الماتى قالالىق پد-نىڭ باسشىسى ارىستانعاني زاپپاروۆ پيك جانە وسي توراعالارىمەن وتكەن ءداستۇرلى كەزدەسۋدە كوشەلەردى جارىقتاندىرۋ ماسەلەسىنە ەرەكشە نازار اۋداردى.
بۇل جولى ول قالانىڭ جەتىسۋ اۋدانىندا ءوتتى. مۇندا جەرگىلىكتى حالىقتىڭ قۇقىقتىق ءتارتىپ ىسىنە بەلسەنە ارالاساتىندىعى اتاپ ءوتىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
« الماتى قالاسىنىڭ پوليسياسى حالىققا ءارقاشان اشىق جانە ولارعا كومەك كورسەتۋگە دايىن ەكەنىن بىلەسىزدەر. قوعامدىق ءتارتىپتى ساقتاۋ بىزبەن ىنتالاندىرىلادى. ماسەلەن، قازىرگى تاڭدا جەتىسۋ اۋدانىنىڭ 50-دەن استام تۇرعىنى پوليسيا قىزمەتكەرلەرىنە قوعامدىق قاۋىپسىزدىكتى قامتاماسىز ەتۋدە جان-جاقتى كومەك كورسەتىپ، رەيدتىك ءىس-شارالارعا جانە ءىز-تۇزسىز جوعالعانداردى ىزدەۋگە بەلسەنە قاتىسۋدا. ءبىزدىڭ ءوزارا ءىس-قيمىلىمىز قالاداعى قىلمىستىڭ الدىن الۋعا وڭ اسەرىن تيگىزەتىنىنە شىن جۇرەكتەن سەنەمىن. ءسىزدىڭ ءاربىر حابارلاماڭىزعا، ارىپتەستەرىم مۇمكىندىگىنشە تەزىرەك شارالار قابىلدايتىنىنا ۋادە بەرەمىن»، – دەدى زاپپاروۆ.
سپيكەردىڭ ايتۋىنشا، ازاماتتاردىڭ قاۋىپسىزدىگى قالا كوشەلەرىنىڭ قانشالىقتى جارىقتاندىرىلعانىنا جانە بەينەباقىلاۋدىڭ قانشالىقتى جاقسى ورناتىلعانىنا تىكەلەي بايلانىستى.
«جۇرگىزىلىپ جاتقان جۇمىستارعا قاراماستان، كوشەلەردىڭ جارىقتانباعان بولىكتەرى بار. سونداي-اق، قاراۋسىز قالعان عيماراتتار مەن قۇرىلىس الاڭدارى دا بار. قىلمىستاردىڭ قاي جەردە جاسالاتىنىن ءتۇسىنۋ ءۇشىن تەرەڭ تالداۋ قاجەت ەمەس. قىلمىس قاراڭعى جەردە، بەينەكامەرالار جوق جەردە جاسالادى. مۇنداي جەرلەردە، ادەتتە، كۇدىكتى ادامدار جينالادى. كوبىنەسە ەسىرتكىنى قولدانۋ ءۇشىن. تاعى ءبىر جايت، اقپاراتتىق تەحنولوگيانىڭ دامۋى اياسىندا ەسىرتكى جانە پسيحوتروپتىق زاتتاردى ساتىپ الۋدىڭ قولجەتىمدى بولۋى. سوندىقتان كۇن سايىن جاستارىمىزدى قۇرتىپ جاتقان بۇل دەرتپەن كۇرەسۋگە بارىنشا كوپ ادام كۇش سالعانى ابزال»، – دەدى ارىستانعاني زاپپاروۆ.