الماتى قالاسىنىڭ پروكۋراتۋراسى قۇنى 3 ملرد تەڭگە بولاتىن جەدەل مەديسينالىق كومەك كەشەنىن مەملەكەت تەڭگەرىمىنە قايتاردى.
بۇعان دەيىن الماتى قالاسى مامانداندىرىلعان اۋدانارالىق ەكونوميكالىق سوتىنىڭ 27.11.2023 جىلعى شەشىمىمەن، قالا پروكۋرورىنىڭ مەملەكەتتىك مۇلىكتى جەكە مەنشىككە بەرۋ جونىندەگى ارەكەتتەردى زاڭسىز دەپ تانۋ تۋرالى تالاپ-ارىزى قاناعاتتاندىرىلعانى حابارلانعان بولاتىن. سوت شەشىمى زاڭدى كۇشىنە ەندى، دەپ حابارلايدى Almaty-akshamy.kz الماتى ق. پروكۋراتۋراسىنا سىلتەمە جاساپ.
اۋدانى 3974 م2 جانە 50 سوتىق جەرى بار بۇل كەشەندى، الماتى قالاسىنىڭ بۇرىنعى اكىمى ۆ. حراپۋنوۆ جەكە قۇرىلىمدارعا زاڭسىز بەرگەن.
قازىرگى ۋاقىتتا جىلجىمايتىن مۇلىك، قالا اكىمىنىڭ 25.04.2024 جىلعى قاۋلىسىمەن جەدەل مەديسينالىق جاردەم قىزمەتىنىڭ تەڭگەرىمىنە بەرىلدى، قوسىمشا قوسالقى ستانسيا اشۋ جوسپارلانۋدا.