الماتىدا 19-20 قىركۇيەكتە سامبودان ىرىكتەۋ كەزەڭى ءوتتى.
وعان 17 كوماندادان قۇرالعان 97 سپورتشى قاتىستى. ولاردىڭ ىشىندە – ءبىر حالىقارالىق دارەجەدەگى سپورت شەبەرى، 8 سپورت شەبەرى جانە 37 سپورت شەبەرلىگىنە ۇمىتكەر بار، دەپ حابارلايدى aqshamnews.kz Polisia.kz-كە سىلتەمە جاساپ.
– سپورت ارقىلى جۇمىسىمىزدىڭ تيىمدىلىگىن ارتتىرۋ، ءتارتىپ پەن جاۋاپكەرشىلىك دەڭگەيىن ارتتىرۋ، قىزمەتكەرلەرىمىزدىڭ دەنساۋلىعىن جاقسارتۋ – ءبىرىنشى كەزەكتەگى مىندەت. جاسىراتىنى جوق، ىشكى ىستەر ورگاندارىنداعى قىزمەت پسيحوەموسيونالدى جانە فيزيكالىق بەلسەندىلىكپەن بايلانىستى. مۇنىڭ ءبارى قىزمەتكەرلەردەن زەيىندى، كوڭىل ءبولۋدى جانە جەدەل جاعدايداعى وزگەرىستەرگە تەز ارەكەت ەتۋدى تالاپ ەتەدى. سوندىقتان جەكە قۇرامدى دەنە شىنىقتىرۋ ساباقتارىنا بەلسەنە تارتۋ، سالاۋاتتى ءومىر سالتىن قالىپتاستىرۋ جانە قىزمەتتىك-قولدانبالى سپورتتى دامىتۋ وتە ماڭىزدى، – دەدى الماتى قالالىق پوليسيا دەپارتامەنتى باستىعىنىڭ ورىنباسارى ەرجان ۇزابايەۆ.
ءادىلقازىلار القاسىنىڭ شەشىمىمەن جقاج كومانداسى 1-ورىندى، پاترۋلدىك پوليسيا پولكىنىڭ قىزمەتكەرلەرى 2-ورىندى، المالى اۋداندىق پوليسيا باسقارماسىنىڭ كومانداسى 3-ورىندى يەلەندى. بارلىق جەڭىمپاز مەدالدارمەن جانە كۋبوكتارمەن ماراپاتتالدى. الماتى قالاسىسپورت