الماتى قالاسى اكىمدىگىندە ا.نۇكەنوۆتىڭ توراعالىعىمەن بالالار مەن جاسوسپىرىمدەردىڭ قاۋىپسىزدىگىن قامتاماسىز ەتۋ جونىندە ۆەدومستۆوارالىق كەڭەس ءوتتى.
جۇمىسقا اۋدان اكىمدەرىنىڭ يدەولوگيالىق جۇمىس جونىندەگى ورىنباسارلارى، سالالىق باسقارمالاردىڭ باسشىلارى، ۆەدومستۆولىق باعىنىستى ۇيىمداردىڭ جانە الماتى قالاسى پوليسيا دەپارتامەنتىنىڭ قىزمەتكەرلەرى قاتىستى. كەزدەسۋ بارىسىندا ۆەدومستۆوارالىق ءوزارا ارەكەتتەستىك، بالالاردىڭ قاۋىپسىزدىك جاعدايىن باقىلاۋ، توتەنشە جاعدايلارعا جەدەل ارەكەت ەتۋ، كەشەندى قولداۋ جانە قىزمەت كورسەتۋ ماسەلەلەرى تالقىلاندى. اسىرەسە، پسيحولوگيالىق قىزمەتتەردىڭ جۇمىسىن جەتىلدىرۋگە، اتا-انالارمەن ارنايى باعىتتالعان جۇمىس جۇرگىزۋگە، ادىستەمەلىك ماتەريالدار ازىرلەۋگە جانە ءپروفيلدى مامانداردىڭ بىلىكتىلىگىن ارتتىرۋعا باسا نازار اۋدارىلدى.
سونىمەن قاتار، قاۋىپ-قاتەرلەردى ەرتە انىقتاۋ جۇيەسىن قۇرۋ مەحانيزمدەرى، جاعدايدى باقىلاۋ مەن قابىلدانعان شارالاردىڭ تيىمدىلىگىن باعالاۋ ءۇشىن سيفرلىق جانە اناليتيكالىق قۇرالداردى ەنگىزۋ ماسەلەلەرى قارالدى.
كەڭەس قورىتىندىسى بويىنشا ءتيىستى باسقارمالار مەن اۋدان اكىمدىكتەرىنە بالالار مەن جاسوسپىرىمدەردىڭ قۇقىعى مەن زاڭدى مۇددەسىن قورعاۋ، كەشەندى قولداۋ ۇيىمداستىرۋ جانە پروفيلاكتيكالىق شارالاردى كۇشەيتۋ بويىنشا ناقتى تاپسىرمالار بەرىلدى.