الماتى قالاسىنىڭ پروكۋراتۋراسى كامەلەتكە تولماعانداردىڭ قۇقىقتارى مەن زاڭدى مۇددەلەرىن ساقتاۋعا ەرەكشە كوڭىل بولەدى.
2024 جىلدىڭ مامىرىندا پروكۋراتۋرانىڭ «جىبەك جولى» قايىرىمدىلىق مەكەمەلەرىنىڭ قاۋىمداستىعى زاڭدى تۇلعالار بىرلەستىگىنە 26 مەكەمەنىڭ مەملەكەتتىك تىركەۋىنىڭ كۇشىن جويۋ جانە تاراتۋ تۋرالى تالاپ-ارىزىن قاناعاتتاندىرۋ جونىندەگى شەشىمى زاڭدى كۇشىنە ەندى، دەپ حابارلايدى Almaty-akshamy.kz الماتى قالاسىنىڭ پروكۋراتۋراسىنا سىلتەمە جاساپ.
بۇرىن جۇرگiزiلگەن تەكسەرۋلەر، مەكەمەلەردiڭ جۇمىسى iس ءجۇزiندە ولاردىڭ جارعىلىق ماقساتتارىنا قايشى كەلەتىنىن جانە ولاردىڭ كەيبiرەۋلەرi بiلiم بەرۋ قىزمەتiن ليسەنزياسىز جۇزەگە اسىرعانىن انىقتاعان.
بالالاردىڭ ءبىلىم، تاربيە جانە ۋاقتىلى مەديسينالىق كومەك الۋ قۇقىقتارى مەن بوستاندىقتارى، ايتارلىقتاي بۇزىلعان.
تەكسەرۋ بارىسىندا مەكەمەلەردىڭ ءدىني باعىتى راستالعان جانە قازاقستان رەسپۋبليكاسىنىڭ مۇسىلماندار ءدىني باسقارماسى «جىبەك جولىمەن» جاسالعان مەموراندۋمدى ءبىر جاقتى توقتاتتى.
زاڭ نورمالارىن بۇزعان ءبىرقاتار اتالعان مەكەمەلەر مەن ولاردىڭ باسشىلىعىنا قاتىستى قىلمىستىق ىستەر قوزعالدى (كامەلەتكە تولماعاندى وز-وزىنە قول جۇمساۋعا جەتكىزگەن، تاربيەلەۋ جونىندەگى مىندەتتەردى ورىنداماعان، الەۋمەتتىك، ۇلتتىق، ناسىلدىك جانە ءدىني ارازدىقتى قوزدىرعان، سوت ەكسترەميستىك جانە تەرروريستىك دەپ تانىعان ادەبيەتتەر تابىلعان).
قازىرگى ۋاقىتتا مەكەمەلەردە تۇرعان بالالاردى وتباسىلارىنا قايتارۋ جۇمىستارى جۇرگىزىلۋدە.