بۇل جۇمىس پرەزيدەنت قاسىم-جومارت توقايەۆتىڭ قازاقستان حالقىنا جولداۋى اياسىندا جۇزەگە اسىرىلدى.
سينتەتيكالىق ەسىرتكىنى تۇتىنۋدىڭ ارتۋى – ۇلت دەنساۋلىعىنا ۇلكەن ءقاۋىپ توندىرەدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ەل پرەزيدەنتى قاسىم-جومارت توقايەۆ وسى اسا ءقاۋىپتى الەۋمەتتىك اۋرۋدىڭ اۋقىمىن ەسكەرە وتىرىپ، سينتەتيكالىق ەسىرتكىنى ءوندىرۋ مەن تاراتۋعا قارسى كۇرەس ۇلتتىق سيپات الۋى كەرەكتىگىن اتاپ ءوتتى. بۇل بولىمدە قوعامدىق بىرلەستىكتەردىڭ ءرولى ماڭىزدى. ءبىر كۇن بۇرىن “ناركوستوپ” قوعامدىق قوزعالىسىنىڭ ەرىكتىلەرىمەن بەيرەسمي كەزدەسۋ وتكىزدىم. ولارعا كۇندەلىكتى جۇمىسى، قالامىزدى تازارتۋعا قوسقان وراسان زور ۇلەستەرى ءۇشىن مىڭ العىس. مەن بۇگىن سىزدەرمەن جۇمىس ىستەۋگە دايىنمىن»، – دەدى زاپپاروۆ.
“ناركوستوپ” جوباسىنىڭ جەتەكشىسى نۇرجان جاقىپوۆتىڭ ايتۋىنشا، ءبىر جىلعا جەتەر-جەتپەس ۋاقىت ىشىندە كوماندا 40 ادامنان 1200 تۇراقتى ەرىكتىگە دەيىن ءوستى.
«الماتى پوليسياسىنىڭ بەلسەندى اتسالىسۋىمەن بيىلعى جىلدىڭ باسىنان بەرى ءبىزدىڭ ەرىكتىلەر قوزعالىسى ەسىرتكى جارنامالايتىن 170 مىڭ گراففيتيدى بويادى. قازىرگى جاعدايدا سينتەتيكالىق ناشاقورلىقتىڭ تارالۋ قارقىنىن ەسكەرە وتىرىپ، قوعامىمىزدىڭ ءاربىر مۇشەسى پوليسياعا كومەكتەسۋگە بەلسەنە اتسالىسىپ، ۇلەس قوسۋى كەرەك دەپ ەسەپتەيمىز. قابىرعالارداعى جازۋلارعا بەيجاي قاراماڭىز، ويتكەنى مۇنداي جازۋلاردىڭ ءارقايسىسى - بىرەۋدىڭ تاعدىرى. بۇل - ءبىزدىڭ ورتاق ماسەلەمىز، ونى شەشۋدە قوعام مەن پوليسيا ءبىرتۇتاس بولىپ بىرىگۋى كەرەك»، – دەدى نۇرجان جاقىپوۆ.