ىشكى ىستەر ءمينيسترى ەرجان سادەنوۆ الماتى قالاسىنىڭ پوليسيا دەپارتامەنتىنىڭ جەكە قۇرامىمەن جەدەل كەڭەس وتكىزدى. كەزدەسۋ بارىسىندا الماتى قالاسىنداعى توعىز اي ىشىندەگى قىزمەت قورىتىندىلارى تالقىلاندى، دەپ حابارلايدى aqshamnews.kz
مينيستر قۇقىق قورعاۋ ورگاندارىنىڭ قىزمەتىن باعالاپ، جەدەل جاعدايدى، قىلمىستىق احۋالدى تۇراقتاندىرۋ جانە "زاڭ مەن ءتارتىپ" قاعيداتىن قامتاماسىز ەتۋ باعىتىنداعى جۇمىستاردى جان-جاقتى تالقىلادى.
جيىن بارىسىندا ەرجان سادەنوۆ ءبىرقاتار باسشىلاردى تىڭداپ، پوليسيا قىزمەتكەرلەرىنىڭ قۇقىق بۇزۋشىلىقتاردىڭ الدىن الۋ مەن قىلمىستارعا مۇلدەم توزبەۋشىلىك قاعيداتىن ەنگىزۋگە باعىتتالعان جۇمىستارىنىڭ تيىمدىلىگىن ارتتىرۋ قاجەتتىگىن ەرەكشە اتاپ ءوتتى. اسىرەسە، مەگاپوليستەگى قوعامدىق قاۋىپسىزدىك پەن قۇقىقتىق ءتارتىپتى نىعايتۋعا باسا نازار اۋدارىلدى.
مينيستر پوليسيا جۇمىسىنىڭ ساپاسىن جاقسارتۋ، ازاماتتاردىڭ قاۋىپسىزدىگىن قامتاماسىز ەتۋ، سونداي-اق، زاڭدىلىق پەن ءتارتىپتى كۇشەيتۋ ماقساتىندا قوسىمشا شارالار قابىلداۋ قاجەتتىگىن اتاپ ءوتتى. قوعامدىق ورىنداردا قۇقىق بۇزۋشىلىقتاردى ازايتۋ، قىلمىستىڭ الدىن الۋ، جانە قىلمىستىق ىستەردى اشۋ بويىنشا جەدەل ارەكەت ەتۋگە ەرەكشە كوڭىل ءبولىندى.
سونداي-اق، ەرجان سادەنوۆ ىشكى ىستەر مينيسترلىگىنە قاراستى بارلىق قۇرىلىمدىق بولىمشەلەردىڭ قىزمەتكەرلەرىنە ناقتى تاپسىرمالار جۇكتەپ، الداعى ۋاقىتتا كورسەتىلەتىن قىزمەتتەردىڭ ساپاسىن ارتتىرۋ جانە تيىمدىلىكتى ودان ءارى جاقسارتۋ بويىنشا ۇسىنىستاردى قولعا الۋ قاجەتتىگىن اتاپ ءوتتى. جيىن سوڭىندا مينيستر ءبىرقاتار ناقتى تاپسىرمالار بەرىپ، ولاردىڭ ورىندالۋىن باقىلاۋدى تاپسىردى.