)، 6)، 7) تارماقشالاردا كورسەتىلگەن قۇجاتتاردى جۇمىس ورنىنان كادر قىزمەتى نەمەسە ءبىلىم بەرۋ ۇيىمىنىڭ جاۋاپتى قىزمەتكەرى مورمەن راستايدى.
كونكۋرسقا قاتىسۋ ءۇشىن كانديدات ءبىلىم بەرۋدى باسقارۋ ورگانىنىڭ قاراۋىنا ونىڭ كاسىبي جەتىستىكتەرى، بىلىكتىلىگىن ارتتىرۋ، عىلىمي زەرتتەۋلەر، ءوزىنىڭ پەداگوگيكالىق تاجىريبەسىن جيناقتاۋ، ناگرادالارى تۋرالى ماتەريالداردى، تيىمدىلىك كورسەتكىشتەرىنە قول جەتكىزۋ تۋرالى اقپاراتتى ۇسىنادى.
قازاقستان رەسپۋبليكاسى «پەداگوگ مارتەبەسى تۋرالى» زاڭىنىڭ 11-بابىندا كورسەتىلگەن ادامدار كونكۋرسقا قاتىسۋعا جىبەرىلمەيدى.
اقپاراتتى ناقتىلاۋ ءۇشىن بايلانىس تەلەفوندارى، ەلەكتروندىق مەكەنجايلارى: 8(727)2622751، 8(727)2716627؛ فاكس: 8(727)2716509. ەلەكتروندىق ادرەس: u.edu@almaty.gov.kz.
كوللەدج ديرەكتورلارىن كونكۋرستىق ورنالاستىرۋ ءبىرقاتار دايەكتى كەزەڭدەردەن تۇرادى:
- كونكۋرسقا قاتىسۋعا نيەت بىلدىرگەن ادامداردان قۇجاتتاردى قابىلداۋ؛
- كونكۋرسقا قاتىسۋشىلاردىڭ بىلىكتىلىگىن باعالاۋ؛
- زاڭنامانى جانە پەداگوگيكا، پسيحولوگيا نەگىزدەرىن ءبىلۋ ءۇشىن تەستىلەۋ (تەستىلەۋدەن وتكەنى تۋرالى انىقتاما بولعان جاعدايدا تالاپ ەتىلمەيدى)؛
- كانديداتتاردى مەملەكەتتىك ءبىلىم بەرۋ ۇيىمىنىڭ قامقورشىلىق كەڭەسىمەن (بۇدان ءارى – قامقورشىلىق كەڭەس) كەلىسۋ؛
- ءبىلىم بەرۋدى باسقارۋ ورگانىنىڭ كونكۋرستىق كوميسسياسىنىڭ وتىرىسىندا اڭگىمەلەسۋ.
كانديداتتار 1995 جىلعى 30 تامىزداعى قازاقستان رەسپۋبليكاسىنىڭ كونستيتۋسياسىن، 2015 جىلعى 23 قاراشاداعى قازاقستان رەسپۋبليكاسىنىڭ ەڭبەك كودەكسىن، 2007 جىلعى 27 شىلدەدەگى قازاقستان رەسپۋبليكاسىنىڭ «ءبىلىم تۋرالى» زاڭىن، 2015 جىلعى 18 قاراشاداعى قازاقستان رەسپۋبليكاسىنىڭ «سىبايلاس جەمقورلىققا قارسى ءىس-قيمىل تۋرالى» زاڭىن، 2019 جىلعى 27 جەلتوقسانداعى قازاقستان رەسپۋبليكاسىنىڭ «پەداگوگ مارتەبەسى تۋرالى» زاڭىن جانە پەداگوگيكا، پسيحولوگيا نەگىزدەرىن بىلۋگە ارنالعان تەستىلەۋدەن وتەدى.
تەستىلەۋدەن ءوتۋ كەزىندە كانديدات 120 سۇراققا جاۋاپ بەرۋى قاجەت:
نورماتيۆتىك قۇقىقتىق اكتىلەر بويىنشا – 100 سۇراق؛
پەداگوگيكا جانە پسيحولوگيا نەگىزدەرى بويىنشا – 20 سۇراق.
تەستىلەۋدەن ءوتۋ ءۇشىن شەكتى دەڭگەي ءار باعىت بويىنشا 50%-دى قۇرايدى.
تەستىلەۋ 2021 جىلى 29 قىركۇيەكتە وتكىزىلەدى.
اڭگىمەلەسۋگە جىبەرىلگەن كانديداتتاردىڭ ءتىزىمى الماتى قالاسى ءبىلىم باسقارماسىنىڭ سايتىندا جاريالانادى.
كانديداتتار اڭگىمەلەسۋگە جىبەرىلگەندىگى تۋرالى حابارلاما العان ساتتەن باستاپ 3 جۇمىس كۇنى ىشىندە الماتى قالاسى ءبىلىم باسقارماسىندا ونلاين رەجيمدە اڭگىمەلەسۋدەن وتەدى.
كونكۋرس ناتيجەلەرىنە كونكۋرسقا قاتىسۋشىلار زاڭنامادا بەلگىلەنگەن تارتىپپەن شاعىمدانا الادى.