قازاقستاندا Telegram جانە ۆكونتاكتە پلاتفورمالارىندا جۇمىس ىستەيتىن تانىمال تانىسۋ بوتى "دايۆينچيك" بۇعاتتالماق، - دەپ حابارلايدى aqshamnews.kz ءتىلشىسى.
الماتى پروكۋراتۋراسى جاس شەكتەمەيتىن جانە كامەلەتكە تولماعانداردىڭ قاۋىپسىزدىگىنە قاتەر توندىرەتىن "دايۆينچيك تانىسۋ" اتتى Telegram-ارنانى انىقتاعان.
"پروكۋراتۋرا سوتقا بۇل رەسۋرستىڭ جۇمىس ىستەۋىن زاڭسىز دەپ تانۋ جانە ونىڭ قازاقستان اۋماعىنداعى قىزمەتىنە تىيىم سالۋ تۋرالى تالاپ-ارىز ەنگىزدى"، - دەپ جازىلعان حابارلامادا.
سونىمەن قاتار، كامەلەتكە تولماعان قىزعا قاتىستى قىلمىستىق ءىس سوتقا جولدانعان.
"تەرگەۋ ناتيجەسىندە كامەلەتكە تولماعان قىز 2025 جىلى ساۋىردە تانىسۋ سايتىنا تىركەلىپ، ءبىر ازاماتپەن تانىسىپ، كەيىن ول قىز بالاعا قاتىستى قۇقىققا قايشى ارەكەتتەر جاساعانى انىقتالدى"، - دەپ جازىلعان حابارلامادا.