الماتىداعى شەنەۋنىككە قاتىستى شۋلى ۆيدەو تەكسەرىلىپ جاتىر
مەملەكەتتىك قىزمەت ىستەرى دەپارتامەنتى الماتى قالالىق قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى لاۋرا مىرزاعاليمەن بولعان اتىشۋلى ۆيدەوعا قاتىستى پىكىر ءبىلدىردى، دەپ حابارلايدى اlmaty-akshamy.kz
ۆەدومستۆونىڭ مالىمەتىنشە، الەۋمەتتىك جەلىدە تاراعان ۆيدەوعا قاتىستى تەكسەرۋ باستالدى.
«مەملەكەتتىك قىزمەت ىستەرى اگەنتتىگىنىڭ الماتى قالاسى بويىنشا دەپارتامەنتى الماتى قالاسى قوعامدىق دەنساۋلىق باسقارماسى باسشىسىنىڭ ورىنباسارى ل. مىرزاعاليگە قاتىستى ۆيدەونى زەرتتەپ جاتىر. دەپارتامەنت ءوز قۇزىرەتى شەڭبەرىندە ءتيىستى شارالار قابىلدايتىن بولادى»، - دەدى مەملەكەتتىك قىزمەت ىستەرى اگەنتتىگىنىڭ الماتى قالاسى بويىنشا دەپارتامەنتىندە.
بۇعان دەيىن الەۋمەتتىك جەلىلەردە الماتى قالالىق قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى قىزمەتكەرمەن سىياقى تۋرالى ءسوز تالاستىرعان ۆيدەو پايدا بولعان ەدى.
ۆيدەوعا قاتىستى الماتى قالالىق قوعامدىق دەنساۋلىق ساقتاۋ دەپارتامەنتىندە دە قىزمەتتىك تەكسەرۋ باستالدى.
«قازىرگى ۋاقىتتا ءمان-جايدى انىقتاۋ ماقساتىندا قىزمەتتىك تەكسەرۋ باستالدى، ونىڭ قورىتىندىسى بويىنشا ءتيىستى شەشىم قابىلدانادى»، - دەپ ءتۇسىندىردى قالالىق دەنساۋلىق ساقتاۋ باسقارماسىندا.
سونىمەن قاتار، الماتى اكىمىنىڭ باسپا ءسوز قىزمەتى لاۋرا مىرزاعالي قىزمەتىنەن ۋاقىتشا شەتتەتىلگەنىن ءمالىم ەتتى.