ايەلىنە ەكونوميكالىق زورلىق-زومبىلىق كورسەتتى دەپ ايىپتالعان ديپلومات ساكەن ماماش وزىنە تاعىلعان ايىپتارعا قاتىستى تۇسىنىكتەمە بەردى. ول ءوزىنىڭ وتباسىنا دەگەن قارىم-قاتىناسى تۋرالى اشىق ايتتى، دەپ حابارلايدى almaty-akshamy.kz
ماماشتىڭ ايتۋىنشا، جارى كارينا ماماشتىڭ قولىنا جاڭا iPhone ۇستاتىپ، ءوزى Samsung قولدانعان. ول جۇبايىنىڭ جاعدايىن جاساپ قانا قويماي، قايىن جۇرتىنا دا كومەكتەسىپ تۇرعانىن اتاپ ءوتتى. "قايىن اپكەمنىڭ وقۋ اقىسىن دا تولەپ بەردىم،" - دەيدى ديپلومات.
«زايىبىم كارينا مەنى ەكونوميكالىق زورلىق جاسادى دەپ ايىپتادى. ءبىراق مەن وتباسىمدا «سەن»، «مەن»، «سەنىكى»، «مەنىكى» دەمەدىم، تەك «ءبىز»، «بىزدىكى» دەپ ءجۇردىم. سەبەبى ءبىز ءبىرمىز»، - دەيدى ماماش.
ول كارينا ۇزاتىلعاندا، ەشقانداي ماتەريالدىق تالاپ قويماعانىن دا اتاپ ءوتتى.
ماماشتىڭ ايتۋىنشا، كارينا ابۋ-دابيدە جۇرگەندە ءوزىنىڭ كرەديت كارتاسىن قولدانعان، قاجەتتى زاتتارىن ساتىپ الىپ، سالوندارعا بارىپ تۇرعان. «ءۇيدىڭ ءار بولمەسىندە كوسمەتيكانىڭ ءتۇر-تۇرى ءۇيىلىپ جاتاتىن»، - دەيدى ول.
سونىمەن قاتار، كارينا مۋزىكامەن اۋەستەنىپ، جۇزدەگەن دوللارعا ولەڭ جازىپ، ءان شىعارعان. استانادا جۇرگەندە اقىلى اكتەرلىق كۋرستارعا بارىپ، ءوزىن اكتريسا سەزىنىپ جۇرگەن. اعىلشىن ءتىلى مەن اۆتو جۇرگىزۋ كۋرستارىنا دا بارعان.
«وتباسىمنان اقشانى ايامادىم. ۇيدە ءتورت ادام بولساق، جۇبايىمنىڭ كيىم-كەشەگى قالعان ۇشەۋىمىزدىكىنەن ەكى ەسە كوپ شىعار. ەلگە كوشىپ كەلەردە 15 قوراپتىڭ 8-9-ى كارينانىڭ كيىم-كەشەگى بولدى»، - دەيدى ماماش.
ساكەن ماماش ءوزىنىڭ دە، ايەلىنىڭ دە اكەسىز وسكەنىن اتاپ ءوتتى. «جۇبايىم كارينامەن ءسۇيىپ قوسىلدىم. اناسى جانارعا راحمەت، ءبىزدى قولداپ، قىزىن ۇزاتتى. ەكەۋمىز دە اكەسىز جەتىم وسكەنبىز، ەكى جارتى ءبىر ءبۇتىن بولدىق»، - دەيدى ول.
ماماش وتباسى ءبىرىنشى ورىندا ەكەنىن، جانۇياسىن اللانىڭ اماناتى دەپ قابىلداپ، ولاردىڭ بۇگىنى مەن ەرتەڭىنە بارلىق جاۋاپكەرشىلىكتى تولىق سەزىنەتىنىن ايتتى. «ۇلىم مەن قىزىم مەنىڭ ءومىرىمنىڭ ءمانى، جالعاسى، شەجىرەم ەمەس پە؟ ولاردى قازاقي تاربيەمەن، يمانعا جاقىن، ادال، ءبىلىمدى، مەيىرىمدى ەتىپ تاربيەلەۋدى ارماندادىم»، - دەپ تۇيىندەدى ول.