الماتى قالالىق ونكولوگيالىق ورتالىعىندا اشىق ەسىك كۇنى وتكىزىلەدى

2021 جىلعى 23 قازاندا الماتى قالالىق ونكولوگيالىق ورتالىعىندا ءسۇت بەزىنىڭ قاتەرلى ىسىگىن الدىن الا انىقتاۋ جانە ونىڭ الدىن الۋعا ارنالعان  اشىق ەسىك كۇنى وتكىزىلەدى، دەپ حابارلايدى almaty-akshamy.kz

قابىلداۋ پاپانين كوشەسى، 220، ليتەر ا مەكەنجايىندا جەتەكشى ماممولوگ-ونكولوگ مامانداردىڭ قاتىسۋىمەن ساع 09.00-13.00 ارالىعىندا جۇرگىزىلەدى. 

بارلىق ساۋالدارىڭىز بويىنشا 8(727)-312-24-74 تەلەفونى ارقىلى حابارلاسساڭىزدار بولادى. 

بۇگىنگى كۇنى ءسۇت بەزىنىڭ قاتەرلى ىسىگى قازاقستانداعى ونكولوگيالىق اۋرۋلاردىڭ كوپتەپ كەزدەسەتىن ءتۇرى بولىپ تابىلادى. اتالمىش اۋرۋ - ايەل قاۋىمعا ءتان اۋرۋدىڭ ءبىرى. 

ايتا كەتەتىن جايت، ءسۇت بەزىنىڭ قاتەرلى ىسىگى الماتى قالاسىندا ستاتيستيكا بويىنشا ءبىرىنشى ورىندا تۇر، ال، ولىمگە اكەلۋ سالدارى بويىنشا ەكىنشى ورىندا. 

الماتى قالاسىندا 9 ايدىڭ ىشىندە 514 ايەلدە ءسۇت بەزىنىڭ ىسىگى انىقتالعان. سول سەبەپتى، ءسۇت بەزىنىڭ قاتەرلى ىسىگىن ۋاقىتىندا انىقتاۋ ءۇشىن ماماندار  مامموگرافيا سكرينينگىنەن ءوتۋ تۋرالى كەڭەس بەرۋدە. 

ەلىمىزدە ءسۇت بەزىنىڭ قاتەرلى ىسىگى بويىنشا سكرينينگتەن ءوتۋ مۇمكىنشىلىگى ەكى جىلدا ءبىر رەت 40 جاستان 70 جاسقا دەيىنگى ايەلدەرگە قاراستىرىلعان. 

دارىگەرلەردىڭ ايتۋىنشا، الدىن الا دياگنوستيكالانعان ىسىكتى تولىعىمەن ەمدەۋگە بولادى. ال، اۋرۋدىڭ بەلگىسى كەش انىقتالعاندا، سوڭعى دەڭگەيدەگى اسقىنعان دەرتتىڭ تارالىپ كەتۋى مۇمكىن جانە ونى ەمدەۋ قيىنعا تۇسپەك. 

ءسىزدىڭ دەنساۋلىعىڭىز ءوز قولىڭىزدا!