الماتى قالالىق سوتىندا جاڭادان تاعايىندالعان سۋديالاردى تانىستىرۋ ءراسىمى ءوتتى

الماتى قالالىق سوتىندا جاڭادان تاعايىندالعان سۋديالاردى تانىستىرۋ ءراسىمى ءوتتى، دەپ حابارلايدى Almaty-akshamy.kz الماتى قالالىق سوتىنىڭ باسپا ءسوز كىزمەتىنە سىلتەمە جاساپ. قالالىق سوت ءتوراعاسىنىڭ مىندەتىن اتقارۋشى ناريمان بەكنازاروۆ سوت كورپۋسىنا اكىمشىلىك ىستەر جونىندەگى سوت القاسىنىڭ ءتوراعاسىن، اۋداندىق جانە ولارعا تەڭەستىرىلگەن سوتتاردىڭ ءتوراعالارى مەن سۋديالارىن تانىستىردى.
ق ر پرەزيدەنتىنىڭ 2022 جىلعى 11 شىلدەدەگى جارلىعىمەن الماتى قالالىق سوتىنىڭ اكىمشىلىك ىستەر جونىندەگى سوت القاسىنىڭ ءتوراعاسى قىزمەتىنە مەيىربەك بايگەلوۆ، قالالىق سوتتىڭ سۋدياسى قىزمەتىنە باقىتباي بۇرىمقۇلوۆ تاعايىندالدى.
اۋداندىق جانە ولارعا تەڭەستىرىلگەن سوتتار جاڭا سۋديا كادرلارىمەن تولىقتى. المالى اۋدانىنىڭ № 2 اۋداندىق سوتىنىڭ ءتوراعاسى بولىپ تالعات سادىقوۆ، تۇركسىب اۋداندىق سوتىنىڭ ءتوراعاسى بولىپ انار قاراشيەۆا، المالى اۋدانىنىڭ № 2 اۋداندىق سوتىنىڭ سۋدياسى بولىپ قانات سەمبەكوۆ، اكىمشىلىك قۇقىق بۇزۋشىلىق جونىندەگى مامانداندىرىلعان اۋدانارالىق سوتىنىڭ سۋدياسى بولىپ دينارا كۇزەتايەۆا تاعايىندالدى. 
بوستاندىق اۋداندىق سوتىنىڭ سۋديالارى بولىپ ايگەرىم تەلبايەۆا مەن لەي حاسەنوۆا، بوستاندىق اۋدانى № 2 اۋداندىق سوتىنىڭ سۋدياسى بولىپ ازامات ءابدىرايىموۆ، مامانداندىرىلعان اۋدانارالىق اكىمشىلىك سوتىنىڭ سۋدياسى بولىپ سالتانات بايكەتايەۆا، مەدەۋ اۋداندىق سوتىنىڭ سۋدياسى بولىپ ايناش امىربايەۆا، مەدەۋ اۋدانىنىڭ №2 اۋداندىق سوتىنىڭ سۋدياسى بولىپ جومارت مۇحامبەتجان تاعايىندالدى.
ن.بەكنازاروۆ ارىپتەستەرىن قۇتتىقتاي وتىرىپ ولارعا سوت تورەلىگىن جۇزەگە اسىرۋدا تابىستى جانە جەمىستى جۇمىس تىلەدى.