الماتى قالاسى قاج دەپارتامەنتىنە قاراستى №11 مەكەمەسىنە الماتى قالالىق ادۆوكاتتار القاسىنىڭ مۇشەلەرى ۆيتكوۆسكايا سۆەتلانا ۆلاديميروۆنا، سەرگەيەۆا مارينا نيكولايەۆنا، قالىقوۆا دينارا سەرىك قىزى، ءامىرجانوۆ ارلان مارات ۇلى، قينايات ەراسىل دوسجان ۇلى كەلىپ، جازالى جاسوپىرىمدەرگە تەگىن كەڭەس بەردى.
ولار الماتى قالاسى ادۆوكاتتار القاسىنىڭ 2007 جىلدان باستاپ جۇمىس ىستەپ كەلە جاتقانىن اتاپ ءوتتى. ادۆوكاتتىق قىزمەت – ادۆوكاتتار جەكە جانە زاڭدى تۇلعالاردىڭ قۇقىقتارىن، بوستاندىقتارى مەن زاڭدى مۇددەلەرىن قورعاۋ جانە ولاردى ىسكە اسىرۋعا جاردەمدەسۋ ماقساتىن كوزدەيدى.
ءيا، ەلىمىزدەگى ادۆوكاتۋرا ادامنىڭ قۇقىقتارىن، بوستاندىعىن سوت ارقىلى قورعاۋعا جانە زاڭ كومەگiن الۋعا مەملەكەت كەپiلدiك بەرگەن جانە قازاقستان رەسپۋبليكاسىنىڭ كونستيتۋسياسىندا بەكىتىلگەن قۇقىقتارىن ىسكە اسىرۋعا جاردەمدەسۋگە، سونداي-اق داۋدى بەيبىت جولمەن رەتتەۋگە جاردەمدەسۋگە ارنالعان.
ءىس-شارا سوڭىندا جازالى جاسوسپىرىمدەر وزدەرىن مازالاپ جۇرگەن جەكە سۇراقتارىن ادۆوكاتتارعا قويىپ، جاۋاپتارىن الدى.
– الماتى قالالىق ادۆوكاتتار القاسى مۇشەلەرى جانە باسقا دا بالا قۇقىقتارىمەن اينالىساتىن مامان، ساراپشىلار ەلىمىزدەگى جالعىز بالالار كولونياسى بولعاندىقتان ءبىزدىڭ مەكەمەگە وسىلاي ءجيى كەلىپ، باس بوستاندىعىنان ايىرىلعان جاسوسپىرىمدەردىڭ جاعدايىمەن تانىسىپ، ولاردىڭ قۇقىقتارىنىڭ بۇزىلماۋىن قاداعالاپ، قاجەتتى كەڭەستەرىن بەرىپ وتىرادى، – دەيدى №11 مەكەمەسى ءسااپتجب باستىعى ادىلەت پودپولكوۆنيگى الما بازىلبايەۆا.